說三道四

上星期五學期結束

大人星期一返去執檔之後就開始悠長暑假
其他同事有尐還要返暑期班

大人放假我份兼職亦冇得撈  ~ 可以有兩個月瞓晏尐咯   :-D

不過...要同大人小別...
別後工夫梗要做多尐
起碼生果要自己批先有得食咯...

---------------------------

食了兩轉藥
天殘腳早前已經行得番算OK
不過趌起身膝頭有時仍覺痛而要就住
有時又會啪一聲...
上星期四想約白袍老友向佢匯報下並且攞番尐藥

"最快星期一先有期喎..."

若果唔係屋企有藥就C火喇...
可能又要扮好嚴重博登記姑娘畀我攝個快期...
這位登記姑娘嘛 ~ 眼看她係姑娘, 眼看她係醫生太, 眼看她大肚...歸隱湊仔,
眼看她仔大現在出番嚟幫手...
嗯，好似有句乜話 ~ 近水樓台......   :-D

現在政府的醫療開支縮皮
唔畀醫生睇咁多症
白袍老友有時又放下假
所以屋企有個小型藥庫
必要時自己客串東邪
未約到白袍老友之前都有藥頂住檔先...

---------------------------

今日三T有近億多寶彩金

平時少買
今日點都要捧場

希望稍後下面愈貼愈長...:-DDD

後記

無嘢可貼...:-(