日誌

星期四的今朝是本週的第一課
早幾天覺得攰攰地(過府雙開那天某君喺度猛咳...)
腿、背都覺得有尐痠痛...唔知係咪又揩嘢 "作C"
休息了幾日

早上七時零五分的球場
都好過我地昨晚
未夠光先繞場行+慢跑二十分鐘熱身
接近七時三十分光尐才操波

往後一個月應該都係咁上下
視乎該日陰、晴之別 ~ 晴天天色比較光亮相對好尐
直至冬至之後
所謂 "冬至一陽生"
慢慢...慢慢...才漸漸早尐 "天光"...

今早飄雪(所以球場特別昏暗)

七時許陸續有家長送靚返學 ~ 擺低佢地然後自己返工
呢兩兄弟成日要大人勞氣佢地食早餐的... :-D

 未夠八點做完運動走人去食早餐
昨晚首次拎部車去洗
所以好乾淨
乾淨的銀色車身加尐雪花綑玻璃底邊點綴 ~ 都算幾襯色  :-D

往後三個月(到二月尾)會逢星期三洗一次車
因為大人剛和同事等夾份買了張洗車季票
(一季90日每日可以洗一部車...認季票不認車)
七部車每部車一個星期固定輪洗一日

好唔好天氣就到時才知 ~ 各安天命
計起上嚟比自己散買逐次洗慳番好多

 收工搵白袍老友攞藥

搞掂去食晚餐

 

嘿...今次碗薑汁撞奶就唔掂罅

奶水...咁...都拎出嚟?!
大人見我唔吼...佢 "飲" 咗半碗

 只有一隻尿酸藥係要駁住食的日常藥物
其餘咳水、腸胃藥、感冒藥都係攞定補倉睇門口的... :-D

其實係有實際需要架

呢嗱...白袍老友早兩個星期放完不久
橫跨聖誕、新年又話放十日假咯