三 "生" 有幸

無聊得滯，貪得意出了上篇 < IQ問題>。 ^-^
其中的主角，並非網友戲言的英女皇；
而係對我來說，權威尤勁過英女皇的...大人！  :-D

大人今年有幸一共過了三個生日。

且道其詳...

第一個是在港期間的農曆生日 ~
同外母、姨仔三人行，食了一餐。

第二個是公曆的 "港曆" 生日，當時身處雲霄之上 ~
犀利咯，有幾百乘客和十多位機組人員陪她吃...麻麻地的...飛機餐。 :-D

第三個是公曆的 "加曆" 生日 ~
當然到我同大人慶祝一餐 。


在地圖上的太平洋有一條南北曲折的國際日期變更線 ~
西往東越此線則 "加一日"；反之就 "減一日" 。
港、加 在 "同一時刻" 而兩者的日期有一日之差，緣於此。

大人在 "港曆" 其生日的前一日下午五點幾起飛，
飛了七小時之後至翌日凌晨踏入生日該日時仍未飛越太平洋的國際日期變更線，
所以可以說是在飛機上度其港曆生日的(或至少是度了...上橛...  ^-^)。

到飛越國際日期變更線之後，
日期便自動倒退一日，
抵加之時仍是 "加曆" 其生日前一日的晚上，
翌日佢又生日了 ！  ^-^


都說 "三生有幸"，遂為大人記下此篇。

只是點破之後，大人借題發揮 ，"那就要請我食夠三餐..." 咯喎。


----------------------------

大人回歸了！

在廚神家食完餐豐富的晚餐
妹夫駕車和我往接大人途中
不時有驟雨...有時雨勢頗大

歸人亦貴人耶?! :-)

 揸住束花等人出閘等到花兒也謝了...陰功
不過唔關我事
我完全唔識耍呢套功夫的  :P

Wonder Woman...
No one can look as powerful as you...
You're already back with me...
hehe...hehe   ^-^

---------------------------------

後記

次次都叫唔好帶咁多嘢返嚟
咪入房就麻煩
言者諄諄...聽者藐藐
奈何?!

女俠的神奇孖篋今天打開...

食過好食的冬薑
另外加碼名店出品
有排食
本地的存貨即時丟晒  :P

哈...有冇搞錯...法國香薰都整樽過嚟?

 

 呢尐就例牌不可亦不會少的

就看係乜而已

海味四柱的鮑、參、翅、肚；還有瑤柱、冬菰、竹笙......

據說早前已搭家長先帶了些花膠添
不只四柱...十柱八柱都有
外母及大人都好此道

幼承庭訓...無辦法咯  ^-^

 

走埋粉添
咁樣易食尐
又可以...避免太過惹人注目 :P
天價嘅嘢...任大人買都唔捨得買
梗係外母醒個女架喇... :-DD

呢尐係田七而已...平好多 :-D

真係服咗神奇女俠...