睇波記

今晚無工開

知道晚上NBA有場季後賽在多倫多舉行

平時係不會特意坐定定喺度睇的

不過反正今晚得閒無聊...

多倫多猛龍隊 (Toronto Raptors) ~白色球衣
主場迎戰
美國布魯克林籃網隊( Brooklyn Nets) ~ 深藍球衣

對NBA的賽制認識不多
平時亦不大癮睇波
有時碰啱轉去體育台睇到好睇的就睇陣

兩隊目前要打七場四勝制爭季後賽複賽出線權
之前已打了四場 ~ 互勝兩場 ~ 2:2平手
今場是第五場
多倫多猛龍主場
星期五舉行的第六場則輪到布魯克林籃網主場

要否打第七場
視乎第五、六場的賽果
若其中一隊連勝兩場
第七場就唔使打

否則會再在多倫多打埋最後一場定勝負

所以本地擁躉十分、十分緊張

 第二節
猛龍隊暫時領先

 球票雖貴都已一早沽清
向隅的擁躉會聚集在球場出面的露天廣場睇大螢幕和替球隊打氣
有人戲稱這個廣場為 "侏羅紀公園" ~
因為Raptors此猛龍乃屬恐龍...這裏是他們的主場呢。

今日整日有雨
到黃昏仍然細雨紛飛
卻無稍減擁躉熱情
身在其中冇可能擔到遮(相信會連遮都畀人 "掉" 埋，哈)
至多著件雨衣
畫面所見大部分人都話之佢落9C喇 ~ 穿雨衣的都不多
犀利！

球場場館之內...
更犀利  :P

黃昏打到天黑

 大人亦落場打......杯士多啤梨木瓜奶昔給我潤喉助興  ^_^

猛龍隊在第二、三節已見打順條氣
曾以8X對6X領先籃網隊接近20分

可惜有一浸似乎有尐輕敵驕態致大意傳送失誤

進攻又攞唔到分

此消彼長
幾下就讓籃網隊逐些收復失地
愈追逾近
在接近100分前曾追成平手

猛龍隊知衰卻已呈慌亂之象

我同大人都睇到相當緊張
都說若是咁樣輸番就萬分唔抵

平手之後猛龍仍繼續以三兩分之微HEAD住籃網...
不過 ~ 一個失誤或是一球之微就足以形勢逆轉

 第四節淨番幾秒打完全場
猛龍114對籃網112領先兩分
不過籃網若果入多一個3分波就可以反敗為勝

最後呢陣
球員經常出現犯規動作(許多時係帶球球員引人犯規博罰球)
雙方教練又分別密密叫暫停
戰情好緊湊、氣氛好緊張...
真箇是分秒必爭，寸土不讓的局面  ^-^b

在這最後階段

一方球員犯規會即時讓對方射罰球

籃網球員因焦急而犯規

由此猛龍剛增添罰球1分

RAPTORS的紅色 "恐龍" 造型

不旋踵籃網亦賺回罰球1分

.........

此刻計時時間顯示已經打完
但似乎仍喺度擾擾攘攘，未 "肯" 完場?

裁判圍住好認真翻睇錄影片段

原來話要補多1秒

最後一擊
跳球 ~ 個球都唔知喺邊，已經吹完...  :-D

猛龍115對113僅以兩分之微險勝籃網
一額汗
星期五去籃網隊主場打第六場
贏埋就晉級
輸咗就星期六(日?)再在多倫多打最後一場決勝負