今晚又糾眾一齊去搵食...
菜單原本五菜一湯, 見人多還加了碟沙爹牛河和一個雜菜煲
先來凍蟹兩只...
個個都驚膽固醇, 我和廚神夫婿各擁一隻蟹蓋。
燉湯與菜單略有不同, 用了冬瓜黃耳螺頭豬展...
雖一向自號饞人, 可吾侄駸駸然有後來居上之勢... 年紀輕愛吃甚麼也毫無顧忌, 我封之為小饞。臨進店門還去附近買了幾隻鹹水角, 在席上先吃為快, 這半隻是孝敬我的。鹹水角麻麻, 皮厚餡亁, 靚(平聲去聲兩義俱有!!
)仔的他貪香口而已。
拼盤---蝦棗、咕嚕肉、手撕雞
甘蔗香薰鴨外皮帶些少甜, 色、香、味都不差
吩咐單尾炒飯及所加牛河中途先上
沙爹牛河, 芡汁太豐--->窩河?!
加餸...
鴛鴦倉魚---
雜菇扒菜苗, 夠晒大碟。
今餐真正的單尾---紫菜魚皮餃, 幾 "煙靭"。
紅荳沙加了花奶---蛇足!
HKD1200.00...真算抵食喎..好似
回覆刪除[版主回覆06/14/2009 02:20:00]星期五加$20=188, 另外加野, 連稅加小費, 圍起差不多HK$1700架罅!
拼盤同香薰鴨好正喎, 好想食! D蟹係咪生醃gar 我未試過tim!
回覆刪除[版主回覆06/14/2009 02:24:00]幾個菜都算不錯; 蟹是蒸熟了雪凍的...雖是生番, 還未致敢食生蟹!
1700蚊真係貴啲,不過股市撈嘢,都無所謂啦,
回覆刪除呢邊出街食親一圍野都起碼係咁上下, 唔慌平得去邊... 又唔係餐餐自己請, 而且久不久約食一餐之嘛
回覆刪除除咗蟹同甜品樣樣都幾啱口味...
回覆刪除[版主回覆06/14/2009 17:00:00]紅荳沙唔啱口味, 咁紅荳雪條又如何呢?
冇滷水鵝點算食潮州菜呀﹗
回覆刪除間間潮州店都只有鹵水鴨, 沒賣鵝的, 這邊的鵝有都是不知那裏來的急凍貨, 唔慌好食, 所以以鴨代之。
回覆刪除呢個菜單我都啱食喎....
回覆刪除[版主回覆06/15/2009 13:30:00]慢慢享用...
點解下一篇"大饞說小饞",回應唔到0架 !我想知道你屋企個洗地工人好唔好用呀,洗完地之後,有冇水漬殘留響地面度。幾多銀?香港會唔會有代理商...
回覆刪除[版主回覆06/16/2009 17:17:00]我自己喺果篇都開唔到D回應 ...唔知同YAHOO話BLOG服務暫停有冇關係? 果度係弟弟屋企, 佢就話正到無得頂, 乾淨企理喎; 佢成日開架, 做著佢呢兩個工人就慘D, 冇乜得休息! 不過唔知香港有無得賣, 你問的詳情等我下次見到佢再問吓才答覆你... 其實你屋企都有個聲控全能機械人, 你叫佢做乜都得格, 駛乜重買啫...
都話你睇野太膚淺啦.. 大伯...linda姐呢d叫未雨綢繆,預咗自己會生個龍鳳胎...一人湊一件,到時邊個得黎拖地掃地呢...個兩件ufo响呢個時候就大派用場啦...
回覆刪除[版主回覆06/16/2009 21:22:00]噫, 有道理...!! 有四個字說的是 "以已度人"...咁你又係喺度綢繆緊......呀???