早茶。咪催。一勞

今早飲茶試間新嘢
然後買餸 ~ 約了侄女晚上上來食飯

聖誕聯歡

聖誕日聯歡聚餐

人未齊，隨到隨吃 ~ 餐前小食  :-)

玉樹瓊枝綴冬節

冰、冰、冰...

這兩三天，聽到的和見到的...

一片冰聲盈耳，滿目玉樹瓊枝！

清晨；露台對開的樹木在街燈映照之下...。

履冰之二

(履冰日誌 ~ 上午詳見前文 "之一" ，下午還有下文 "之二" 。)

^_^

食完早餐回來，小睡一陣，又要再出去。

幫大人針灸的女醫師早幾天送了兩張教會辦的音樂會入場券
大人覺得盛情難卻，問我去唔去；既問於我，我也難卻... :P

履冰之一

這兩天氣溫稍為回升，徘徊零度。

在零度附近忽上忽下 ~ 日間零上 1-2 度，半夜跌回零下。
日間積雪開始消融，又落了尐雨，地面上的水...
經過晚上零下凍一凍，結了薄冰...。

危險鳥 ~ 今朝就是如此這般

假前

返埋今日，大人放假了。

聖誕假前的一天，放工一袋、二袋拎回家；
然後學校晚上提早出去食聖餐大餐 ~ 吾不與焉。

朱古力何太多，紅色單張何太少?! $_$
/.\

送了大人去食自助餐
回來食自己 ~ 食得重自在、過癮！

^_^

餛飩。造型

上海餛飩

大量葱和芫荽 ~ 香
1碗6隻 X 3
好味，本來還可以食...不過唔好意思食太多  :P

一輪

接了大人及其同事收工之後逐站去 ~

大人同事屋企 --> 圖書館 --> 買麵包 --> 食晚餐 --> 鬼佬超市。

幸好今午風雪已停

燈與月共照

誰燈? 誰月?

補數

昨天想打甂爐打不成
今日補數 ~ 叫埋侄女

寒冷的一天

嚴寒

早上 -14度
連風凍效應 ... -24度的感覺
並且落大雪

日誌

昨晚開工整夜飄雪

今朝送大人返工前都驚學校唔知剷雪未?

出到馬路情況尚好
學校範圍的積雪和露台差不多, 只薄薄的蓋了一層

中午瞓醒, 冇凌晨時分咁凍
路面已經比較 "乾淨"

大人昨日處理了隻煙火雞髀

食完晏，預備去操番一課

唔食嘢，又驚中途血糖低

先叮後焗，個包脆尐

DIP 汁    :-D

今日冇著錯鞋了 ;-)

35分鐘...7圈...2.8公里
10分鐘伸展活動

運動之後上磅

假日小叙

瞓瞓下廚神來電約晚上食飯；
並說大伯又搵腳開枱。

仍未瞓夠...

雖有杯香濃的加料(DOUBLE)蒸溜咖啡提神，
四圈還是輸了6底。
敗軍之將，坐困愁城，無心戀戰，交託大人接力。

城外，恢復自由身 ~ 自己招呼自己。
一邊歎住紅酒，一邊睇陣報紙雜誌，隨意搵嘢食；
完全唔使客氣。

^_^

零食之家
唔使慌冇嘢食

鐵板燒

今晚又出動
食嘢有著數

掹大人的家長波友衫尾
在網上買了酒店的餐飲優惠券 ~

鐵板燒二人套票

一行八眾

 先來感受一下DOWN TOWN及酒店內的聖誕氣氛

^_^

慢操

昨(4日)、今(5日)分別慢操一課

探班

趁星期六得閒，去細佬屋企探班、食埋飯。


黃昏、彤雲

圍爐

日前臨時想約廚神兩公婆出嚟食飯不果
今晚補數

雪霽、仍冷

訂了枱，去到發覺卻無從前墟冚

香酥鴨

大人放工去做針灸
宅男在等候的空檔巡下超市以打發時間

順便吼下有乜啱使的減價東西

初雪日誌

這幾天轉冷，溫度跌至零下；並且風猛。

今朝和大人歎茶，鬼咁肚餓，且雪櫃已幾乎清倉，叫夠8個點心 ~ 飯都兩盅。
歎完茶逛超市，又見青斑大造上市而減價，兩兜友心有靈犀，想打邊爐。

無聊之 "誌"

