易主

今日拎部車畀整車師傅

原來他心中有車  :-)
早前知道我想換車
已講定說車行出幾多錢收...同佢講先
當時有些疑惑...佢一向唔做買賣舊車的

老爺車輩份太高
車行唔敢收...唔知點同師傅開價
事前致電講定   "車行唔收...你畀幾多都好喇..."
大槪知道行情車行一般出價唔慌高得去邊
輩份咁高肯定唔過一千...幾多百就睇車而定

拎到去拆番前後車牌畀我
搞掂過戶文件手續
"......畀番五百元少唔少?..."
"是但喇..."

就咁搞掂！

然後大家謦下車事(我係取經...)等廚神來接我走

佢話我知執好之後畀個仔揸
個仔己過了十六歲就快考牌...
廿四孝老豆...哈

知道我架車抵玩耶...?
自己唔揸...都想部車好
今次所託得人
至少會將週身病痛搞得好尐

擒擒青今晚趕住交車
因為師傅一家幾口即晚上機...一個月後才返
"...趕返去參加佔中呀?..."  :-D

兩個車牌拎番去運輸署註銷
新車出新車牌

---------------------

題外話

昨今看了兩則小道消息

先是澳洲公司送錢
剛是婚外情傳聞(?都唔知堅定流...)

這些消息早唔出...遲唔出 @-@
究竟邊個放料?

 ABCJ 960 有人賞識易主

HK 689...若成棄車...