07/08/11
香港遇青班
今日入葵芳新都會廣場潮江春飲茶。飲完茶就在廣場逛一陣, 歎吓冷氣, 費事週圍去焗...。
商場有間叫 "TASTE" 的超市, 集乾、濕、生、熟及其他納納雜雜於一舖, 價錢似乎幾便宜(?), 頗為多人。有些現成的炒飯(生炒牛飯, 望落頗不錯。)粉麵之類, 幾好, 居然賣HK$13一盒咁平!!!還有些魚生、壽司, 價錢也不貴。
意外地還見到這條大口BASS---這就是我常說的所謂加拿大青班了。嘿, HK$40一斤(是斤, 不是磅啊!)。在香港生活的幸福之處不少, 其中之一是大把魚好食, 那當然未必要吃這種大陸養魚(?)。
他鄉遇故知，有冇帶佢返屋企一聚呢﹖
回覆刪除(今日係股市黑色星期一，阿大要保重啊﹗)
[版主回覆08/08/2011 12:44:00]曾經滄海難為水, 07-08年一役, 可能已摧毀了自己的 "知驚" 系統, 現在似乎乜都 "牡有怕"... , 今朝仍有買貨。 千里之外與故知一族隔缸相見, 拍完照後揮手一別, 各奔前程咯...
阿大...早晨呀... ....taste係百佳的...
回覆刪除[版主回覆08/08/2011 10:52:00]MISS早晨! 咁TASTE啲嘢是否平過百佳呢... 資本雄厚的超市集團, 平貴大小通吃, 盡量爭取市場佔有率...變相打殘了小本經營的個體戶....
葵芳係工廠寫字樓區，公屋多，生活指數較低。 同一間超市，唔同地區，價錢有天淵之別。
回覆刪除[版主回覆08/08/2011 10:39:00]消費者可以有得選擇, 都好吖...
都係好事，按消費者生活指數訂價。 但係，住天水圍物價係較高，好多人搭車去另一區買餸。
回覆刪除[版主回覆08/08/2011 12:41:00]若是天水圍區內缺少經營競爭對手, 形成了寡頭壟斷的局面, 則消費者就肉在砧板...。
唉!黑鱸呀,黑鱸呀,點解會遇見你呢,善哉,善哉
回覆刪除[版主回覆08/08/2011 13:42:00]各有因緣, 不必執著...
明明喺驢魚
回覆刪除点解变青班？
唔怪得 MJ 由黑人变了白人
[版主回覆08/09/2011 01:01:00]見怪不怪了。 加拿大的華人超市亂改名, 英文佢哋亦叫BASS, 但中文就亂晒籠...這種叫青班, 還有...老鼠班、黑神班、七日鮮, 唔知係乜魚嚟, 都係...唔慌好食的。
天水圍係背後特首－ 誠 哥地頭。一句話＞撤資，中 港大官即刻腳軟。
回覆刪除[版主回覆08/09/2011 14:05:00]嘿, 事可兩面看, 佢在香港發迹, 相信換了別處, 未必有今日的佢。