愈來愈早食晚餐
大人話早食可以有多些時間消化
有時接完大人收工
行陣就食埋才返歸

 自己晚上開工至中途
會囉囉孿 ~ 應該是血糖偏低

叉電

整容回來

星期二晚拎部老爺車去相熟的車房整容，要放低幾日。

出事翌日已經先行換了四條新輪胎

黐餐

侄女今晚請姑姐廚神兩公婆上屋企食番餐，又叫埋我地。

剛好今天拎架老爺車去磨皮上油整番靚上次撞壆揩花之處，要放低部車幾天；

事前問廚神借部車頂檔接送大人。
於是約了收工來車房匯合，順便試揸佢部車，一齊去侄女家。

大塞車，不過去到仍未完全準備好

開心鳥

上次在廚神的盛筵席上吹水，聽其叔仔說起識得人，在此店銷售的幾隻名氣運動服裝品牌的所有新、舊貨品都有半價優惠；大人即時眼睛發亮...

約好了今天中午糾眾.....坐兩部車出發掃貨!!
一數之下，原來男女老少剛好共九人，哈...
其中有修車師傅一家三口 ~ 過兩天還要去搵佢搞埋上次大人尐手尾

大功告成

哈哈, 終於搬好了！ :-D

今次搞得掂，關鍵全賴高人仗義出口復出手相助。 前前後後(哈, 舖定條路嘛 :-) )煩了她不少；所以要在此再三多謝！！ :-))

廚神私房盛筵

廚神星期日又來電，叫上去食帶子... @-@?

去到才知稍後會有客人 ~ 一家三口

巨型鮮帶子

本週入超

自從最近發現了那間日式自助餐廳有九折，並且有甜蝦供應任食，順理成章成為新寵。

週初又去食了一次 ~ 是十月份的第二次了！ :P

大人和我都好甜蝦  ~ 正!!
食了幾轉

今次冇飲啤酒，慳番尐

到幾時取消九折或沒有甜蝦，兩隻為食蟬就過別枝的了 ...

2013 Halloween

大人學校

2013 Halloween

頭痕

被逼搬竇之後，自己的心意，最理想是可以將舊地盤的幾百篇網誌搬過來，歸納一起放在這裏。

眼見有同事和網友如螞蟻搬家，慢慢逐頁經營，工程浩大  ~ 自己一向疏懶，幾百篇咁多，想想都已經頭大，更不要說去做了。

而且，發覺逐頁搬時，那些回應是不能跟該篇網誌內容一起搬的；於是就更加遲遲疑疑了...。

又記二三事

忽然邊爐
 
週六買完餸食晏之際，廚神來電，又叫上去打邊爐；好 !  樂於慳番餐   :-)

咁...再走多轉超市買條魚...

買畀我用

昨晚大人收工跟同事逛街  ~ 根據這個模式的往績，自忖今回又財破必矣，就只看破幾多喇...。

過晒我地平常的晚飯時間CALL我接她回來，我差不多要埋位開工了。匆匆在超市裏邊求其食尐嘢, 返嚟開機...。

今日先得閒睇吓買咗尐乜，哈，買了兩樣嘢...啫...；
"間嘢專賣尐納雜開倉貨品，價錢比出便平...架"

深秋

天氣漸覺寒意。一早一晚都唔夠10度...

兩兜友...
愛在深秋...打邊爐！ :P

天寒地凍，其他唔好講，梗係食為先... :-))

啡白雙姝 + 著數報料 + 天道酬勤

是晚清餐餘 ~ 咖喱牛肉牛脷飯，雖然好味，食完例牌要搵解藥...

