轉貼
新鮮熱辣的新聞圖片
 |
| 時為2014年1月8日星期三，從安省這邊拍得對面屬於美國境內的尼亞加拉瀑布一景。 |
 |
| 瀑布奔瀉而下的水流未及衝至下面已經結冰的一刻 |
 |
| 横跨美、加邊境的 "彩虹橋" (兩條陸路過境通道之一) ~ 橋下河面亦已結冰 |
 |
| 本週這股極地旋渦(polar vortex)令美國及加拿大南部大約2億4千萬人大受影響 |
 |
| Prospect Point at Niagara Falls State Park 換上了白色素裝! |
 |
| 破紀錄低溫可並未嚇怕遊客 |
 |
| 就算嚴寒之下，安省的著名地標仍能吸引遊客前來拍照。 |
 |
| 星期二(1月7日)尼亞加拉區錄得紀錄低溫華氏2度(美國用華氏), 加埋風凍效應感覺低至華氏 -20度。 |
 |
| 瀑布夏天的景觀 |
 |
| 一張最早期瀑布冰封的相片 ~ 可能攝於1911或1912年 |
 |
| 此 "冰瀑" 可能攝於1890年或是1902年 |
 |
大槪攝於1936年
瀑布下面的尼亞加拉河可以落去行 |
捱了超過一個星期極度嚴寒的天氣，今日終於回暖咯 ~ 現在攝氏零度。
^_^
-------------------------------------------------
本來一早說了下星期五17號同家人食呢餐的
不過自己烏龍，早兩日訂枱時只說星期五，以為今天就是17號... :P
訂枱後問過個個今日都得閒...
將錯就錯喇，提早可能唔使咁逼人呢...。 :-)
 |
| 例湯湯渣 |
 |
要訂枱時預訂才有得食的 ~
糯米雞 |
 |
| 臘味煲仔飯的臘味 |
 |
| 吾弟的至愛 ~糖醋生炒骨 |
 |
| 後生至愛之一 ~ 椒鹽鮮魷 |
 |
| 後生至愛之二 ~ 蒜香骨 |
 |
來到必食的鎮店之寶 ~
北菇扣鵝掌 |
 |
| 薑葱生蠔煲 |
 |
| 羊腩煲 |
 |
| 梅菜欖角蒸雙鱲魚 |
剛剛好，乜都清晒!!
-------------------------------------------------
後記
晚飯後還有這餐宵夜 ~ "馬肉過橋咪跣" :-DDD
目前仍未撤席
^_^
| 4590 | 11-01-2014
14:57 | 沙田
星期六 | 獨贏 | 5 場 11 永神駒 $10 | $10.00 | $372.50 |
| 4591 | 11-01-2014
14:57 | 沙田
星期六 | 位置 | 5 場 11 永神駒 $10 | $10.00 | $73.00 |
| 4592 | 11-01-2014
14:57 | 沙田
星期六 | 連贏位置Ｑ | 5 場 9 一馬當先 + 11 永神駒 $10 | $20.00 | $896.50 |
| 4595 | 11-01-2014
14:59 | 沙田
星期六 | 單Ｔ | 5 場 9 一馬當先 + 11 永神駒
拖 3 甜城效應 + 6 好事必得 $10 | $20.00 | |
今年真係凍得誇張......又係豐富嘅一餐...人多食嘢真係好.....:)
回覆刪除馬仔咪跣滋味如何?
隨後幾天叫做有尐 "好" 日子咯, 今天落 "雨" 咋, 真好! ;-)
刪除此所以我同大人若得兩兜友就少去食中餐, 多數去飯堂簡單三味 ~ 湯、飯、奶茶, 一餐俱全。
印象(?)...馬肉咪跣應該唔使好大碗, "至緊要係陸續咁食", 食完一碗又上一碗, 咁先夠熱和滋味的...; 今次僅食得一碗, 似乎唔夠喉。不過好過冇得食 ~ 甚至辛苦排隊逼到去到門口話已經沽清, 僅以幾粒白果謝客。 :-))
我就冰封,連有馬跑都唔知,無呀你贏嗰啲,我無供獻呀,今日你世界,連場爆冷啱你路數.
回覆刪除冰封真犀利,睇見都凍入心,香港凍起來都淒涼.
心中無馬, 證明只是逢場作戲, 肯定唔使搵那些甚麼甚麼的熱線電話號碼或者睇心理醫生。 ;-)
刪除無貢獻就好 ~ 不妨隨身帶把刀仔(行街就要小心...), 幾時經過入去, 吼機會喺棵樹度鋸番一枝兩枝落嚟。
今日的賽果重冷過極地旋渦, 幾千蚊Q都幾場, 金像神話嗰場甚至過萬, 流晒口水, 不過我應該中唔到呢尐Q架罅, 金像神話我都曾經心中一動, 但睇番賠率, 完全無跡象。而且呢尐咁馬, 至多買10蚊P, 但都係嫌太冷。買Q,QP多數會搭隻比較熱的, 隻WIN又幾百蚊, 肯定中唔到的。
早前凍到都唔想郁, 龜縮喺屋企...唉, 咁凍法, 人都頹尐。
個漩渦走未﹖百年一遇，睇圖都片打顫.....
