閒話

近幾天這裏的主流電視台日日都有跟進報道小島的消息...

就算...非我族裔...都知道發生甚麼事的了
早前亦有些過來讀書的學生組織了小型集會聲援...

島中人難免受到影響在生活上有些不便...
以至由此而產生關乎自己切身利害的 "震盪"  ~ 這兩天都震到有尐散散地了   :-D
然而相信大家都可以 "忍受一下" 的   :P

 

-------------------------------

星期日去食早餐又見一單

 對面逆線的灰色車搞到成架車轉到居然同我地呢邊的車向著同一方向
都唔知當時乜嘢環境、發生乜事

中間安全島那兩人應該係出事車輛的車中人
我地影...佢地又影

只見右邊車身...似乎唔係好傷
但左邊就睇唔到點樣

埋邊PIZZA店外一堆人
警察叔叔正在攞料

十字路口中間呢部
撞到個車頭

食完早餐返歸
已經走晒

 

-------------------------------

晏尐出去睇車
昨天才見廣告原來呢間韓國車車行這星期做宣傳話買車有優惠著數
星期日最後加開一天
(星期日一般車行休息)
臨時臨急當然冇心理準備即買

即管去睇下點優惠法同試下車先 ~ 搞搞震...無幫襯...^-^

試車試了部小型SUV TUCSON
我同大人都揸了一陣
睇就睇埋部高一級大部尐的 SANTAFE
大人坐慣有私人司機接送的阿...大架房車
坐上去揸這SUV話個位坐得唔係幾舒服

稍後會密鑼緊鼓繼續睇下...乜車有做優惠
今日可能去睇埋 TOYOTA  ^-^

無落叠
臨走見有果汁茶點招呼都唔好意思食..  :P

咪食自己囉

 

-------------------------------

昨晚開工歎的木瓜牛奶

杯嘢...同個市都...杰撻撻

大人唔知攞景定贈慶
昨晚一杯血紅...今晚一杯杰撻撻
竟與天機暗合
唯有都甘之如飴

 

-------------------------------

今朝輕裝空腹過磅
從懸崖邊緣稍退半步
不過...今晚又話去食買一送一...  :P

 食少少嘢今朝操波
密雲、陰暗而且出門出得早
返到學校仍未夠七點
球場更黑過平時

唔急就影下相先
在外是車場孤車...在內是球場孤友

不久會改冬令時間了 ~ 撥慢一個鐘
初期會好好多
但踏入冬季之後又再會晏尐才天光...到時就唔知喺咪又好似今日咁黑了

球場的幾盞大LED燈太過耗電就無謂開了

開雜物房燈等光少少...順便擺尐嘢入去
行一陣熱身先囉

天色慢慢光尐...光尐
不過影相都要用閃燈

定格 ~ 個波夾住咗喺籃板及籃圈之間...  ^-^
我唔夠高 ~想學人跳起灌籃("入樽")咁整甩佢都唔得...點搞?
擔梯...又無梯...而且畏高架嘛

拎多個波上嚟

玩...大...SNOOKER...
花波撞紅波
不過由於角度問題就撞唔到入籃...冇分...哈哈

 走時有幾粒雨