除夕

BOXING DAY 收到小兄弟今年 "具名" 寄來的聖誕咭

歡喜之至

操刀

跑完馬

中得一隻冷P及一條QP

叫做唔使食 "福果" 

然而得不償失 ~ 都要輸尐

大伯買的其中一場因有一隻退出 ~ 退回$30
亦輸少尐...否則...  ^-^

跑跑下某君走入嚟叫我早知不如受咗大伯條纜...
都唔知想益我還是害我
若然咁做就算執到都唔夠買驚風散
蓋大伯買的馬完全無跡可尋
但每場梗有一兩隻或大或小的冷嘢在...

趁墟。柴娃

往年極少在BOXING DAY去逛公司

蓋商場內人流固然十分擠擁
而未入到商場之前想先搵個位泊車更加困難

今朝同大人施施然在飯堂食緊BRUNCH之際
廚神來電問大人穿乜碼的褲
原來佢已單拖出動睇緊嘢 ~ 還同大人睇埋

講完電話條褲買唔成
不過就挑起了大人想逛公司條筋

幾餐。新機

假期至今餐細餐大

 雙英冇約撐枱腳

雜記

行園

晨課開始休操半月
趁今日午後稍見陽光
往公園行下...影幾張相

譯難

今天一早大人赴約射雀
接近中午同侄女一家飲茶然後去睇電腦...
(已經落叠了...始末比較曲折...稍後再說) ^-^
 

晚上自己一兜友摷雪櫃
組合餐餘成一細碟碟頭飯

豐彼(昨晚)吝茲(今晚)
鴕鳥其實鴕唔得晒者也  :-D

隨手拎張FRYER墊住食

一邊食一邊無聊 "順便" 瞄下尐字

聖誕快樂

大人的聖誕假期已經拉開了序幕...

對她來說這或者是全年最開心的時刻 ~
唔使做、有人工、收禮物、吃喝玩 ~ 樂！！ ^-^

因利成便就借學校的這棵聖誕樹讓這篇增添一些節日氣氛

並祝大家

聖誕快樂！

日誌

星期二

用開的籃球逐漸漏了些氣

今朝換個充氣最足的 ~ HAPPY FACE

雜記

近來因電郵戶口故障兩度受鎖要麻煩侄女出馬
上週六終於搞掂
至今仍沒見舊病復發

(據說可能係網絡公司自己的問題)

煩事了卻一件
甚好

望梅

 網站大力宣傳今日會直播四場國際級賽事

通常呢尐場合玩就唔多好玩
打算小注...睇下國際高手表演騎技算咯

^-^

煩事

"若無煩事在心頭  

便是人間好時節"

話是不錯...

然而...說的是..."若無..."
人豈會沒有煩事吖?

只在多少和大細
凡人嘛...  ^-^

此所以上面有幾句話時刻放在頭像耳邊用來提醒自己的...^-^

冬之園

星期六天氣幾好
讓大人舞部新車往打羽毛球
我跟車

然後自己揸回來
打完波自然有波友送大人返歸

欣賞

早一兩天剛說起想買定一兩盒牛肉乾預備幾時帶返香港... :-D

許是天心體貼
知道饞人記性麻麻
今日超市即刻減價

哈哈
為人為己
掃了三盒

日誌

今朝在球瑒先行圈
然後八卦睇下教友 "壁報"
最後才打波

學校教職員除非也是這個堂的教友...(好像得一位高層係) :-D
其他俱不與焉
佢地自己會在出面另外搞餐
我...亦不與焉  ^-^

瑣語

今冬習慣了在此摸黑行圈開操

等天色稍光然後再打波

星期一難得有陽光

可以 "提早" 多打了一會籃球
操畢臨走且拍一張
莫辜負這個靚場和大好晨光

前人養老下篇 ~ 其二

續完 ~

○杖

杖曰“扶老”，既可步履借力，且使手足相顾，行不急躁。其长须高过于头一尺许，则出入门户，俾有窒碍，可以留心检点。虽似少便，《荀子》曰：“便者，不便之便也”，古人制作，盖有深意在。

(用心良苦耶? ...憑空亂想，會否因杖太長容易碰物而躀倒?...@-@)

