如臨大敵

蛇踪出現至今整整七週。

週前最嚴重時試過幾次洗頭之際或洗完不久就出現快閃劇痛 ~

痛至那要命的爆炸點時設若持續痛耐尐或致失禁的那種程度。

 連續不斷服食止痛藥(不敢停)至今情況似乎有些改善，

 那半邊頭額、魂精痛到標冷汗的閃痛痛感目前暫時沒再發生。

 如今是痕痕、痺痺、痛痛和繃繃緊等的諸 "感" 交集，

 不爽之中還好尚捱得過去；

 只不知這是孖藥合成的消炎及止痛功效還是神經線自我緩慢復元的些許進展。

豐茲吝彼

最近轉了飯堂

 以前經常幫襯的那間茶餐廳腳步漸疏了

尤其係想食蒸魚的時候

會和大人光顧附近ＦＯＯＤ　ＣＯＵＲＴ的其中一檔(扮晒嘢有個魚缸架...哈)

叫個任揀兩和菜套餐 ~ 其中一餸加少少錢可以改一條蒸魚

 兩個人就已經差不多

食晒條蒸魚好多時另外個餸都食剩要拎走

不爽期雜記

月來儘說不爽事

 今記一篇樂何如

^-^

----------------------------------------
----------------------------------------

踏入十二月之後

商場的聖誕氣氛漸濃

有得睇...有得玩

 呢個不過係細細的商場嚟架咋

如是問聞

"...15日朝早最後一次劇痛之後, 至今已沒再發作;

近幾日平時持續的痛感減退, 但就好痕好痕, 又唔敢點大力搲 ~ 驚搲搲下又痛過..."
( "搲" (?)痕...) @-@

"痕係正常的過程 ~ 尐皮膚因為...............................; 

 搲係唔會引致劇痛嘅, 當時就算你唔搲佢都一樣會痛...;

尐藥已經好重手架罅, 放心啦, 現在尐痕癢應該係向住好嗰面行緊...。

(廿年老主顧了, 白袍老友應知我有嘢容易驚青。

上次食完抗生蛇藥番睇強調 "用啱藥",

今次又強調 "藥重手" 以安吾(多)心  XD)

懵獅

一隻藥唔夠力

食了兩三天
期內仍有劇痛發作

失望以及繼續無奈捱痛之餘

別無選擇焗住同時兼食另外一隻

前後兩日

孖藥實際36小時

未有發作過劇痛了

今日午後還戰戰兢兢地再洗一次頭 ~ 好彩...!  :P

落藥

平時一向正常尚算溫馴的三叉獅子給疱疹病毒搞到發晒炎

近來的反應神經兮兮
顛顛DUTDUT

傳遞的訊息亂晒籠 ~
在街上畀風吹下或是洗頭淋下水以及用手輕掃幾下頭皮
就胡亂丟出了個被火燒到或是被針拮的感覺訊息

好彩的是似乎沒有影響眼、耳、口、鼻的功能和本來面目
誠不幸中之大幸
否則真箇不堪設想  =_=b

不過亂發訊息已害苦了班主自己

頂唔順痛唯有今日向白袍老友求救

只因未識

井蛙早前唔識世界
尚誇言比較忍得痛

卻原來所謂忍得痛者 ~ 

只因未 "見識" 過那種痛

近幾天見識了...

( 這種 "見識"...不見不識也罷...嘿 ! )

事關痛癢

病發以來那些不同程度的痛自己勉強可以忍受

有時笠帽或者唔覺意揩到某處痛位

突然一嘢E牙鬆弶當然有之

至於所說此病那種常伴的神經痛痛感 "習慣" 了之後尚能處之 "淡" 然

如今病情大槪接近尾聲

清熱。血拼

近來飲食比較節制揀擇

略避肥膩不沾刺激(飲茶仍是會去的  ^-^ )

還上網摷些簡單方便、坊間所說對症而清熱毒的 "東西" 儘管吃多少

此乃自己一向所謂的 "些少人事點都要盡尐..."