回覆刪除我地都要早埋年，今個星期日，都係盆菜，做冬、團年都係咖罅，費事自己搞，又唔想出去食。
車油會唔會凍到“擎”咗﹖
刪除極地旋渦叫做走咗...已經冇咁凍, 呢幾日喺零度上下徘徊。
刪除以前...細佬屋企比較做得足尐, 我地兩兜友就搭單。不過...之後,埋年時候我就多數叫尐友出嚟食, 我地冇廚神咁本事喺屋企搞。都係求求其其, 年尾坐埋食餐, 都冇特別話甚麼團年的了。
現在尐車油(指引擎偈油?)品質比以前靚好多, 我初初有牌時, 天冷著了車要等副引擎轉一陣熱咗, 尐偈油在較佳狀態時先開車。現在都唔多使暖乜滯 ~ 尤其我部老爺車, 又停在停車場冇出面咁凍, 由鬼得佢, 冇新車時咁惜車了... :P
你來加這麼多年，是否今年凍得最"甘" ? 美國反常地嚴寒，持續在零下20幾度，好似進人冰河時期，頗似電影「明日之後」的畫面，睇見都心寒。又話香港暖化將會冇冬天，今個冬天都幾凍，天氣預告左呢幾天又會轉冷。依家年紀大左比前怕凍，我喺屋企或出外都會著夠衫，就是怕生病，最怕流清鼻水，跟住就會轉咳，有牌攪。
回覆刪除印象應該係咯; 又凍得甘, 又凍得耐。半夜外邊加埋風凍效應, 有兩三晚去到攝氐 -40度!!!
回覆刪除美、加今次都係因為同一股極地旋渦的寒流殺落嚟, 雖然美國位處南尐, 但可能因為地理關係, 食得似乎重應過加拿大 ~ 也是因為以為未試過咁厲害, 好多嘢都有些措手不及。
香港若是認真凍, 喺屋企就會凍到縮縮下, 不如呢邊 "舒服"。保暖最緊要, 流清鼻水轉咳, 多半是因為瞓覺尐鼻水流入喉嚨, 引致不適甚至發炎而咳...。
嘩零下40度，我地10度8度已凍到瓜瓜嘈，真係冇得比。以前屋企有個充油式的電暖爐，很慢熱的，要坐近取暖，好耐才有一室皆暖的感覺，勝在唔太乾燥。去年屋企裝修，送左俾人。我諗遲啲都要買番個暖風機，但聽講開左，空氣會很乾燥的。
回覆刪除零下40度 ~ 唔喺街外面, 都冇乜所謂...哈哈。
刪除充油式的冇咁乾燥 ~ 記得早年返九龍公園那段時間, 天冷都幾係嘢。那些原本軍營改裝的辦公地方比較簡陋, 又漏風, 天冷認真凍時, 要開個舊式的那種發熱線暖爐取暖, 乾燥+乾燥, 而且陣冷陣熱, 並不平均, 自己就覺得唔係幾舒服。
香港天冷, 最麻煩係沖涼... :-)
唔麻煩，可以在浴室裝暖管或者暖燈，都ok架。
回覆刪除哈, 咁就會好尐。
刪除而家興裝“浴室寶”，有冷暖風、抽氣、乾衣功能。
刪除入冬第一次轉涼，未係凍，掉以輕心，冇開暖爐，家母就領嘢，搞咗一輪，佢個人都有尐亂籠，怕怕了，而家暖爐開唔停，我用那款出暖風/熱風，有水箱可以入水，放水蒸氣的，冇咁乾燥啩，覺得幾好用。
有幾大舊的? 普通浴室都可以裝? 唔乾燥, 幾好。
刪除老人家真係要穩陣小心尐...。
就算屋企有暖氣, 有時溫度唔係校得咁高, 一沖完涼喺SHOWER間GUT出嚟, 我立即要熄抽氣扇先, 以免扯風攝親, 哈。
浴室寶大約300mm X 400mm, 400 x 400mm 左右，一般浴室都可以裝，但佢有厚度，假天花至天花之間要有足夠空間至得。裝修時冇搞，諗住後加，但就係假天花至天花的空間差少少，裝唔到，仲要俾咗一百大元師傅度位，如安裝的話可以扣除。
刪除嗯, 府上浴室(還是整間屋?)入伙時已經做咗假天花架...? 做了假天花咪樓底低咗尐囉? 點解要做, 靚尐? :-)
刪除只係浴室、廚房做了假天花，好似一定要做咁，冇諗過唔做噃，唔做的話尐水喉、電線外露....???
刪除IC, 做咗係美觀尐嘅.. :-)
刪除