前人養老下篇 ~ 其一

本來想打幾條<養老寶典>中比較有趣及有些參考價值的放上來...；不過在網上見到有個簡體字本，遂省回打字的功夫。既不用逐字敲打，不妨放多幾條。:-D

(條下(......) 的 "履批" (?  :P ~ 相對於 "眉批") 是個人看後的胡言亂語...) :-DDD

-----------------------------

前人養老上篇

日前大人如常往圖書館又還又借。

如今發展到用電子掃描登錄借書，一借一還手續便捷易如，厚厚的一大叠書只一下已經全部 "穿透" 搞掂。話是如此，然真待大人還、借兩紇可以走人，時間長短仍難說準  ~ 蓋登錄容易找書難也，有時等到饞人幾乎謝了大人還未揀完。並非趕時間有事要辦，自己就算等得無聊和難耐也不好催促大人，擾其雅興。習慣了大人揀書找書需時，通常會乘機去看看有沒有較新而未看過的那本香江健筆主編的財經月刊，有就當場坐下翻閱一下之餘，若見月刊內有那三兩篇 "可觀" 的文章而想看得比較仔細的，才順手借回來。

日誌

星期四的今朝是本週的第一課
早幾天覺得攰攰地(過府雙開那天某君喺度猛咳...)
腿、背都覺得有尐痠痛...唔知係咪又揩嘢 "作C"
休息了幾日

早上七時零五分的球場
都好過我地昨晚
未夠光先繞場行+慢跑二十分鐘熱身
接近七時三十分光尐才操波

過府雙開

星期六廚神大伯又手痕叫開枱
開完枱柴娃娃在廚神府上開埋餐就不在話下

有得玩有得食
梗係欣然赴此 "雙開" 之會喇

雜記

這兩天頗凍

昨早出門前暖車
室內停車場都只得-2度

飄雪。兩餐

又是飄雪時候...

整個星期都會係飄雪、雨及濕雪夾雜

雜記

昨日接放工天色不錯

趁大人未出嚟
落車練下功
順手影兩張相

水落石出

 

昨天收工大人回報
已 "查探" 到尐失踪籃球的下落

星期三的今朝難得唔使開OT
感冒好得八九(?)
咳雖依然
都打算復操

點解未校慢鐘 ~ 因為既掛得高又罩住?  :-D
實際為七時零五分

長假雜記之二

星期日大人學校所屬的教會堂慶三十週年紀念及聚餐
上集返學校有餐做
下集去酒樓有餐食

送完大人返學校
雖凍凍地、虧虧地...自己一個人過公園活動一下

星期日跟隨美國改行冬令時間 ~ 撥慢一小時
現在比香港慢13小時

長假雜記之一

星期四、五兩天冇波打...齋行三十五分鐘
因為冇波 ~ 學校原本放在固定位置的那幾個籃球都不翼而飛...唔見晒
大人上嚟開燈幫手入房搵都搵唔到

目前仍係無頭公案

雙鍋

廚神府上星期日雀友臨門有局
叫埋我哋 ~ 局就不與焉
食餐豐富嘅  ^-^

秋。景

昨日接大人收工

萬里無雲

拾葉

這些樹葉是大人在黃昏4,200步途中邊行邊執的...

返嚟用報刊雜誌夾住然後上面 "加壓" 十天半月

秋。葉

連續不停落了兩天雨
今日終於放晴

唔夠10度大人都想行
...陪佢行...過公園
我有我影相...  ^-^

雙手露出嚟吹到凍冰冰不只
冇打底單靠件厚外套都似乎頂唔順...

水靜塘非...不復從前熱鬧矣

 尐鷗、鴨、雁唔見晒
只有左手邊寥寥幾隻

兩勞一逸

就快萬聖節

大人又要假私製公 ~

喺屋企整定幾個樣板拎番學校等靚仔跟住做

這幾個勞作的造型要用些少幻想力搭夠  ^-^

就手執劑

同事早幾天展示了一輯靚相。 ^-^

知道係要花上大半日郊遊，又上山行到索氣、缺水...，
辛苦之餘，還要心、眼、手和精良器材配合才影得到的。

個性素懶，加上目前的客觀條件，
自己有心照單執藥亦不會去得太遠。
況且眼界及手底功夫俱低，有 "單" 想照執都難矣哉者也。 哈哈...

雖無法照單而執，興到亦會順手就地取材；

不過質素自然就差天共地了。

昨夜。夢魂

昨晚大人收工坐同事順風車逕往扮靚
搞掂去接番佢途中

新換座駕首受雨水洗禮

.