至於有冇用則不必過分深究而且相信也是難以說得準的

雜記

消退

食完一星期療程的抗生蛇病毒特效藥

 今日再去讓白袍老友覆診

奪額霜紅

天氣稍凍

濕滯隨來 

唉...

雜記

週五早上三四度

密雲疾風

 晚上要和家人去食週內第二餐自助餐

事前預 "服" 些許解藥 ~ 天氣欠佳都晨運一課

繞園三匝

五十分鐘

蛋黃。任食

幾度夕陽紅

災後重記

連日神神地 

網絡失靈

頓失所 "依"

諸多不便
 妨礙開工、消閒

苦也、悶也...

^-^

無網之災

唔知網絡公司搞乜
今日其速也龜
好多時重唔得添
都唔知要捱到幾時

等陣...要開工架嘛 ...

後記

現在龜唔晒了...

^-^


再後記

HKT 09/11/15 06:30 AM

連日假期傳送拉牛上樹

苟延殘喘...

試毒

 

雙英假期無聊
思飲思食

大人索性連那一 "勞" 都懶勞

^-^

眼見他新開張...眼見他執笠了

相鄰柏文臨街的那間小食肆舖位幾度易手、丟空、易手...
最近又有新 "雞" 鳴

禾青

第一場就旗開得勝

沾沾自喜

一心諗住今次鴻鵠將至...嘞卦

^-^

秋雨。任食

行。睇。食

近來冇得操波

趁還未十分凍

多尐過公園郁下

 今日 "突然" 見到不少知更鳥...

當中有否曾經在屋企門檐上孵育的那 "一家大小"  ? 

縱使相逢總不識

雛一、雛二、雛三及孻雛...
"昔" 日羽翼未豐
如今應該大隻好多了

^-^

深秋

坐對斜陽

觀自在

?

^-^

  

投票

今日...

小園秋色之二

近兩日顯著轉涼

秋意更濃了

冒寒出露台
只為...

 ^-^

小園秋色之一

這兩天望見公園的秋色漸濃

今午天色雖然麻麻

趁還未好凍(明日轉冷...)

天陰大風都過去睇下... 

紅葉

綠徑綴彩
亦堪一賞

^-^

感恩節的長週末

"寒露"  以後...
一個大人要返工的大清早

任食。鏡中人

昨晚忽爾...癮起

近來關乎基本民生的消費許許多多都不動聲色加了價
有尐更加完再加

間嘢亦絕不會例外...

現在一般的自助午餐都沒有三文魚刺身了

想食就要食晚餐

晚餐當然貴過午餐好多

若是在星期五和假期再特別加料(蠔、大生蝦、蟹腳之類)又再貴多幾蚊

賞楓。行徑

早前答應細佬星期六參加同 "佢地" 一起去賞楓

幾日前天氣預告會有雨 ~ 係就無癮咯...
好在早兩日又更新話日間密雲..黃昏後才落
(現在出這新篇時果然已經落緊雨了...)

^-^

 雖然無雨

但早上得七八度而且大風

感覺大槪係2度左右

都幾係...

唯有著多兩件

說三道四

水與陸

 "近" 照
   ^-^

做節。賞月

 約了今天(星期日)午後過府開枱、做節、賞月

雙英朝早飲完茶
叫廚神買餸時搭單代買些扇貝和溫哥華蟹係咁意加些少料

早茶後至午不食...住
出發時順道買些蛋撻作下午茶點
自已整多個熱量爆燈的波蘿叉燒包

長夜吟

星期六的凌晨，
無聊枯坐機前。

今夜股馬俱無，
沒有了平時的 "宵" 遣。

點滴

以前都沒怎麼特別留意...

最近在公園或附近街道散步時

 漸漸發覺原來上空不時有飛機經過
而且有時似乎還飛得比較低

不過當然就沒有從前在九龍城近距離所見所聽的那麼 "清楚和震撼" 了

^-^

秋雁飛

長風萬里送秋雁...?