雙姝伴功課 ~ 一邊食解藥，一邊做功課。  :-)

---------------------------------

送豬手

上星期日廚神大伯做獨行俠，一個人在廚神家悶極無聊，手痕想開枱，過午廚神來電...。於是冇晏覺瞓咯。

說打完喺佢度開埋餐，食牛扒意粉，唔使買嘢。咁不如買些少燒肉，可以一邊打，一邊飲，一邊食都好...。買了三條骨燒腩，事頭公問要唔要豬手，大人話好吖。

燒肉絕對唔貴，但射雀費就甘咯 ~ 有舖叫十三么，兩對眼(一索、九萬)任我打，自己計數覺得兩隻都有危險。打......一索喇，就咁給廚神食了清一色。尐牌從此一蹶不振，終輸七十幾蚊。

鍥而不捨

隻馬今季曾經出過兩次；這場是第三次出賽。

上仗買過一次，跑草地，開始有票而輸得略近。今次轉跑未有上名賽績的泥地，變冷，自然再追...哈哈...  :-)

2546

16-10-2013 20:39

沙田 星期三

獨贏

4 場    14 大衛金剛 $10

$10.00

$454.50

2547	16-10-2013 20:39	沙田 星期三	位置	4 場    14 大衛金剛 $10	$10.00	$113.50
2550	16-10-2013 20:43	沙田 星期三	連贏位置Ｑ	4 場    2 齊喝采 + 14 大衛金剛 $10	$20.00	$395.50
2553	16-10-2013 20:44	沙田 星期三	連贏	4 場    8 齊歌唱 + 14 大衛金剛 $10	$10.00
2554	16-10-2013 20:44	沙田 星期三	位置Ｑ	4 場    8 齊歌唱 + 14 大衛金剛 $10	$10.00
2557	16-10-2013 20:44	沙田 星期三	位置Ｑ	4 場    13 齊大勝 + 14 大衛金剛 $10	$10.00	$374.00

假日雜食雜記

大人又再有連續四天假期，鬆毛鬆翼。

上週五又(!)是學校的PA DAY假期，明天星期一則是加記的感恩節。

多少荒謬事

今篇捨 "二三" ，而用 "多少"。  =_='


且看今日之城中...

一箭定江山

烏中了隻大冷馬跑第三(影相僅勝第四嗰隻)   ^_^;;;

今日由輸變贏 ~ 還有兩場，應可保持勝果的了...

2370	06-10-2013 16:35	沙田 星期日	位置	8 場    10 狄奧圖 $10	$10.00	$236.50
2371	06-10-2013 16:35	沙田 星期日	連贏位置Ｑ	8 場    3 積多福 + 10 狄奧圖 $10	$20.00	$562.00
2372	06-10-2013 16:35	沙田 星期日	位置Ｑ	8 場    3 積多福 + 10 狄奧圖 $10	$10.00	$562.00

薑酌

弟弟上月做了阿公；我亦隨升一級 ~ 大伯公，大人就係...    :-DDD

閃腰

半個多月前不知如何，閃親左側後腰某處...  :(

發覺唔妥之後...，頭三、四日行動好似機械人般又梗又慢固不待言。最慘是自己一個人起床，根本無處用手借力 ~ GUT起身會突然痛到標...汗...唔只，禁不住哎吔慘叫一聲，又撻番落去...。左、右兩便碌，甚至碌去床尾，想搵個位就住起身...都似乎甚難；唔掂就抖陣，又嚟過，如是者忍痛搞成幾分鐘，搞到真係有尐微汗。

頂唔順，罕有的食了一日止痛藥...。費事騰去搵白袍老友，自己間中敷下熱PAD希望舒緩痛楚一二。期間有時唔覺意行動稍為粗心大意又牽扯一兩嘢，錐心之痛，真大鑊...。

下午茶 + 三不像

今天接完大人放工去做些少事情，經過順道買了幾件正宗印度咖喱角...

