隨拾

7/5/14
今課維持四圈 ~ 1小時

三圈快踱，強弩之末猶不能穿魯縞，何況虧精?!
之後已經唔想郁乜滯，最後一圈回氣、影相...。

早兩日說不知那個部門 / 機關負責管理公園，

今日行到攰就坐低抖下，練陣抗鬱增鈣神功；
此外，原來還可以知多尐...。  ^-^

哥哥仔早兩日剛抺乾淨了塗鴉，坐得安樂舒服；
休息一陣順便影兩張相。

兩級未來楝樑

戶外活動 / 體育堂?

呢班喧嘩、嬉戲、追逐...
活力十足

呢班目前(!)就比較鵪鶉
循規蹈矩

想當年...
自己的原型應該接近甚至更加鵪鶉，
那時客觀條件和環境亦自然差、差、差好遠...。
哈，渾渾噩噩，現在都不知是如何過渡的...。
點都好喇，俱往矣！

 斜坡上面已是馬路
公園下面有小路可通往馬路的對面

哈，你唔好彩咯 ~ 唔見3分以及至少百零二百蚊喇

兜上了對面馬路預備返歸
佢地重未玩完

說起抄牌，上星期某日接大人收工在飯堂食完嘢甫踏出商場門口，即聽見幾下警車響號，並見一部車頂閃燈的警車緊隨一部深藍色寶馬駛入了商場...；旁觀者都知事不尋常。

可前面那部寶馬似乎渾然不覺， "我行我素"，猶自兜兜轉轉施施然搵位泊車；警車則如影隨形。哈，冇花生喺身添...

揸寶馬的那位華籍年輕女士泊入了車位，好整以暇，仍未想落車(心中有鬼?)。部警車已打橫停在寶馬車屁股之後擺個頂住之勢，車上的高大健碩女警並落車走向寶馬司機位側...。年輕女士見狀(終於見到罅咩?  :-D )，按低車窗...

(我部車剛好泊在寶馬前面的隔鄰不遠，所以約莫聽到女警幾句開場白；大意如下 ~ 女警說得似乎有尐勞氣添架...)

"我由KENNEDY追到你嚟呢度，你唔知架? 你在KENNEDY路口前只准轉右的行車線沒有轉右，直行駛過路口......你唔使否認，我有錄影機拍低......"

"......"

不敢八卦逗留太耐，驚MADAM開聲齮齕及趕走就無癮，拖慢動作都要開車走人...。 :P

不理這位年輕女士是否扮懵，看來肯定吟詩都吟唔甩。正常情況，有部警車緊隨自己車後多時，閃燈、響號，冇理由完全唔知、唔理...。

那處時常經過，比較熟悉，見得多。好多時尐人貪那條轉右線車少, 其實佢地係想直行過十字路口，燈位前交通繁忙時尐車去得慢，唔想跟車龍等燈，於是行那條轉右線直過。

其實...不時會有部警車匿埋泊在路口附近的油站裏邊吼住捉呢尐車...。 ^-^

 ----------------

返歸途中感覺仍在出汗
不知是運動之汗還是血糖低之汗

叉電
杏仁餅、蝴蝶酥各一 + 蘋果汁
如此這般都止得下...汗  ^_^

 --------------------------------------------------------------------------------------------------------

并記

8/5/14
密雲

早餐食堂沙爹牛肉意 + 奶茶後一課
四圈 ~ 50分鐘

今回沒分心影相，整課一氣呵成。
快踱夾每圈一次起步慢跑至接近氣絕 ~ 每次慢跑為時少於2分鐘  :P


連操四日，雖然每次都做到索氣，似乎今日慢跑沒最初一兩日那麼辛苦了...

^_^


磅重