又記二三事

忽然邊爐
 
週六買完餸食晏之際，廚神來電，又叫上去打邊爐；好 !  樂於慳番餐   :-)

咁...再走多轉超市買條魚...

哭馬

打完邊爐回來做功課；做起來好認真架 ~ 印賠率都要先後印兩次 ~ 做完懶唔懶睇就視乎心情、狀態...  :P


六一居士謂最佳讀書的時候，有三上... "馬上、枕上、廁上" ...
自審平時若是睇功課，亦庶幾近焉  :P


打完邊爐，食得豐富之外，又啤酒、又湯，回來又灌茶，腹內難免略有搞動壓力... :P
開跑前...見尚有廿多分鐘才一點，於是拎埋尐功課入去...一邊睇、一邊減尐壓先...，諗住之後可以更加 "從容" 作戰 。...論論盡盡，連功課都沾水整濕了些...  ;-)

第一場，已圈定了6號馬無敵王者有搏冷之道...諗住WP之外，還HIGHLIGHT了幾瓣Q, QP稍後睇埋臨場賠率考慮拖邊一兩(三?)隻...
輕鬆完出嚟都未坐番埋位...吓，隱約聽見講馬佬已在緊張報道沿途走位...心諗現在還未夠一點架???

...聽見講馬佬臨尾似乎提到 "無敵王者"...哎吔，今 "廁" 大鑊兼累事了...  ^_^b

等聽賽事重播，無敵王者真係跑了第一 ~ W派四百蚊，P一百，連贏二千七... T_T
一樣係跑十場，點解今日會提早在十二點四十五分開跑??????
唉，有說謀事在人，成事在天 ~ 咁樣大意失荊州 ~ 欲哭無淚!

第一場賠率

落筆打三更，條氣自不然頂住，諗住今日凶多吉少。
往後幾場亦冇乜心水，輕注二、三十蚊一場，輸少當贏罷咯。
到第六場，事前又已圈了13號馬春意溢然做冷馬
今回盡地一煲，買埋過關搏大堆...

失之東隅，收之桑榆，哼...(總算可以神氣番尐, 哈哈...)

第六場賠率

2762	27-10-2013 15:04	沙田 星期日	過關 位置 2X3	5 場    7 財寶星 6 場    13 春意溢然 $10	$30.00	$215.50
2765	27-10-2013 15:05	沙田 星期日	過關 位置Ｑ 2X3	5 場    7 財寶星 + 9 寶樹高盈 6 場    12 聰明波 + 13 春意溢然 $10	$30.00
2768	27-10-2013 15:27	沙田 星期日	過關 2X3 位置 獨贏及位置	6 場    13 春意溢然 9 場    14 競技英雄 $10	$50.00	$215.50

春意溢然大冷跑第二，位置派2百蚊多尐；最可惜是搭不中同場跑第一的另一冷馬 ~ 兩隻構成的連贏過萬元!
其他的過關，亦搭唔中...  :-(

稍後...執多場

2790

27-10-2013 16:36

沙田 星期日

連贏位置Ｑ

8 場    4 喜蓮標緻 + 6 大運財 $10

$20.00

$212.00

全日終於叫做贏到粒糖 ，可以話好彩，亦可以話唔好彩...然乎?!

身不由己

都未夠兩歲... =_="

在一個如此這般荒謬的社會，有時無奈都要被逼隨波逐流..
唔得咪玩多一年添囉...靚仔...<3  :-)