雜記

前幾晚揸車返歸途中見個十六的月光剛剛開始升上嚟...黃澄澄、好大個
大人喺車想影影唔到
返到去泊好架車...匆匆出嚟搵月光...
畀尐建築物遮住都唔知喺邊忽
入夜有風幾凍...大人衣衫單薄
唯有打發大人返歸
我接了這個任務

繼續搵...左兜右兜才搵到個見到月光又冇嘢遮的位置

不過...影成咁...
大人話唔合格  :P

數餐

今週數餐

螺片蓮子淮山茨實煲鷓鴣

 

出車記

昨晚將老爺車交予修車師傅之後，
今午會到車行攞部新車，中間大槪有二十小時無車真空期。

請廚神早些 ~ 未天光 ~ 落嚟先送大人返學校，
然後回來做完運動再搵我一齊去食早餐，她才返工。

今天星期四是農曆九月十六，
這個月亮仍是九月十五從香港趕過來的月亮。
 

易主

今日拎部車畀整車師傅

原來他心中有車  :-)
早前知道我想換車
已講定說車行出幾多錢收...同佢講先
當時有些疑惑...佢一向唔做買賣舊車的

三圖兩語

戲如人生

諸事

星期五朝早空腹操波
打到咁上下似乎一汗接一汗
頭及身出少少汗本來正常...但連下肢都覺得有些汗濕又加埋有尐頭刺虛浮 ~ 

大槪係運動之汗出了不久...跟著出的就是血糖低(?)之汗了...

 C就C...繼續放慢一些玩到夠鐘才去食早餐

不孤

日前...

道雖不孤
我比較喜歡這樣子的表達方式   :P

日以繼夜

星期二
收工即去埋TOYOTA睇車

睇完去食買一送一

閒話

近幾天這裏的主流電視台日日都有跟進報道小島的消息...

雜記 ~ 兩日晨。朝晚粥

這個星期操足四課籃球
星期五早上帶了半樽清熱粟米水
中途可以潤下解渴

兜搭

昨日黃昏陪行
諗住係咁意行一陣就坐低曬太陽
所以提議唔行細街行公園

朝波夕踱

開始操波之後

朝夕都有得郁下
就個人而言這半月來的 "運動量" 在移民之後得未曾有 :-DD

黃昏 ~ 大人要孖咇才有興致行
早上操波雖已操至索氣夠晒皮
說不得都要陪行

以免佢有借口...唔行

昨夕

行是行...快慢隨我耳  ^-^

叫大人自己開動TURBO
我喺後面 "吊" 住做保鑣...
"你行到街尾就返轉頭匯合一齊行...返歸喇 "

擦一餐

待大人從香港回來
叫廚神幾時約齊夫家一眾開枱玩番日
並情商廚神夫婦下廚搞餐食添  :P

蝸居淺窄
過府比較方便  ^-^

約了今天好日子
朝早一齊食早餐然後買餸

大雨

週五日誌

星期五耳根終於可以清靜了
門口梯階下面行人路的碎石工程告一段落
掘了個大約兩呎(?)深的坑
稍後會重舖石屎

正門門口目前用網圍封
這個沒所謂...反正除訪客外我地本來就少用這門口的 ~
我地通常由公共走廊的門口出入

食考。姓考

大人昨日從學校拎了兜仔大鄉里未見過的東西回來
係靚仔所訂的午餐其中一款食物
佢話校長見有食剩...嗱嗱聲話要攞尐返去
所以佢又攞尐

"乜嘢嚟?"
"沙律..."

驟看之下入面尐嘢冇樣知係乜
"個名好似係  Qu.....  "

"吓...乜 Q......呀?"
".............."
大人好努力都講我唔明 ~ 因為佢都唔係十分清楚 ... :-D

嗰尐一粒粒好似薏米但係有條 "尾" 的.........?

雜記

昨早操完波
連續兩天覺得散上加散 ~ 攰 (可能已作緊感冒?)
收工在飯堂食完嘢
大人要捉埋我去行
攰都勉為其難頂硬上
踱了半圈...見到張椅
"我晒下太陽...睇住你行喇..."  ^-^

天氣清涼有尐西北風
接近黃昏的陽光暖和 ~ 晒得幾舒服
(不過終於都衰了...今日虧虧地要啪丸...)

麥記。操波。千篇并記

大人預告今朝會去買麥記早餐

我忘記搞個機械鬧鐘而要人肉後備 "鬧" 鐘吵醒  ~ 於是起晏了
一天廿四小時早早晚晚視乎需要有時會用幾次鬧鐘
左撥右撥...撳來撳去
偶然難免做漏一著
這次不過是其中之一...早有前科...而且應該續有來者  :P

