朝波夕踱

開始操波之後

朝夕都有得郁下
就個人而言這半月來的 "運動量" 在移民之後得未曾有 :-DD

黃昏 ~ 大人要孖咇才有興致行
早上操波雖已操至索氣夠晒皮
說不得都要陪行

以免佢有借口...唔行

昨夕

行是行...快慢隨我耳  ^-^

叫大人自己開動TURBO
我喺後面 "吊" 住做保鑣...
"你行到街尾就返轉頭匯合一齊行...返歸喇 "

行下影下...

 ----------------------------

 今朝

繼續操波

一星期就算操足都只可以操四天
星期三因馬而休...六、日乃假期

自己覺得打籃球對身體的活動較為全面
頸、肩、背、腰、臂、指、膝、腿... ~ 都用上了
唯怕今非昔比
過份高估自己致消受不來而已 :P

開頭幾次許多久矣乎沒機會郁動的部位會有尐梗...甚至痛痛地
有時舉手投籃、彎腰控球及執波時都會牽動到有尐微痛...

稍為走動一陣又已經扯晒氣
頗有力不從心的感覺 ~ 自然明白...正如早前說的 "刀已锈、牛已老"

希望慢慢適應...沒整親受傷就好  :-D

近一兩次似乎比較好尐了... ^-^

今朝玩了四十五鐘
三十五分鐘操波
前4後8(並非放那種假期......啊...哈哈)繞圈
事後(現在)少少攰...不過就冇乜邊度覺得特別 "乸" 住了  :-DDD

送大人返學時僅露曙光
操完波出嚟已經旭日高升

昨天得十一、二度仍頗清涼

今天午後至這星期的餘下時間天氣甚正
溫度最高有20零度

日日都有十幾個鐘陽光

 操畢去飯堂歎早餐

 順便影張相等大人知道今日飯堂食乜
收工隨佢去邊度食都好... ^-^

如此朝波夕踱...
尤其難得有這場地及時間之便能夠在室內操波
若然稍後自覺身體可以承受得來
也不失為在冬天的理想運動 ~ 夕踱就要鼓勵大人(一齊?)落去行機囉...

 其實自己是心中有句...  ^-^

打籃球可說是自己的 "朝花" 之一種
如今大大話話事隔三十年(?)老來 "重拾舊歡"

怎麼說也該是 "夕拾" 了...
拾到的還不只是 "花" 的記憶
實在的... "顏色"、"觸感"、"氣味" ...雖褪而仍在  :P

不過這品花目前就栽也好、玩也好、賞也好
大槪都只能獨個兒的了...

^-^