13/08/11
農曆七月十四
早前提過蘋婆這物事, 外母聽見我大鄉里...。母女倆今朝去街市除了拎幾袋餸，還帶了幾粒回來讓我見識。
未剝衣的模樣似曾相識, 依稀是見過的。
盂蘭
徵用了球場, 踢球暫且讓路;
以前搭竹棚, 現在用三合土墩, 穩固安全好多。
...你的別字是擠逼; 交通如是, 建築物如是, 人更如是;
回來後說不上是如魚得水, 倒沒甚麼不慣, 尤其是竟然睡得較好...
外母重視七月十四
歸期已近, 我哋趁今日做節買些海鮮加料...一於食到齊齊 "揈咀同"
海瓜子
翅湯
罐頭鮑片蠔豉冬菇炆海參
海瓜子甚滑, 大人蒸得火候剛好, 第一箸仍略黐骨...
母女倆雙劍合璧, 忙了大半天, 連湯十二味餸
That is a great home cook meal!! What is the July 14????
回覆刪除[版主回覆08/14/2011 09:35:00]哈, 算是大製作。 農曆七月十五是盂蘭節, 屋企做節的, 會"燒衣" 給先人...。
用水煮熟後剝殼，可以當口果。 海鮮餐
回覆刪除[版主回覆08/14/2011 09:38:00]似乎從前沒有吃過。 佢哋比較愛吃海鮮...
好想影張樹上蘋婆過你看,哈!梗係行極都見有,可能都落晒LU,好在卜內搜到張,比過你睇啦,係咪好靚呀呢.早年自架影架
回覆刪除哈!外母7月14都幾大陣像,係咪因你喱個好女婿回來呢?講真自從個老母走後,老婆做咗工,都無搞這個節日好耐LU.
[版主回覆08/14/2011 21:56:00]孤陋寡聞, 蘋婆樹就真係未見過嘞。真係幾靚...香港都有? 印象中從前我自己屋企都祇不過是循例係咁意燒吓衣, 冇外母咁大陣象... 據知(?)似乎客家、鶴佬、潮州海豐一帶比較重視此節。 哈哈, 唔關我事架, 佢哋一向如此...
好豐富... ...乜七月十四要做節嘅咩?... ...
回覆刪除[版主回覆08/14/2011 21:58:00]我諗都不是個個家庭做的, 尤其是後生嗰輩。
借D意又擦一餐，乜鬼都唔放過﹗
回覆刪除[版主回覆08/15/2011 10:17:00]人、鬼殊途, 為食起來, 一也! 齊齊擦囉......盍興乎來?
阿大...早晨呀...
回覆刪除[版主回覆08/15/2011 10:13:00]MISS早晨!
回覆刪除早晨 ！ 早晨！
日日來都有大餐食
真好
蘋婆我也吃過一次
像白果像栗子
都幾好吃
[版主回覆08/15/2011 10:51:00]蘇蘇早晨! 大家咁話。 非常時期... 平常餐頭就節制一些, 有時甚至食少一餐。不過返去都有排做運動... 蘋婆的口感不錯, 不過就咁食可能冇乜味...