搞嘢二三事

午餐肉壽司
不如搵日照辦試整 ~ 番邦中式的   :-)

 

2013摘蘋果之旅

九月二十六日星期四

大人出TRIP，由學校到目的地 ~ 50分鐘車程

2013摘蘋果之旅

吃了敗仗

大人今日添多一日假期 ~ 連續放了四天.. :-P

昨午同大人開開心心去食自助餐，因為平日難得可以一齊撐枱腳食午餐。大人都沒我吃得那麼多，可回來整個下午說有頂住的感覺，頂住...頂住...，頂頂下終於頂唔住 ~ 晚上回吐兩劑  xc==     :(

可能有尐感冒底  @-@?，又食得難消化的油炸嘢太多罅...

夜已深，番邦東邪唯有又開藥庫 "估" 症執藥。用藥之後，睇完機在接近五更天時分(?)，趕緊煲半煲稀粥等大人帶返工...；於是成晚冇得瞓。

今朝大人帶病仍須一早返去開門；有心理準備等陣還要走多一轉接她回來。果不其然！

"使唔使搵白袍老友..."，
"唔使..."；

...由你，自己知自己事喇...。

回來安頓妥當，自己預備瞓番覺，和大人說，今晚不如訂枱食多餐...哈...==   冇氣鬧喎...       :))

大小通吃

大人連續三天假期，略為輕閒，煮番餐。

捨腦用口

終於都取消賽馬。悶極無聊...

細佬近來和別人在投資論壇不時有些口舌之爭，沒完沒了。抝得興起，有時會慫恿我以 "路人" 身分聲援，可十叫九不應。總覺得是無聊之舉 ~ 自己做自己事可矣，各有各自己的一套。反正一切後果自負，何必和人爭些無謂意氣?

天兔殺至，田馬辟易?

中秋之後接著幾天假期，連日寄託皆空。一字曰：悶!

星期日本來有尐細藝...。

可天兔挾超級颱風之威，掃台之後，直趨香港。昨天仍說來勢十分兇猛，已打輸數又冇得玩，連功課都放下不做了。

剛才已掛了三號風球，不過據說超級颱風逐漸已減弱為颱風。

希望隻兔天威稍歛，香港可免食得太應，好事也!  更希望沙田賽事如期舉行，則意味已將此風定性為 " 惡極有限"  ~ 兔本來就應該溫馴的嘛 ...    :-)

破財日誌

善後 (Pt. 1)

昨天整車師傅來電報價，並且約了今午車去換胎；接完大人收工立即啟程。

升起架車拆晒四條胎出嚟(包括條後備胎)，然後換過四條新的。後備胎依然做番後備胎，那個轆RIM撞彎之處，師傅說問題不大，可以並且已經DUP番。

當晚師傅問對新胎有乜要求，我說安全就得。他提議用韓國胎，平尐，用得過。反正韓國車近年大行其道，自己架車又舊，點話點好。

中秋住家飯

兩個人，都無所謂做唔做節，反正早兩日已在廚神家食了餐甘的；
求其整兩味餸，煲個湯...。

洋葱西芹炒鴨胸

一盅

對於飲茶，無甚要求 ，幾乎乜茶都飲；唯一是寧濃勿淡。  :P
平時貪方便，用兩三個綠茶茶包在略能保溫的小壺泡浸一陣 ~ 色濃而味稍澀，飲落亦覺不差。哈...


今日發覺茶包差不多清倉，早前又沒有趁減價入多些新貨，於是求其摷些普洱茶葉...

--------------------------------------------------

廚神做節黐餐

廚神夫婦做到踢晒腳的杰作


差不多廿人(未齊人架!)，張圓枱都坐唔晒；
九大簋都唔只

探侄女

大人開學之後，沒那麼頻煲湯給侄女了；
本來諗住明天會煲...
今日侄女卻來電約上去開餐...。

雖說唔使買嘢，順路都買少少燒肉。
另外賣剩兩塊鹵水豆腐，想買埋；
亞姐說兩蚊三塊，現在剩番兩塊...
即係點?
"唔賣"...哈，脹然。

番邦月餅

大人的同事家裏開餅店，過年賣埋油器角仔，中秋當然賣月餅。

說要送個月餅給大人吃，問喜歡乜? 哈，有得揀...

