過府雙開

星期六廚神大伯又手痕叫開枱
開完枱柴娃娃在廚神府上開埋餐就不在話下

有得玩有得食
梗係欣然赴此 "雙開" 之會喇

 由於要抽時間溫習一下功課...(今勻就勤都無功而還咯...)   :(

由大人先行出馬

呢舖十三么係大......伯的傑作
當時我在佢對岸的大人側邊哄衫領觀戰
見大伯摸隻打隻乜牌都博而門前無牌落地
已略知端倪

終於某輪廚神摸隻 "北" 回來出沖飲恨
大人好彩摸唔到 "北"
否則...應該一樣要輸的  ~佢都唔知大伯做十三么
雖在旁觀戰...不過一舖途中未打完就算大人有時會問我點好
我都不會出聲提場講牌的

同大人一人打陣
大人打得多...我打得少 :-D
我打之時就略為追回多少大人的失地

----------------------

 暫停開枱
且開餐先

我同大伯都好此
妹夫拿手清潺、調味  :P

 有皮的羊腩煲 ~ 正
見此羊腩煲又諗起舊時坐大牌檔滾滾下的風味了
論風味係以前好(係因為 "此情不再"?)...但論食味就梗係呢煲優勝得多喇  :-)

某君話食幾舊肉都冇皮嘅...?
饞人對曰..."...有皮...我都食咗幾塊淨皮咯..." 哈哈...
梗係喇...炆得耐皮肉相離架嘛...
想食皮應該挾舊肉之餘 "執" 番塊皮一齊食

 雪梨煲豬踭
C火...今晚食咗唔少皮

蓮藕炆豬肉
炆得十分入味...蓮藕亦靚
不大好蓮藕的我(卻喜歡吃磨茸的煎藕餅)都吃了不少
呢味只敢齋食蓮藕咯

 至愛

以汁撈勻之...賣相更佳

哈...呢味賽螃蟹
廚神肯定青出於藍了...因為印象中我未食過老豆整呢味餸
炒桂花魚肚(?)之類的就似乎食過

廚神好嘢
這些蛋白係佢公司預備丟棄的剩餘物資
食得唔好嘥
拎回來成就了此佳味 ~ 在鬼佬眼中應屬化腐朽為神奇之作了吧?! 哈哈...
加分並鼓掌

還有兜蒸鴨哩

呢餐有和味鱔汁
添了小半碗飯...添 ~ 好飽...開工都唔使宵夜   :-D

----------------------

 

食完飯繼續仍係咁上下情況

大人在劣勢負隅頑戰( :-D )
只讓我打最後一圈來收拾殘局
奈何時不我與
始終未能挽狂瀾於既倒

僅可輸少尐 ~C$29...接近6底

大伯臨走又手痕搭單買馬
好像每場以1、4、7為膽再搭多隻共揀4隻買單T(奇怪第9場冇買4號?)
一向已講定幾時中超過一萬蚊就即時(半夜)打電話畀佢報喜
叫佢該晚聽到午夜鈴聲不必驚慌...哈哈

今回  "又" 全軍盡墨 ~ 我都係...不過冇佢輸咁多  :P

大伯投注共銀HK$440 ~ 有場退出了一隻輸少30
遲尐C$找數...匯率就由得佢計喇...
:-DD