日誌

 星期日約了廚神夫婦飲茶
大人介紹我地去試一間 "新嘢"

可能係星期日的關係
九點開門坐落後
大槪二十分鐘已無空枱

點心價錢比平時飲開那三幾間只略貴一些
不過茶錢收足

點心大致唔錯...

 南瓜栗子粥幾好食...又大碗

雞絲粉卷
皮好...餡就麻麻
成舊淨雞肉的餡太實 ~
自己覺得不及有木耳、冬姑、些許半肥瘦和雞肉切 "絲" 的製法那麼爽滑

 正

梅菜扣肉包...喎

哈...差不多叉燒餐包咁啫...

 

------------------

 飲完茶一齊去超市行下

巡一陣買少少嘢我地走先

出嚟見大陣象...
消防車、救護車、警車...

咁都得...?

 

 

呢邊睇得清楚尐發生乜事

估計係架車褪後泊位 ~ 想泊隔離個空位
不知如何
(真係難以想像...唔係揩到一邊而係幾乎撞到正...無睇後鏡側鏡嘅咩???)
更可能忙亂之中誤踩油門當煞掣
所以衝力甚猛
車尾將原本已泊好在車位那兩部車推向前...甚多
很無辜的兩條池魚

站在車旁戴帽的 "阿伯" (唔知佢伯尐還是我伯尐...)
不知是否肇事車輛的司機

有位在出事現場附近的婆婆受了輕傷(?...大人說見佢可以自己行上擔架床...)

在繁忙的停車場發生輕微揩擦常有
蓋要顧車更要顧人
個人小心不代表每一個人(包括司機、行人)都會小心
而且有尐人真係...真係技差一皮的 (自己都屬技術普通之流...)  ^-^

此所以自己揸親車固然戰戰兢兢、小心翼翼
在這些停車場泊車有得揀都寧願行多幾步泊在沒那麼 "擠逼而繁忙" 的位置上

不過...縱然如此

早前車門處都發現有兩笪要仔細檢視才看到的小 "傷痕" 了  :-D

------------------

接近黃昏

欲雨未雨出去行陣

無繞公園行
因為早幾次黃昏行都餵蚊
不知是自己敏感還是加國尐蚊毒
咬完個別會既癢且腫 ~ 腫得十分厲害
返去立即搽嘢都唔掂
要三四日才會得稍為消退