沒甚麼風
亦不知是否即時南下避寒...抑在練飛

一群又一群...

日光之下無新事

新學期因為工作和人手調配，
開門之後的那一陣絕早時段大人不用再獨守整間學校了。

如此一來，
大人自然比較輕鬆一些；
不過就讓自己這 "街外人" 覺得不太方便繼續如前般操波了。

暫時清早天氣尚未太涼，
送完大人返學有時即過公園晨操一課。


朝日初升

日誌

九月十三日 星期日

上週已約了今天下午會上廚神府先玩雀後開餐

 事前託廚神提醒大伯要落注就星期六晚上打電話給我 ~ 莫待今天
以免走寶徒呼荷荷

哈, 果然依時依候打來
可能見是今季首度還加注買多過往日些少添

---------

過府

上週忽爾心血來潮

有感廚神 "久" 未蒲頭

遙詢緣何近作 "隱娘" ~ 連音都冇 "朕"

回說..."無事...忙..."
並笑謂兩兄妹即是兩兄妹

大家都竟然一樣的心思 ~ 佢亦正想搵我...架罅喎...

於是...約了今天LABOUR DAY過府開餐

^-^

雜記

連日勁曬高溫
反正早上要送大人回校執檔 ~ 大人返歸之後亦多半會攰到唔想再郁

於是...自己一兜友
捨昏行而晨運

又是黃昏

這星期雖未正式開學

唯要提早回校執檔幾日

大人還晏過平時收工

接放工後隨即往食四和菜

食完從商場出來時比昨日撳完機稍早

 

甫受教於兩位攝高

新鮮熱辣

趁未完全失憶又影過

黃昏

故鄉...般 "風景"

十分熟悉的環境
非常親切的感覺

^-^

身邊 "風景"

黃昏的天空

弄B樂

這個暑假大人先後返了兩個星期學校的夏令營

期間有機會就帶侄孫返去HEA下
靚妹玩得十分過癮

有時侄女有事要辦
探知我地得閒

亦會來 "托兒" 一陣

淺酌

辟穀前的一陣子自己對飲食已經比較小心、節制，
並且滴酒不沾。

照完鏡當日更遵醫囑要24小時禁酒 ，

 隨後幾日又冇乜幾餐喺屋企食；

於是前前後後 "戒" 啤 及自助餐差不多兩週矣!

照鏡

 16日星期日凌晨二時三十分 ~

17日星期一中午十二時三十分

終於完成整個辟穀過程

夕陽

夕陽

 

試新

細佬及侄女早前對之大讚

叫我地去試下

今朝於是四大一B往飲茶

雜記

加國美人魚

新生命孕育實錄(之六 ~ 終篇)

東岸時間
8月4日星期二

身形大得很快
並已通體長出黑毛

孖咇行

大人傷腳目前算復元得八八九九

只餘小腿肌腱裏邊血管爆裂的禍端部位覺得仍有些 "扯實"
待過多一些時日鬆番(?)相信就冇乜事的了

近日得閒就捉埋大人一齊行下
都休息咁耐
要活動筋骨架罅

新生命孕育實錄(之五)

東岸時間
7月30日星期四

 早前雀媽一發覺有人喺度哄個巢就相當緊張
來回撲飛

昨天試過擔張櫈喺樓梯下面藉著有窗紗遮掩站上去不動聲色由另一邊影
可是高度不夠比不上喺窗側影咁適合呢   :-D

雜記

相逢不相識 

:P

一舉解暑饞

這個星期持續酷熱

未到中午都已差不多30度

 如此翳熱天氣

屋企的老爺冷氣機一經開動就根本冇乜機會 "夠凍" 自動停下來

喺咁長開真係有尐擔心幾時會跪低

況且一向覺得只兩個甚至僅得一個人喺間屋開冷氣係相當浪費能源之舉

家居電費支出多尐更加唔使講

新生命孕育實錄(之四)

每次見到 "隻雀" 自己都斷估說是 "雀媽"

其實因為唔識分、亦唔認得當中究竟係一隻雀還是兩隻雀嚟
所以就算雀爸曾經在眼前出現過都不會察覺的

據說...

