日誌

就算唔使做兼職都慣了六點幾會醒一醒

一覺醒了
似乎未必可以繼續再瞓

趁陽光未猛、未熱
不如起身過去操一課嘞

清早天氣頗涼
14度
虧精都係穿件長袖薄外套比較穩陣 ^-^

3圈 ~ 45分鐘
(今次行到有尐尐氣喘的感覺咯...唔知係行快咗還是虧咗...抑或兩者都有尐 )

好多嘢都一早出嚟搵食

靚仔掛住食
冇乜警覺性
行近埋去影都費事理我
當然我都唔敢行得太近
咪嚇到佢急急腳走人而致哽親
又或者搞到佢有胃病添就唔好喇

聚精會神咁食...

呢位 "阿哥" (唔敢叫人阿叔嘞 :P)又係週圍影
佢認真好多 :-D

 "架" 起對翼嘅...咁樣舒服尐架?
嗯，通風 ~ 有所謂 "腋下生涼" 吖嘛...? 哈...

嘩，你咁鬼黑嘅?
係咪喺那全球排名第一、第二生活最貴嗰兩個城市之一移民過嚟架?
我就喺排名第三嗰個囉...
你唔熟地頭就唔好 "走" 出嚟行人路喇...好危險架...

你本地主流架?

書劍裏面的翠羽黃衫
同你有冇血緣關係?

出門運動前喺雪櫃倒定杯粟米水攤...暖
番嚟飲...

----------------

諗住今日都要上番尐糧咯
否則等到星期六、日出面食嘢多人
等位不特已
若是繁忙時間一兜友佔一張枱有尐唔係幾好意思

抖陣就去飯堂

以前由大人落單叫呢類餐
定會加句 "分汁"
今次自己唔慣...疏忽講漏咗
拎到嚟才如夢初覺
呢尐咪係大人唔喺身邊就搞到 "一塌糊塗"(尐汁...)的證明囉...:P

堂食個西冷牛扒餐食唔晒之外
還加多個焗飯餐拎走

食完順便去附近間鬼佬超市巡下
雪住的一袋幾塊蒜茸包(睇到真係有尐濕濕地的蒜茸醬的) 份量啱一兜友 ~
以前無乜留意有呢樣嘢賣
我諗烘香都會幾好食卦?...@-@
唔係好貴即管買袋試下  :P

連埋屋企尐納納雜雜嘢
都頂得一陣嘞卦...
假期可以唔使下下要出去同人逼先有得食

----------------

食完返嚟在網上磨磨蹭蹭

睇下大人有冇上網有就謦幾句
或者...留低甚麼吩咐...
美股中段又升逾百  ^-^

搞一輪...


Z.z z z z z...

呢覺係名副其實的 "晏覺" 咯 ~ 比平時晏咗好多