整容回來

星期二晚拎部老爺車去相熟的車房整容，要放低幾日。

出事翌日已經先行換了四條新輪胎

出事當日 ~ 在商場...
右轆撞壆，爆了前胎
連車身 "裙邊" 底、側都給擦花了

----------------------------------------

整車期間，借了廚神這部座駕頂檔

今朝一早去車廚神一齊食早餐，然後同去車房。
佢揸番自己部座駕返工；
我地(大人今天放假，不過等如返工 :-D )接老爺回來。

其實老爺經過這些年已經周身傷痕，
相信主要多數是停在超市出面時，

唔好彩所受到的無妄之災，根本無從追究。
(看看左側底下那條凹痕，估計是超市的推車刮到的)

所以今次整得靚唔靚都是其次，
最緊要在入冬前搞掂噴番油，
以免冬天的雪水、鹽水令架車加速锈蝕，更快玩完。

----------------------------------------

攞番部車，都仍然未夠九點！
(車房未開，老細仍未返工。不過部車泊在出面，自己帶條後備車匙去...)

返歸先，各有各睇陣機 ~ 電視機和電腦機；
晏尐再出去食自助午餐  ;-)

個 "兜" 很脆，添食多一個。