"膝" 調

今朝一課快操

 2圈 + 來回長直路 ~ 1 小時

 連日膝頭似乎已經恢復活動如常
行完亦並無不適
相信一輪調理都算有些功效

經此教訓

稍後冬天點凍都要保持繼續行機了

2圈之後 ~ 轉入長直路衝刺 (沒有坡度...可以行快少少咋 :P)

楊和柳都唔識分...抑兩者都不是?

 --------------------

昨晚又去侄女處黐餐

 --------------------

後記

今日三餐食自己

美市由頭升到尾 ~ 今日升90點
兵行險著
臨收市買了隻熊股博未來一兩日會有些調整 :P

睇完已四點零
騰上騰落...搞呢搞囉
上樓梯忽然覺得浮浮地又有少少出汗的感覺...
晏晝腸仔包 ~ 1個小餐包 + 半條腸

該又是冇電時刻了...

此際是下午茶時段
去到飯堂五點鐘
睇下有乜好食

午餐...滑蛋蝦仁牛肉炒麵...比較啱口味

得三幾枱客都已食緊...不過碟麵好耐都未嚟
姐姐見我飲完個湯頭岳岳...無聊睇電視

"就得架罅..."
"無問題..."

終於...
噫...超水準之作喎...真箇慢工出細貨?
尐麵微焦
澆頭芡汁亦比平時收得緊些...沒有淋淋瀉瀉浸滿成碟如麵糊之弊

美中不足的始終是...牛肉
"乸" 到太腍冇乜肉味
不過都慣了
幾蚊雞貨仔不能太過苛求咯
揀晒焦脆的部分食先...食一半拎一半... ^-^

 --------------------

天暗風大...暮色漸降
乜咁賞面呀...?

露台角落似乎還有一些...
時間啱、風水好咩?

稍後要稀釋尐漂白水洗刷一下先得咯...