勞逸

輕勞

早前買的菜心食完
還有個袖珍高麗菜
昨晚整定備食
懶...費事用鑊爆油炒
就咁落少少油淥之哉

 -------------------

一向比較好逸惡勞  :-D

雖一兜友...昨晚吾往矣

新產品 ~ 沙嗲羊肉串
半羊痴當然要叫一串試下
雖經烈火卻無乾柴之弊
烤肉串的火候控制得恰好
而且 "味道" 沒失諸過濃...
廚房簡單的一串烤肉...看得見、食得出是用心之作

頗合口味，私心甚悅之！ 安哥多一串...^-^

私意許多事情都係...至緊要係講究分寸、火候、功夫...

一兜友叫嘢
樣樣都勒住勒住
燒雞腎又係一串

呢度尐拉麵好食
預咗食完會收工...都要食碗
份量再少尐就更好

 駱駝背上的最後那堆稻草

那四件叫 "霧之戀"  ~ 芒果、三文粒、餅乾
又係新產品
搞咁多又花、又霧尐戀嘅?

豈戀之為物...
像霧又像花?...抑霧非霧、花非花耶?

言多必失，戀多必滯...乜戀都係... :P

況這造型、材料對餅乾來說(或者都不單單是餅乾...)
就是 "魚芒在背之戀" ...
私意若是兩情相悅拍拖去食就不點呢款也罷
恐怕一食成讖就不妙了

當然若是故意借題發揮...別有用心點此作為暗示的...就... 
又怕點者有心...食者無意...那就如在濃霧之中  :P

(毒未清....所以語無倫次...)  :-DD

等咗好耐先嚟
都唔知佢撞咗幾多次才撞得成這碗仔
究竟有冇撞到碗崩樽裂?

薑汁撞奶 ~ 算幾靚架罅
雙皮奶都唔敢再叫了

呢餐食得正好
開工由頭踩到尾都唔使叉電
不過要灌水

不知道係食物的威力還是市場的威力
整晚開工時段的開心指數處於甚高水平  ^-^