日誌

生活通勝說今日不宜飲茶、不宜出街食中餐...。

晏起到飯堂食個BRUNCH；
超市買餸去也。

今日超市人流明顯疏落，比閒日還少，或者係一年之中最靜的一個星期日；
因為好多好多...母親一年一日，奉旨休息。

大人施施然首先去睇青斑，價稍貴(近月都冇平過)，樣尚佳；
煮飯還是煲粥? 大人躊躕...。

"煲粥！"
蛔蟲一錘定音。

排隊畀錢之際，緊隨後面位阿叔見條魚要廿元過外，隨口搭訕...
"乜嘢魚嚟架? 咁貴嘅?"
"青斑..."
"呵...青斑，唔怪得..."

移民之初 ，大人歎...食無魚。
青斑一出，口味上遂有誰與爭鋒之慨。
正是...北國寡魚鮮，青斑僭稱王。

近年我們真的吃了不少青斑 ~平就食密尐，貴就久不久才食餐。

書聖既有筆塚；
魚癡大人及追附驥尾的饞人歷年相信亦差堪食到有個魚骨小塚了。

若論食海鮮，以前小島絕對是精采豐富許多許多的...

講得興起
亂砌七絕打油一首(押魚韻)

<吟魚>

移民頻食青斑魚，
缸畔沉浮盡不如；

待夢香江海鮮檔，
青山仍記舊時墟。

-------------------------------------------------------

昨天孖咇行不成
今日補數
(攝記同行，靚相多半係佢之功。)

馬路兩旁都種了些水仙
年年花先發

有麗人兮花前自拍

隨行攝記之作

早前說有機會同大人入去樹林深處行下

行了短短一段已是不大好行的濕泥路
踩落去對白雪雪肯定蒙污要清潔餐懵　
等遲尐轉乾之後再行過
調頭 ~ 唔使3 POINT TURN
轉身180度即可

歇一歇、飲啖水喇...

孖咇留影

大人介紹這是鬱金香
等開花再影一次

屋苑花事

隔鄰車位、住在走廊斜對面單位的屋主寵物
想出街? 認唔認得我地?  ;-)

-------------------------------------------------------

魚粥餐

茶餘牛筋撈粗