佛跳牆糉

昨天大人同班C9兵團去蒲足成日
用 "團購價" (8隻以上不過得九折而已) 買了隻貴糉回來

今晚剪綵

 足一公斤重
淥幾條菜
兩個人食

泡定杯墨汁

同廣告圖片有尐出入 ~ 這是正常的  :-D

冇冬菰
江瑤柱又冇圖片咁多粒
冇鮮魷(呢樣冇冇所謂)  ^-^
"鮑片" 反而叫做有大、小三幾塊 ~ 但...係食而不知其味嗰種
還有幾粒蠔豉、兩片豬皮、兩舊肥肉、一舊蛋黃...　

好似雞塊的就是所謂的鮑片...嘿

勁大隻食唔晒
 失望倒沒怎麼失望 ~ 蓋一早已不抱期望...

基本材料糯米和綠豆沒問題 ~ 幾好添

問題係出在加了那些無謂的 "名貴" 餡料
除了江瑤柱本身算有些鮮味(還看品質)，其餘於糉何益?
就算佢蝕畀你放的是溏心鮑魚...正如小饞常說的..."都唔match嘅..."  ^-^

食完這隻佛跳牆糉雖不至於 "跳海" 或是 "坎頭埋牆"

覺得見識一次都足夠了   ;-)

若是喜歡食糉，一隻簡簡單單的就好，不必踵事增華($)...

若是喜歡食佛跳牆呢，咪等我有斬獲時(??)才去食番次囉 ...(齋UP...:P)