又日誌 ~ 絮絮叨叨講宅食

 今朝起晏咗...少少
先出去嗰間早開的茶餐廳食個沙爹牛肉意粉

然後趁早尚未有咁多人順便去埋超市巡下有乜減價嘢啱使

呢間嘢最初係台灣人開的

東西比其他一些大陸人開的超市略貴
但貨色相對靚尐、新鮮尐...舖內環境亦乾淨企理好多
真係好嘢自然有人賞識
年前已獲一間主流超市收購了

買的幾樣都係減價貨品
果汁和雪糕等這類純過口癮而相對傷身之物正價係絕對不會買的  ^-^
反正也不常減價
碰啱又興到就趣趣地買一次 ~ 睇住個最佳食用日期久不久食尐...都有排食架罅

物價一斑

果汁幾乎半價(原價$4.99)
HD雪糕(原價$6.XX)更減了一半都唔祇 ~ 因為唔好食?
這隻檸檬 "半脂" 從來未食過...減價就即管試下掂唔掂
肥牛好多時不肥...今勻見脂紋算理想(梗無雪花紋咁靚)才買
暫時還有幾毫子嘢買呢 ~ 4條日本小青瓜

返去放低晒尐嘢...

九點零
太陽已經開始發威 (今午會去到27/8度)
見昨天無操...都係過去操番課 ~ 3 圈

蘆葦盛長

這個時間嚟行可以吸收陽光精華而尚唔會晒傷
此對衣著醒目及體態優雅的老人家估計應至少年近八十...甚或過之(?)
歲月滄桑的面孔上仍刻意地敷粉塗朱 ~ 輕描而非濃抹...
一向欣賞這樣子儀容得體、令人看得舒服的老人家  ^-^

噫...以人鑑己...
只是有時恐怕求之亦未必可得的呢... :P

這式是靜功

呢兜友就身有不少內傷
現在針對隻天殘腳亂搞一通
呢招叫 ~ 曲膝踏石 + 胸壓大髀
都唔少嘢架... :-DD

咁大隻...想摘尐返屋企滾啖湯
不過懶查毒菇的圖譜...  :P
得一兜友喺屋企驚臭咗都無人知...

 

開爐

大人出發之後在雪櫃留下來的三蛋其中最後一隻
好似過了最佳食用日期(?)...幾耐下  :P
早前已經先後食了兩隻
好彩無乜事   =_= b
等陣食埋呢隻  ^-^
今朝趁減價買定盒新的等大人回歸

開爐 ~ 烚蛋  :-D
烚好然後用番煲水隨即淥菜
我都算知慳識儉而且有少少環保意識架...哈哈

是日午餐

碟菜食尐留番尐晚餐再食

 ---------------------------------

後記

不自量...胃  ^_^

諗住早餐整咗碗唔細的牛肉意粉
做完運動返嚟跟住又食埋 "是日午餐" 那尐嘢

都頂得到食晚餐嘞卦

上完一陣財經論壇網 (星期一唔知有冇煙花睇呢)...
然後無聊隨手翻幾頁閒書...都唔係講飲講食嗰尐嚟架嘞
噫...個胃囉囉孿...坐響度都似有微汗
知道唔掂了
只有兩個可能...一係剛才食隻蛋毒性發作...一係冇電

時為三點幾
焗住又開爐...開個小焗爐
簡單而小的午餐
超勁的下午茶餐
真箇因小而得大...鑊

C火喇...若果有乜饑荒或者缺糧
我實好快玩完

自己比較粗製濫做(相對大人的精心炮製...) 

焗兩片蒜茸多士
加條腸(今日肯定鈉超標) :P

刨條今朝買的日本小青瓜做解藥 ~ 

只因自己胃寒...就咁生食青瓜會口淡
不過若是吃了有時會令自己產生胃灼熱反應的食物...
譬如炸嘢、醃肉(如今次的腸)、麥記的包...以及咖喱等諸如此類...

生青瓜對我則是有效的解藥

腸雖無益..."偶然" 一兜咁囉 ~ 只是人生有時怕會有太多的偶然而已...
呢個補充午餐 ~ 豐盛的下午茶餐幾樣都好食
嘎...食完就舒服得多了
於是排除了蛋中毒的可能

  :-DDD

試了青瓜...
把心一橫

一揭開就聞到 "清新的檸檬香味" (似唔似洗衣液廣告的口脗? ^-^)

若果唔怕微酸的味道

真係好食 (讚!)
妙的是有尐似乎係檸檬皮爽實的碎屑(?)混在雪糕之內 ~ 食時唔覺...
...唯當雪糕瞬間溶入喉內之後仍殘留在口腔之中可堪略為咀嚼一下、二下...
扮晒有食檸檬的 "真實感"
無論真真假假
都算是一番心思
畀著尐雜嘜可能咪求其落尐檸檬味的香精算囉

大人應該未食過...唔知會唔會鍾意食

唔理咁多...遲尐再去買多盒
$2.99 ~ 鍾意食就抵到極

純粹無聊自言自語...所以講多咗...

這豈非也算是因和果 ?!

:-DDD