燒雞。非啤。月亮

大人和同事今日一早去飲茶行街
樂得有大半天清閒
獨行、瞌陣...
並且記錄、更新連日較忙的工作細項以及做下備份  ^-^
以免萬一老爺機有乜差池跪低就亂晒籠... :P

大人買隻燒雞回來做晚餐

饞人手掰雞
好快搞掂  ^-^

早幾日經過酒舖忽然癮起

貢入去買番些少啤酒

處酒舖之大
察品類之盛
真箇睇到眼花繚亂  :-D

"啤酒室" 溫度特低...企一陣已熬

匆匆一樣揀尐 ~
買了半打普通5%酒精的
貪過癮再揀多幾罐散庄酒精濃度較高的...
7%的兩罐
10%的一罐  :P

今日剪綵開一罐嘆燒雞
倒出嚟...咦...白色嘅?
黑啤以外莫非現在還有白啤耶? @-@

睇真下
脹然 ~ 買時一味睇酒精濃度...無睇係乜嚟
(好在酒舖無毒藥賣...)
原來是伏特加 ...溝汽水(七喜咁味) ~ 味甜
酒類自己不愛太甜
飲完一罐...7% 473ml (大罐過普通355ml 庄)...
洗碗之時竟然都有尐浮浮地   ^-^

 

 意粉太少
大人烘的鹹餐包醒尐畀我...殺埋  ^-^
今日好多嘢超額

抖陣冇咁浮

就落樓下影月光

昨天下午成32度...

晚上一雨成秋

今日感覺有些少北風

一早一晚秋意甚盛了

 十三的月亮

(昨晚十二 ~ 大雨+雷暴...不見月光...只見電光...)

今晚天仍不太清 ~ 月色有時比較朦朧