出車記

昨晚將老爺車交予修車師傅之後，
今午會到車行攞部新車，中間大槪有二十小時無車真空期。

請廚神早些 ~ 未天光 ~ 落嚟先送大人返學校，
然後回來做完運動再搵我一齊去食早餐，她才返工。

今天星期四是農曆九月十六，
這個月亮仍是九月十五從香港趕過來的月亮。
 

又凍又黑，
雖然唔使我揸車，
都同大人落去等廚神架車到 ~ 一齊出發再回來。

 今朝清晨得4度

6時53分已在途中

今週僅操一課。

星期一操完週身痠攰 ~ 似有揩嘢迹象；

加上其他的之之佐佐索性停操三朝，明天開始大人有四天長假呢。

本來另外約了妹夫下午車我去攞車，
咁啱廚神晏晝唔使返，
收工之後順便嚟又車我去搞掂單嘢才返歸。

搞掂晒尐嘢剛剛夠鐘，
同廚神分道揚鑣；
自己揸部新車去接大人放工...哈哈。
當然要小心 "翼翼" 喇！(愈嚟愈烏...呢幾日都唔得 "奕奕"...)

TOYOTA AWD RAV4

車價比CAMRY貴些少，
十月豐田14年款車清貨減價促銷，

減幅視乎不同型號及存貨多少而異，
RAV4減2千 、CAMRY好似減2千5，

所以才把握機會出車。

今次捨CAMRY而就RAV4，
主要因為RAV4係四輪驅動的SUV ~ 適合行市區的SUV，真係要越野應該唔掂的。
SUV比普通轎車會相對高身一些，
冬天行雪地比較安全...少少 ~ 當然駕駛技術和習慣還是最重要的。  ;-)

除了跟車及免費送的，乜嘢加錢的PACKAGE及加乜加物都唔要！^-^

 早尐去飯堂食埋飯

真係各有所好

部車特登泊在後面黑車左手邊幾個車位隔離比較少車泊的位置。  ^-^
冇咁就腳，距離要入的門口可能都有幾百公尺...哈哈。

有謂君子不立危牆之下，

我就新車不泊逼位之間 ~ 至少有一排會如此。

搞到鬼五馬六，
我就肯定唔會嘞。

在屋企車位的英姿  ^-^

 

車底離地距離相對較高

要刨下書了...