日誌

 星期日約了廚神夫婦飲茶
大人介紹我地去試一間 "新嘢"

可能係星期日的關係
九點開門坐落後
大槪二十分鐘已無空枱

點心價錢比平時飲開那三幾間只略貴一些
不過茶錢收足

點心大致唔錯...

新生命孕育實錄(之三)

YEAH！
^-^

東岸時間

7月25日星期六
10:00 AＭ

夏日炎炎

今日開始連續幾天非常翳熱

濕溫效應之下

感覺會比實際溫度更熱

新生命孕育實錄(之二)

七月十三日星期一
8:10 AM


 

雀仔離去之後裝下依然得兩粒蛋

隨即出門去同侄女侄孫歎早茶自己食少少嘢先

然後大人帶佢地母女返學校HEA下
等靚妹侄孫群埋尐大佢少少嘅靚一齊玩下

揸車尾隨護送佢地到學校

我就赴約第二餐 ~ 昨晚臨時臨急主任約一齊茶叙

自回流主任一走
雀事凋零殆盡
連茶叙都難得一次
所以不惜連趕兩場耳

新生命孕育實錄(之一)

多日沒運動

今朝出完昨晚的 "棄枴逾旬之喜" 那食篇之後
晨運去也

六時許的朝陽

未曬未熱
涼爽舒服

逾旬

棄枴逾旬之喜

兼慰勞賓伯

片皮鴨+龍蝦伊麵+自選小菜套餐
此中有公...孫...大娘...之至愛焉

涅槃。偶像

昨天星期五係大人返暑期班首期一週的最後一天。
(八月中還要返多一個禮拜耶)

大人臨急抱 "佛"腳 (有時真係有尐意思不如換過個頭像...:-) ) ~ 又搵到我嚟搞 ；

蓋學校要搬清一個出入通道堆積的雜物以應付消防年檢巡查。

學校除了一些小小男生之外，
教職員全部是女流之輩。
大人雖非弱不禁風，且傷勢亦已大槪好得七八，
呢尐咁粗重嘅嘢都係等虧精賓伯做罷喇。

不過入到去現場望見堆嘢，嘩，佛都登時暈得一陣...幾乎涅槃咁滯...。 :-D

一兜友肯定搬到一佛出世、二佛升天...矣！

陪睇騷

有人送了一個國慶嘉年華的兩張入場券給大人

就在附近平時去開的飯堂那個商場之內舉行

國慶日的晚上
即管陪大人去湊下熱鬧

亂影

邊個?

演了年幾兩年的中篇鬧劇幕雖落而猶有餘音

呢套嘢...
不知是編劇屎、各方(!!!)演員屎、導演屎，還是製片屎...

時有捉蟲之筆
套嘢簡直一塌胡塗
做到不知所謂

 莫非再想開套番外篇?
臨尾失驚無神又即興加 "插" 一節尋找內鬼的懸疑 ~
究竟係邊個耶?  ^-^

動容

一向不大上心留意
更加唔多 "識" 尐人的 "本性及表裏" 乜滯

憑君一席話

冷感麻木的人居然都有些動容了...

點滴

由大人主理
雙英不斷供款每次買十期的MAX彩票

今回執番一次

 

確診

好在軟軟韌韌的幾種廁紙家居存貨豐厚，
足夠應付過去48小時以及未來幾日(?)所倍(X?)增的用量。

昨天啪了2粒過期止瀉丸，次數稍減。
卻原來只不過是假象！

呻

今次肚瀉和返香港那次又粥又柿之後中招的情況如出一轍！

本來昨日食完飯堂出來

還特登去買了杯咖啡精加件香蕉蛋糕返屋企預備開工叉電的

豈料變生不測
忽爾江河大瀉

(好在個市尚穩)

