食誌

今朝約埋飲茶
九大一小十個人

食到吖...犀利

連得隻半牙、未夠一歲的靚妹都食到津津有味 ~
"妹" 腸粉、蛋撻、薑汁(!)雙皮奶...，好似雀仔咁擘大個口等餵，食到鬆毛鬆翼。

看來為食家族大軍明日又多一員猛將，哈！

炸糭

非常巨型而且好食
一開二兩碟都咁大堆頭

芋茸流沙包
 非常流沙 ~ 正！
驚漏晒出嚟...專心做引流入肚工程 ~ 都冇影內容了

我嗒落才覺有少少少少薑味
但靚妹食了兩三啖每次都皺眉捽眼
唔知係咪味覺特別敏感  :-D

 ----------------------------------------------------------

晚餐

燒鴨瀨

斬半隻燒鴨加兩磚鹵水豆腐 ~ 呢檔的燒鴨私意一向覺得甚佳
許為冠絕附近燒臘檔的出品，只是相對略貴少少。
今回特登用碗留起尐鴨汁...

紅袖可以添香
燒鴨汁一樣得，而且嗒落略有尐...騷冶之味   :P