30/07/11
酒店自助早餐
翌日晨光
這些住客物盡其用, 抵過我哋
九點幾才落去食早餐, 不知原來是自助餐...咁中午實慳番餐
相片所見是不均的兩人份...
食完早餐, 搞掂埋...之後, 走咯...
-------------------------------------------------------
逛市
唔賭的返出去市區行吓, 打算再上戰場的就過永利...
不過回程是晚上九時的船票...又熱又易攰, 邊行得咁耐?
不知是否自己年代之物(就算年代是, 家境也不是...)
現在罕見、已足成為古蹟的三進屋
左下是真正的 "門檻"
加拿大常見, 原來澳門都有, 香港呢?
不嘗久矣; 若非食完自助早餐, 而遇啱開餐時間, 有衝動去番尋味的!
...當時唯有辜負了那燦爛的笑容...
不少人慕名來試曾經口碑甚佳的小舖, 究竟是名副其實還是言過其實, 未試過...
呢兜友難頂濕熱, 要坐低伸條脷出嚟抖抖...
嘩, 現在睇落成隻白皮豬咁...
炭燒盲公餅
行行重行行...我和大人接近三點三仍毫無餓感...但姨仔哋兩個又話去食牛記...
兩個一人整一碟, 加杯凍飲...碟麵雖細, 但都算厲害!
我和大人祇兩份飲了杯凍檸茶...
蟹黃撈麵
咖喱牛(月展)撈麵
我祇能望麵興歎...有心無力
(不過都試了幾條麵, 麵身麻麻啫...)
哈, 好戲在後頭...
食完再行去睇吓啲手信
附近有間祥記, 又話想試吓, 當時距食完牛記不足兩小時...
雖細碟, 都係啫...一個整碟蝦子撈
一個就牛腩撈
重要整個咖喱蘿蔔
香港重有冇呢款嘢賣?
又試了幾條麵, 呢間就正, 好過牛記好多。
時近五點, 已行到夠皮有突, 又費事在週末的澳門同人輪位逼食飯, 不如提早走, 返香港才食。於是叫碟鯪魚球撈麵同大人兩份...(有四、五粒鯪魚球的); 而且...有香味, 應該落了些...豬油?!
恨死我！馬友好食過黃花。 筲箕灣 東大街 王林記魚蛋粉 有樽裝芬達汽水。
回覆刪除[版主回覆08/02/2011 11:10:00]若是去開澳門, 買幾條馬友返香港食囉。 我少飲汽水, 祇是好奇一問。
回歸塔下層有商店＆食店。 迴旋塔頂可以３６０度睇景，有唔錯自助餐食。
回覆刪除[版主回覆08/02/2011 11:14:00]時間匆匆, 食唔到幾多餐。
呢間酒店自助餐好豐富... ....隻白皮豬好似坐係主教座堂外面喎...入聖堂坐無咁熱嘛...
回覆刪除[版主回覆08/02/2011 11:57:00]十分豐富, 對我來說, 一餐可以頂一日。 未夠虔誠, 不敢入聖堂騷擾...
食 食 食！蔬乎！ 逛 逛 逛！噱乎！
回覆刪除[版主回覆08/02/2011 13:37:00]食就疏乎, 失諸太密; 逛就噱乎, 失諸太熱。
如果要食勻澳門，真係要三五日，與朋友去幾次住一晚都食到捧住個肚﹗ 其實有時間都想在澳門住番一星期，慢慢享受下~在氹仔那邊，比較寧靜悠閑。
回覆刪除[版主回覆08/02/2011 13:58:00]悠閒住幾日, 慢慢搵嘢食, 在澳門本來是很好的享受。 不過現在澳門消費頗貴, 閒日亦好多人, 市區已經淪陷於祖國自由行的人海之中, 似乎已失昔日的寧靜小鎮風情。 氹仔那邊相對比較好, 不過若要租酒店, 幾日房租相當甘, 最好有朋友招呼, 小住幾天, 他他條條, 行吓食吓...。
Macau's cultures and their building structures are so different, love that old europeran feeling. If weather was cooler, it would have been a better walk around tour!!
回覆刪除Eat and eat...that's OK, might as well try eveything you can....the best you can!!
That lady does have a great smile...too bad you didn't take a full face shot!!
[版主回覆08/03/2011 00:19:00]是啊, 若天氣稍涼, 行起上嚟會較有興緻。 為食雖是為食, 但食多兩餐又驚驚哋架。 那位小姐笑容甚甜, 祇因見我影相, 就退在門側, 我又不便追入去兜口兜面影佢; 不過既見半面, 應可思餘半...。
澳門係我另一個家，是祖母娘家＆揍大我幾兄弟妹保姆的家。 往時，每年都去探望＂家人＂。某個原因，已經無過去４年了。
回覆刪除[版主回覆08/09/2011 15:14:00]"太上忘情非吾輩" ...