渾水

昨晚癮起撩大人去食日式自助餐

大人腳傷至今差不多六個星期矣
期間完全冇去食過自助餐
大人雖仍趌而漸好
自然唔想托我手踭

雜記

自從用枴之後
大人出入停車場上落都去搭升降機而避免趌樓梯辛苦

週末見呢部咁嘢停在升降機位的門口附近
略為阻住自己部車在該區盡量停貼門口方便上落大人
 
和大人說...呢部嘢啱你喺學校入面揸喎...順便可以幫學校洗埋地...哈哈

說三道四

呢位家長好掂

鹹甜出品俱佳

很有專業水準
比起出面麵包舖賣的不遑多讓

至於較 "雞" 的則甚至尤有過之

食。美容

近來出去食或是買外賣有時都唔知食乜好
食來食去嗰三幾間 ~ 有尐悶

那天一兜友行超市
見有塊T骨扒幾靚
買了叫大人當晚即焗
當去飯堂鋸扒 ~ 塊扒點都正過飯堂嗰尐喇
簡簡單單大人亦唔使做咁多嘢...

飲。食。輪流轉

天氣漸熱
日前重錘出擊入番尐貨

鼓掌。和菜。遠位

昨天下午接大人收工，陽光普照。

學校門口隔鄰的 "露天小型遊樂場" 十分熱鬧，

有幾位先生及助理(大人嗰份)帶同兩班靚十多廿人在場內玩耍及曬太陽。

大人用枴之後，

通常我將車停正在門外等大人出來，不泊入比較遠的車位，方便上車；

自己就不會進入學校。

進展

白袍老友將大人轉介予宇宙第一神醫，
囑安心養傷，
其他冇乜好做，亦唔使點做(問曰連物理治療亦無需要?)；

腿傷果然漸見起色。

WHO 。 MARK 6

原來自己才剛步入中年耶?
那以後豈非不能妄稱耆英耶?
那些甚麼金要否嘔番出來耶?

至於那幾位常來謦欬的同事 ~
你們青年人應該還有大把世界耶...

 :-DDD

叙餐

老、中、青、B 昨晚坐埋一齊食番餐
大小十人

座上有...公...孫...大娘...

是晚沒有舞劍...專心舉箸耳  :-D

慰傷

 大人今日又去讓白袍老友睇腳更醫心。

腿傷至今兩個星期，

代號 "蛤蚧行動" 仍然持續未曾終結。
復元過程緩慢，
大人忐忑。

水為財

都說水為財

然而與紅雨的勁勢相較就似乎不成比例矣
(紅雨都唔取消?)

亂影

 不管日子、不分時分
隨手亂影

雜相一篇

 

雜記

今朝星期五恢復操波

老牛破車
希望勤操操得FIT尐
堪供大人驅策足矣  :P

獨享

掌門人腿傷休息兩日
校長唯有親自返早頂佢個位...開門

據聞這兩日中午都要出去自己架車小寐一陣叉電   ^-^
大人嗰份唔易做嘅喱   :-D

定律

前不久在商場見隻大浣熊半空懸攀在行人天橋通道欄外，
進退兩難，動彈不得。

之後有感而發，
記了一篇<熊之鑑>以警惕耆英已無復當年勇，
打波切要量力而為...。

警惕還警惕，然而一切可能發生的衰嘢遲早多數會發生的。
這算不算是梅菲定律(Murphy's Law)所說的.......。(?!)

雜記

星期日的一勞

不煎不炸不爆炒  ~ 慳油、亦少油煙(清潔隊長做少尐)
煲、焗、蒸、淥...
只叮少少熱油淋魚
^-^

人勁車勁

車勁、人更勁 !!!
...哈哈....