一勞。開波

昨晚
星期日的一勞

冬瓜粒湯
今次加料 ~ 有少少鮑魚粒豐富下口感   ^-^

"利" 器。食誌。搖鈴

開完通宵OT隨即爭取時間瞌番一覺
蓋朝早約了廚神飲茶

為的是去攞這件袖珍 "利" 器   ^-^

锈刀出鞘

昨宵有雨

未來幾天顯著轉涼
半夜得十度八度

今朝看看外面的天色才出門送大人返工

今日食誌

豐彼吝茲
:-DDD

昨晚自助餐之後

今日都係自助 ~ 雪櫃的餐餘
自己湊合整個BRUNCH

牛坑腩南瓜湯雞絲通粉

十五十六

今晚食完買一送一自助餐
一齊散功由頭到尾行晒屋企附近條細街
大人數過來回全部四千二百步

十六密雲

無星無月

昨晚十五的中秋節正餐

中秋月

八月十五  ^-^

喺街食完飯返歸
匆匆落去行陣兼搵位影相 ~
行過另外一邊沒有柏文遮擋的有利位置

升月

住家餐。影月

趁星期日假期
在中秋前夕大人買餸煮多餐 ~ 當係提早做節喎
其實兩個人點都無乜所謂喇

買了兩隻龍蝦

燒雞。非啤。月亮

大人和同事今日一早去飲茶行街
樂得有大半天清閒
獨行、瞌陣...
並且記錄、更新連日較忙的工作細項以及做下備份  ^-^
以免萬一老爺機有乜差池跪低就亂晒籠... :P

大人買隻燒雞回來做晚餐

農曆八月十一

西邊的夕陽

晚餐。晚霞

散功之行

自助餐之後
孖咇行番幾圈

^-^

一餐。孖咇

開學前夕
明天大人恢復帶飯生涯
例牌要郁手煮番餐住家飯

大人射槍記

侄女兩公婆約了今天帶大人去玩射鎗

我留守...冇份 ~
自己揸跟車一齊去要等換咗新車先,  哈哈...
早前架老爺車行到窒下窒下幾乎跪低
心理陰影之下高速公路跑長途暫時可免則免

失策。失事

早前食到只剩十粒八粒降尿酸藥
大安旨意還有一樽REFILL在 "戶口"
毋須預早約睇白袍老友另外開藥方
諗住隨時去藥房攞藥就得

雜記

昨日星期二
侄女來電問一齊食晏

冇所謂...又係呢間逢週二減價的自助餐喇  :-)

獨行。隨影

今日獨行 ~ 3 圈
大人煲劇欲罷不能 ~ 只好罷行

柴娃娃

朋友又在網上買了酒店的餐飲優惠套票

今次食日本嘢

住家餐

今日叫侄女一家三口上屋企食飯
順便攞埋手信

近來溫哥華蟹略平
我地日前食咗隻
整隻侄女嘆

呢隻重過、靚過我地上次食嗰隻
實肉好膏 ~ 我包晒尐膏咁滯

雜扯 ~ 鳥。花。心聲

"只閑閑鷗鷺忘機  雲水任寬窄"

日誌

昨晚開工由頭到尾
收工即瞓
晏起

接機。豐餐

星期六晚上接大人機

日前廚神兩位中學同學結伴遊美加

趁機造訪大家樂聚幾天
廚神一家這個暑假熱鬧忙碌得很

同學翌日離加

臨別秋波整餐送行

我有食神 ~食完才與妹夫出發接機

大人都有 ~ 接完機即回府大人飲碗湯食尐嘢...過下口癮才返屋企

三 "生" 有幸

無聊得滯，貪得意出了上篇 < IQ問題>。 ^-^
其中的主角，並非網友戲言的英女皇；
而係對我來說，權威尤勁過英女皇的...大人！  :-D

大人今年有幸一共過了三個生日。

IQ 問題

一般人會有農曆和公曆的兩個生日

但有人今年會過三個生日 ~ 可是那人並非農曆九月出生的

點解?  @-@
 

"膝" 調

今朝一課快操

 2圈 + 來回長直路 ~ 1 小時

 連日膝頭似乎已經恢復活動如常
行完亦並無不適
相信一輪調理都算有些功效

經此教訓

稍後冬天點凍都要保持繼續行機了

又日誌 ~ 絮絮叨叨講宅食

 今朝起晏咗...少少
先出去嗰間早開的茶餐廳食個沙爹牛肉意粉

然後趁早尚未有咁多人順便去埋超市巡下有乜減價嘢啱使

日誌

黎明慣起

夏天運動至正的時間
清涼、陽光不猛

天氣和人都甚爽

雜記

幫趁飯堂一餐...頂幾餐

一個羊扒餐
食一半、拎一半
加多個楊州炒飯午餐外賣 ~ 這幾個星期未用過個電飯煲 :P
(特意上埋待攤凍才打包)