侄女屋企開餐

朝早是嚴寒頂峰，匿喺屋企。
下午出動 ~ 先去買嘢；然後拎上侄女屋企開餐兼玩B。

 

喺屋企食完早餐；

有尐奇怪大人都冇提過等陣點食晏就出發，
原來係諗住嚟呢間嘢行。
於是要約埋持有會員咭的吾妹，兩姑嫂一齊逛。

呢度經常有尐試食檔口。 :-D

買了隻香噴噴新鮮出爐的燒雞拎去今晚食；
又同侄女入貨 ~ 鬼咁多嘢買，奶都幾袋；吾妹又買尐。

大人肩傷不便，重嘢全部歸我，搬到手軟兼索氣。

今天並非假日，又凍，店內人流顯著沒假期那麼擠逼。

邊行邊試食，好食嘅就食多轉，果然慳番餐。哈哈...

咖啡+蟹柳沙律蘇打餅
兩樣咁夾都幾好食

他他條條，巡迴試食 ，幾好 ~ 若是檔前圍滿人的，就唔使預我。
食品款式甚多：試過...香腸、牛油塗麵包、雪糕泡夫、樽庄甘笋汁...；
呢樣係杧果乳酪，還有別的味道揀架...。

呢餐有肉、有澱粉質、有飲品，還有雪糕甜品添，口感和營養都很豐富。
飽晒！

---------------------------------------

侄女家的雪櫃不算大
不過近日出面有個超級巨型又高效能的，買多尐嘢都暫時唔驚冇位放
呢釡裏邊唔知係乜呢?

 古時的不少高逸之士，都一樣想擁有間夢想之屋。

不過佢地心儀的，
並非如現今在小島上動輒億億聲的那些豪門大宅；
更不是矗立在環頭環尾、相連一排、高聳入雲、遮山擋海、篤眼篤鼻、
賣到過萬元一呎致掠奪百姓半生辛勞工作所得的...
那種自稱的所謂 "豪" 宅。
(那時還未有咁現代的概念嘛) ;-)

佢地希望自己的DREAM HOUSE係 "經營" 到...似是...
"天地入吾廬"

我地呢尐如今在北國生活而陀住阮氏個荷包的俗人，自然無力經營。
唯一呢，
在冬天隨時都會有個天然超級大雪櫃在吾廬外面，
若然唔好彩幾時屋企冇暖氣，就真係會 "天地(冷氣)入吾廬" 了。

^_^

侄孫女差不多5個月大，愈來愈過癮 ~ 大人玩B自然玩到不亦樂乎。

玩B之餘好在不忘做嘢

大人整牛油果蟹柳沙律

燒雞化整為零
呢間嘢的燒雞好掂 ~ 香滑又唔貴，抵食。

 侄女地整的BBQ醬焗金沙骨

 小饞的薯茸(本來還有魚塊，吾妹來到居然忘了拎出嚟焗...)

 金沙骨之外，還有石板焗包

還有芋頭西米露、蛋糕.... 冇影到