勁到意想不到，
不過咁搞法就十分之傷車的。

生態。動靜

都五月了

近日才開始爆葉

雜記

陶器 "HUM" 玻璃

昨天洗碗之時
一不留神發手甩
揸住的這個爐蓋跌落去洗碗盤和個玻璃兜碰撞了一下
聲音清脆

大鑊了

朝波夕踱

朝早打完波已略見腳攰
黃昏還要陪大人過公園行

兔仔一放即彈走老遠
龜精則在夕陽之下自踱自影 ~ 志在維他命
(其實開工都係...)   :-D

忙裏偷閒

近來開工比較專心
略少兼顧BLOG事

剛才小休偷得一粒鐘得閒
將這幾天影了的相且出一篇

日誌

好天氣

拾零度、微風、晴朗

今朝打完波往飲茶
回來梳洗瞓覺

 ^-^

舒服、好瞓

醒來已差不多下午兩點鐘
本來就快要去接大人收工

見陽光甚正
未食嘢先過去行陣

好過食維他命D

私房菜

今晚有幸獲邀過廚神的叔仔府上食私房菜
後生男女雙廚拍檔獻藝

主菜之前

食誌

貪方便

叉電不時會食下呢類在營養師眼中一無是處的JUNK FOOD
自己唔會買嚟食
不過屋企總經常有些納納雜雜散裝(不能送人哪...)的餅喺度  ^-^

唔食則嘥(這恐怕又是所謂的小農心態...)   :P
食則傷身(這肯定是怕C心態...)
:-DDD

雜記

閒居餐頭求其有乜食乜
大小通吃

熊之鑑

今日雙英約了前家長飲茶

之後大人把握機會 "想" 去逛公司

專用兼職司機雖烚然慣看老細眉頭眼額
自然不會拂逆上意

於是...

在商場裏面傍住老細留連幾個小時 ~ 行到腳都幾乎唔願抬起

終於...吩咐可以坐低抖抖在FOOD COURT醫埋肚
食完就鳴金收兵
鬆一口氣兼色然而喜

收兵時經過出口(並非我地攞車的出口)見有不少人在外面擔高頭影相

攰都八卦出去睇下   ^-^

原來...

詞裏前塵

好詞

康文署香港公共圖書館舉辦的2014年全港詩詞創作比賽公開組冠軍作品

江城子。<蝸居紀實>

                        老夫慚愧住劏房。上無梁，側無窗，檐隙炎風，爭肯送微涼。

                        夾板新修纔五尺，閒作案，倦為牀。

                        夜來淫雨忽浪浪。濕巾箱，透泥牆，交響環迴，千滴落盆缸。

                        且喜簞瓢炊未斷，雖僻陋，又何妨。

　　　　　　　　　　　　　　　　　　　

早春。復活

復活節首天假期

一早送大人去和同事匯合遠征瀑布區購物大商場

真有奇逢應早春?

上午九時許
平日的車龍呢???

路靜...心靜(股馬俱無也)... ^-^

短片

早前食自助餐該日其實啪緊丸
狀態雖非十足
然無礙食興...最多咪食少尐囉   ^-^
例牌嗰味 ~ 週身覺痛、少少頭赤、眼澀、鼻塞...

早尐在開始感覺不適食一兩日藥希望可以逃過一劫

 

今早似乎好番好多
星期三慣常休操

難得今日天氣回暖 ~ 晏晝會有10幾度

今天唔操又要停多幾日
蓋大人返埋今日放復活節假了

日誌

洗車日

早幾次唔係有雪就係落雨

洗完未能立即抹乾水漬之餘
在路上一行又再污糟番 ~ 冇癮

今日有陽光
正幾度
春天氣息漸濃

細餐小吃

雖假期焉
好逸惡勞之心一也 ~
大人唔使煮...我亦唔使洗

 懶起上嚟雙英求其出去食尐納雜嘢當一餐也無不可
樂得乾手淨腳慳功夫

  ^_^

球場留影

想當年...

