相機 ~ 雜影

論盡之過

上星期買了杯 ESPRESSO ~ 3個 SHORTS 合成一杯

大槪1/3杯普通細咖啡之量

返屋企諗住慢慢歎

豈料一滴都冇飲過就一手撞到成杯瀉了
災情重快過海嘯的海水湧埋岸
一下子就到位

近在隔離的 "夏迎春" (ZR100)立即濺到成身都係 ~ 欲救無從

急起嚟畀我雞手鴨腳同夏迎春抺身洗面
之後就搞到睇唔到、影唔到

從前是朝中之人的妹夫雖已解甲都要麻煩佢拎番去睇下究竟乜料

近來暫時用番 "鍾無鹽" (Z500)頂檔

星期四大人放春假前操多一課

影完相就先行繞場行十零廿分鐘
待晨光透入球場才操波

星期二接完大人收工立即去洗車
剛剛洗完車 ~ 十分乾淨
又番嚟學校係因為...
洗完車大人同學校在附近買了樣用品順便拎埋返去放低先去開餐
等大人出嚟之際我順便落車鬆下吸口新鮮冷空氣

上次杯嘢倒瀉晒冇得飲還要做餐C
激鬼氣
今日買過杯 ~ 今次DOUBLE好嘞
少過上次好多...就算...

細佬早前不斷推許呢間的自助餐雖稍貴而甚正
我地未試過
早前約定今日請我地去食番餐
一行十眾

以下所影的係雙英共食的... ^-^
因為張枱近舞台(有時會有表演)而燈光暗幻
我影唔掂 ~用閃燈就白...唔用閃燈就矇
大人影一樣唔用閃燈就好地地(起碼好過我影)
於是將影相重責交畀大人
我專心食嘢

不過今日狀態欠佳

大人星期三叫我去接佢回家...早前應該又執咗大人枝籌正處於潛伏期...(?)

阿姐從盤中逐段拋入去滾鍋的本來是圓圓的拉麵麵條
不知如何
影出嚟會咁 "寬" 嘅?

拉麵好正 ~ 彈牙
湯係魚湯 ~ 味道鮮美(必有師傅在焉... 湯還可以要麻辣的...)

餸有叉燒、燒鴨...我都唔要
食了兩碗淨拉麵 ... 要餸出面大把餸攞喇

大隻多膏甜蝦

平時會食三兩件
今晚不屑一顧  :P

呢碟係邊個嘅可思半矣  :-D

蜂巢蛋糕
類以靚仔時食的白糖糕(?)

火鎗 "焦" 糖

雙英一人執尐

一邊食一邊用 "鍾無鹽" 影相...
妹夫忽然隊番 "夏迎春" 畀我  (見我地用緊舊機影相都唔早尐拎出嚟...嘿...)

"搞掂嗱? 乜事? 整咗幾錢?"
廚神搭口..."六拾五...換咗個鏡頭"
我聽錯十五..."咁平?"

妹夫跟住話唔使錢...(廚神玩我?!)
"佢地話無嘢喎...可能鏡頭當時尐水濕(水氣)未乾..."

唔知兩個邊個真...
稍後再 "追究" 真相

下面三幅相就係咖啡精上身畀我抺完之後影出嚟的 "相"
可以當色板耶?

小別一週夏迎春今晚得以重投懷抱
自己喜不自勝

錢係另一個問題
主要係正如同事話齋

好多嘢仍然都未有機會用到   :P
至少部分功能都算用熟咗些少
對攝影盲毛來說
頗有 "是非經過不知難" 的況味

於是叫大人又用夏迎春再影過
不過拎去整機時抽起了張儲存咭
現在匆忙只能用相機本身的記憶體
所以影了十零張相就用盡有限的空間了...

為時尚早
未夠六點

雖然拍緊丸狀態欠佳
仍奮力作戰
主攻生蠔和大甜蝦 ~ 各食了十幾隻
以及兩碗拉麵(還有刀削麵 ~冇試）
其他的...就只好拈拈下甚至望望焉了

食物多相對亦算質佳
無奈胃納有限
很快就有眼闊肚窄之歎

今餐我有八折
靚妹收 $2.99
價錢至抵我兩個
不過靚妹似乎更抵過我 ~ 畀$2.99由頭食到尾...食到鬆毛鬆翼
可能佢有其外公的基因
佢外公咪就係我封之為 "自助餐之王"、今餐的東道主囉... :-DDD

美人似乎變了咖啡精
事隔多日
索之猶有餘香

不敢再粗魯唐突佳人
只用布蘸些少稀釋的檸檬味洗衣液輕抺軀體再過清水

 唯一可從美人身上解下來將之滉漾於模擬微型華清池中徹底清潔
而未致惹人遐思的的就是.........這條......  :P