大人要了個四黃蓮蓉 ~ 四個蛋黃，究竟裏面還可以有幾多蓮蓉呀? 大人...

月餅一向愈多蛋黃賣得愈貴，居然亦普遍為人受落，生意人的算盤認真精刮。對此自己常不以為然，覺得有尐捨本逐末。私意雙黃已經足夠。

不過呢，反正多年以還，就算老字號的月餅裏面所用的蓮蓉相信已經不 "純淨" 的了...；那蛋黃和蓮蓉兩者的成本可能都差不多。

記二三事

(相片誤刪) :P

開鑼日頭場即一矢中的
希望今季由頭威到尾

1992	08-09-2013 12:55	沙田 星期日	獨贏	1 場    10 常妙星 $10	$10.00	$269.00
1993	08-09-2013 12:55	沙田 星期日	位置	1 場    10 常妙星 $10	$10.00	$76.50

下午冇瞓晏覺，頂唔順；

玩完第一場，見隨後兩場馬少，諗住爆唔出樣，見好暫收，瞌一覺先
瞓醒又來過

今回得不償失

2003

08-09-2013 17:07

沙田 星期日

過關 獨贏及位置 2X3

9 場    3 幸運聖 10 場  4 金獅威將 $10

$80.00

$37.00

-----------------------------------------------------------------------------------------------------

餞行

昨晚為回流返港的舊上司兼本地親密雀友餞行。

席上舊上司點名(當然唔係讚)說這些年在雀枱上進貢了不少給我...(上晒我數?)；
語氣聽得出是想著今番一去，將復仇無望而耿耿。

我只陪笑唯唯，
自己心中所想而未敢宣之於口的是 ~
貢銀大概都隨我和大人一月數次的中、日自助餐而盡皆付諸東流了。

常輸將軍一去，
一腳尤其如此的佳腳實在放眼難尋，
雀事肯定從此凋零...。

或許，應是時候金盆洗手了。

這餐羅漢請觀音的餞別宴，在我來說，送行之外，

還要對這位本地親密雀友的崇高體育精神和他所付出的...
衷心致敬！

祝主任伉儷

生活愉快，身體健康！

餞行(舊BLOG版)

回流主任返港在即, 雀友尤其依依惜別...。

今晚送行...

新地盤

歲月如流。

不經不覺...
放了兩個多月悠長的假期, 大人今日返工了;
而我呢, 在舊地盤玩了六年有多, 今天也要在這裏來寫新的一篇。

對我來說, 某些事物一旦習慣了, 別人眼中所謂好與不好的些許差別, 自己有時並不是那麼在意。今回被逼搬竇, 當然是無可奈何, 並不樂意的。

地盤是新的、環境也算是新的, 不過, 人和網誌的風格始終一貫  ~ 口没遮攔、冇厘正經, 恐怕是沒得變的了。哈...

沒所謂了。反正有處地方落腳, 可繼續與新知舊雨大家說些近況就好。興到更何妨天南地北, 甚至吹水胡謅一下, 聊消永夜, 稍解異鄉孤寞。信可樂也!

滾鍋之後

一餐滾鍋之後, 要諗如何清埋那些一樣一尐的剩餘食材。

大人明天開始, 又要捱騾仔, 並且恢復帶飯生涯。



返工前夕, 認真煮餐住家飯...

清水白烚費功夫

通脹猛於虎, 與年前比較, 青班的價錢高低極端相差達一倍之多。
何只長安不易居?
早前聽 "講東講西", 說似乎漸漸又有一股移民潮興起(?), 堅耶? 流耶?
究竟那裏才是 "人間樂土" ???


講多無謂, 寧願食滯!

臨開學的秋波

差不多開學了 ~

大人復工在即, 我的作息時間稍後亦會納回 "正軌"...

今天出動, 在返工前同大人一齊食多餐閒日的自助午餐。


以前食食下執了笠的那間自助餐廳, 換了招牌, 重開大概月餘。