瞓瞓下廚神來電約晚上食飯；
並說大伯又搵腳開枱。
仍未瞓夠...
並說大伯又搵腳開枱。
仍未瞓夠...
雖有杯香濃的加料(DOUBLE)蒸溜咖啡提神，
四圈還是輸了6底。
敗軍之將，坐困愁城，無心戀戰，交託大人接力。
城外，恢復自由身 ~ 自己招呼自己。
一邊歎住紅酒，一邊睇陣報紙雜誌，隨意搵嘢食；
完全唔使客氣。
^_^
四圈還是輸了6底。
敗軍之將，坐困愁城，無心戀戰，交託大人接力。
城外，恢復自由身 ~ 自己招呼自己。
一邊歎住紅酒，一邊睇陣報紙雜誌，隨意搵嘢食；
完全唔使客氣。
^_^
零食之家
唔使慌冇嘢食
唔使慌冇嘢食
八圈戰罷，時間剛好。
大人無咎無譽，埋數就是輸了早前我輸的6底。
六個人三組各自出發
 |
| 薑葱生蠔煲 |
 |
| 陳皮蒸鱔 一個例牌得咁多多, 癮就梗係唔夠癮的了... 趁預約上去做冬 "你地唔怕整, 我又買條鱔上嚟吖..." :P |
 |
| 韮王銀芽炒魚肚 |
 |
| 燕窩奶露 |
呢尐生活，數緊手指咯.....(a_a)"
回覆刪除已經轉入直路耶? :-D
刪除近排開緊工嗱?!...
而家做副手，輕鬆好多:)
刪除仲有……年，頸都長
真好, 現在可以養尊處優。
刪除回首前塵, 當年生涯原是牛...一隻常在緊張狀態致胃氣不斷的牛...。近年嘛, 胃氣不知不覺沒有了 :-DDD
哈, 頸都長 ~ 爾生也晚, 奈何?! :-)
唔駛返工，個人係會輕鬆好多，起碼唔駛趕起床趕車趕dead line，我也很享受現在的退休生活。日中唱下金曲跳下舞，星期五是看電影日，依家我老公一到星期三四就問定我，有乜好戲睇呀。 睇首場好抵，10-25元，最貴IFC都係25元，但環境又以它最舒服，徝得的。睇完戲食個下午茶餐或去酒樓飲下午茶都所費無幾，至緊要身體生性，行得走得食得，就 very good 啦 。最近睇左幾齣戲，「誰掉換了我的父親」、「海俎擊」及「末世列車」都屬好片。生活可以這樣寫意，實在感恩政府每月的進賬，令我心裏踏實很多。哈哈 !
刪除哈, 睇番上面說的那句 "真好, 現在可以養尊處優".., 可能是會令人誤會的一句 。:P ...... 我的意思是答SHADOW "而家做副手，輕鬆好多:) " 說她現在 "養尊處優", 並不是說我自己呢, 相信兩位都應該明白, 哈哈。
刪除雖然我冇你咁寫意, 生活冇咁多采多姿, 但都很喜歡現在唔使做的生活。 :-)
頁頂說的那句：此身長恨非我有...以前真係返工、放工, 搵食要緊, 身不由己, 冇辦法。現在和返工嗰陣都一樣渾渾噩噩架嘞, 不過就比較輕鬆...夜晚通頂又得, 朝早瞓番覺又得, 身處異邦是當年無可奈何的選擇, 亦頗難返轉頭, 好在有你們不時來說幾句...。
除了在這裏不時傾幾句, 三幾年回去一次和大家聚下食下, 哈, 是一大樂事。且看幾時... ;-)
做人難得糊塗，有得渾噩都是令人羨慕的事，你依家在加的生活都稱得上養尊處優，唔駛憂柴憂米，倆口子自由自在，閒時玩下股仔馬仔，日子過得挺愜意呢! 我的生活不算多采多姿，只是漫漫長日要找點節目消磨時間而已，即是英語所謂的killing time，都是渾渾噩噩過日子。我現在一星期有四天去跳舞，因住處的社區會堂設有跳舞班，步行3分鐘已抵達，所以最近跳多兩日囉，依家有啲上癮，越來越喜歡跳舞。人生匆匆，得快樂時且快樂吧。明年有否計劃回港一行 ?
刪除非 "明" 即 "後", 甚至 "明" 完復 "後"....;-)
刪除視乎...明年堂弟一家四口(!!) 是否過來, 以及姨仔是否後年結婚。
兩位一唱一和，我流晒口水啦，而家已經做定熱身，趁行得開，都放假四圍去下，於我，將來的日子未可料，因為有家人要照顧，恐未能如兩位般自由.....
刪除豈敢豈敢! :P
刪除我唔入流架, 所謂的 "自由" , 我現在發揮得最多、算係享受到的...不外是隨時可以瞌陣咁囉...:-DDD
哈哈, 點及得HING姐尐退休生活咁豐盛、咁寫意吖...
好在我家大人現在有份工寄託添咋, 否則, 我連這些許卑微的享受都難免會遞減的啊... ;-)
黃生，希望你回港的鋪排是"明"完復"後"啦 ! 哈哈 ! 我的退休生活也算不上豐盛，如你所說只是較自由自在。加上我母親在我退休幾個月後便去世，更少了一重牽掛。但人很奇怪，有時又覺得有母親給你照顧，也是一種福氣。我母親離世前日日受病苦折磨，她初走時，我有點如釋重負，替她鬆一口氣。但當喪事辦完後，有段時間很掛念她想照顧她，但人已不在了。心裏感到有點後悔在他生時不能多照料，也抑鬱了一段日子。影儀，你媽媽很有福氣，有你細心照顧。你說得對，照顧之餘要適時抽身行開下，自己也要找些娛樂去舒緩身心。
刪除總之隔離飯香.....各有因緣啦﹗
刪除"各有因緣" ...所言極是!
刪除隔離飯香, 可能是聞之甚香, 要你真係過去食, 就未必啱口味的了...;-)
自己最清楚自己要的是甚麼...
碟頭好似細D.....
回覆刪除MISS目光如炬。
刪除比起上次去食臘味飯和羊腩煲那間, 嗰間碟頭大尐, 價錢亦比呢間平尐。
我地對呢間嘢已有微言, 昨晚一餐之後, 或者88咯。