靚仔算係當打之時沒有想過要影低一兩張那時 "雄姿英發" 的打籃球照片

又因為差 "些少"(身高、球技...)沒能參加學界以至NBA的正式賽事  :DDD
所以一講到打籃球就時常暗裡引以為憾者也

月前有機緣得以老來在個私家靚場重拾舊歡
已興起何妨趁機留下生活上的一鱗半爪好過空口講白話的念頭
主要諗住玩玩下 ~ 操波復操機
都或者會有些趣味的

雜記

早兩日大人焗了包佢唔食的羊架畀我獨歎(分兩餐)

配以蒜茸包及罐頭周打蜆湯兩樣就大家一齊食

東君駕到

日曆上的三月廿一日
節氣 ~ 春分
表示春天已經來到

豐彼吝茲

大人三月份的春假一向多應酬，
若非受約同人開枱就係去逛公司，
百搭之身通常總有三幾日唔黐家。

平時返工雙英還可以一齊食晚餐，

有粥食粥、有飯食飯，癮起就自助下添.... :-DDD。

假期大人一旦開籠放雀飛咗出去就肯定早出晚歸 ~ 晚到甚至半夜三更...。

自己雖然不時會單拖喺街食早餐或飲早茶，

不過午、晚兩餐就不喜歡一兜友出街搵食 ~ 因為頭岳岳都唔知去食乜好；

寧願摷雪櫃有乜就食乜。

雪園初探

公園冰封數月

今日趁陽光幾好
似乎冇咁凍
帶著幾聲咳嗽孤身過去探探

相機 ~ 雜影

論盡之過

上星期買了杯 ESPRESSO ~ 3個 SHORTS 合成一杯

大槪1/3杯普通細咖啡之量

返屋企諗住慢慢歎

豈料一滴都冇飲過就一手撞到成杯瀉了
災情重快過海嘯的海水湧埋岸
一下子就到位

近在隔離的 "夏迎春" (ZR100)立即濺到成身都係 ~ 欲救無從

急起嚟畀我雞手鴨腳同夏迎春抺身洗面
之後就搞到睇唔到、影唔到

從前是朝中之人的妹夫雖已解甲都要麻煩佢拎番去睇下究竟乜料

點滴

昨天星期日凌晨又開始改行夏行時間，
時鐘撥快一小時 ~ 與小島剛好相差(慢)十二小時。

自己沒受甚麼影響，
反正平常晚上慣了開完工之後只能瞓一陣就要起身返份兼職回來才再瞓過。

不過總覺得不如取消呢樣嘢好過啦...。

星期六晚如常OT，今回有些斬獲。^-^
開完OT瞌了一覺，起身就身不由己(逢假期都係)，冇得瞓住。

早上飲茶、巡超市，再往廚神府取回幾袋寄存的冰倉存貨回家。

電錶房雖然還未整好，
可幸臨時的巨型發電機運作良好，
電力供應穩定，
待電錶房搞掂之後供電系統應該可以順利交接...嘞卦。

*********

今日見到告示板的最新消息，
嘿...預計等零件都要大槪兩三星期喎，咁即是有排搞喇...。
若然冇部臨時發電機頂檔，真箇不堪設想。

-------------------------

雙陸雙響炮

今歲登雙陸

公曆農曆大人為我各鳴一炮

公曆首炮幾週前去食了另外一間
這是農曆的第二炮

今炮勝上炮

^-^

新鮮熱辣的 "英" 姿

今朝續操

操得並不專心

蓋雙英一齊首次研究相機的 "連環快拍功能"

操機者對操控及掌握時間方面未盡滿意
操波者對近距離走射彈籃不入亦未盡滿意

有機會再試
希望拍到一輯完美的放上來

^^

月夜逃亡

今朝運動及早餐回來之後

忽然 "咇" 兩聲
無晒電
然後火警警報

無幾耐...

流水帳

昨天久休復出操完腰、背、腿頗覺痠攰
今天仍續操
反正隨後兩日指定休息
現在覺得週身散散地  :-D

今朝冇麥記早餐食
以為操完才食都頂得順
點知一陣已經軟、汗齊來
都要頂多陣頂埋佢喇

臨走落去搵大人救急

摷了舊馬仔畀我頂檔