今日。當年

今日見白袍老友
匯報膝頭手尾...
問、睇、摸、按、屈...之後...
"呢次應該唔關痛風事
係行得多得滯(唉，即係唔做運動又C, 做又C...)
你食呢隻痛風藥比較勁
或者開過另外一隻止痛消炎藥畀你....
食兩三日藥唔夠架
要食多三幾日清晒佢..."

不過白袍老友隨後又話

"都係唔好撈亂你尐藥

繼續食呢隻食多三四日喇..." 

又開多樽痛風藥
呢隻藥食得要比較小心
要飽肚食
食咗尤其食得時間耐個人覺得噱噱地的...
腸胃會 "立" 尐
出口略見停滯...
早兩三年前有次痛風發作搞到要挾拐杖並持續逾月
食藥食到個人耷晒...嗰劑真係杰撻撻

都要食喇...希望捱多三、四日就完全無嘢...

------------------------------------------------

舊同事想我擺自己上...BLOG...
話若果睇到有人有景的相就 VERY GOOD嘞...
哈哈...即係想玩下我咁啫?!... :-D

比著從前就怕醜而且真係怕自己副尊容讓人柴台或是指指點點...
現在個人愈嚟愈化(神神地嗰種...)

既然同事開到聲(印象真係難得咁講的...)...OK...都說老咗面皮角化變厚...
冇所謂喇...反正從前都上過些相，大家見到笑下也無妨...

^-^

從前及現在其實都冇乜自拍的相
多數都係在某個場合人地影咗晒番畀我隨便收埋
手上的相其實不多...而且有些亦已經不知去向
細個及靚仔時的家庭相可能在細妹處...

這幾年有部相機之後自己才影相多了
但影景物多而影人者少
影完上BLOG之後隨手刪掉
一時之間手上似乎冇乜相啱使

近日腳痛又停了過去公園運動
想搵大人特登同我影一兩張近照讓舊同事睇下亦暫未可得

今日見完白袍老友之後添了些感慨
得閒即管摷摷那手上僅有的些少舊相出來望望...

反正都係咯...趁這機會執幾張出嚟就讓幾位常來的的故舊看看...
或者佢地見到都會有些 "感觸" 吧...

下面是自己細細的一輯紀年相

(年代久遠, 次序可能會搞錯都未定...:P)

跨年代的一個共通點則係...都是烚烚下的...^-^

中學時代
知道相裏面的同學至少有一位已經不在了...

中學時代或是剛出來做事不久...之一

...之二

 

出來搵食之後的首次外遊...之一

...之二

掹衫尾跟一位出了家的前主任參觀大佛的活動
那時大佛仍未公開開放(?) ~ 所以沒見人頭湧湧

網球三友

 

陪同事玩下扮嘢

同學聚會

哈...猶在昨日
都唔記得係邊個影、點解要影的咯...^-^

退休前幾年
那時仍未知會提早退休及異鄉卜老...

一邊搞呢篇...一邊想下好些前塵影事

卻原來一轉眼...

腳痛屋內就地取材 ~ 今日的我

希望各位網友包涵.. :P


稍後恢復運動後有機會或者叫大人喺公園同我影一兩張近照再放上嚟......;-)

印章如人? ^-^