今天塘水滾塘魚祇開一枱, 大人說有些少不適, 索性避戰, 一齊食完早餐就派我出馬去弟弟家。
接埋廚神; 途中內街亦有幾棵楓樹點綴深秋...
入屋見小饞正在炮製 "蛋包飯", 真係乜都識整?
還有這煲隔夜整好的炆豬肉, 亦是小饞出品, 剛從雪櫃取出。哈, 現在佢似乎負責晒煮餸咁款。
今晚大人亦喺屋企煮飯, 我拎幾舊返去試吓...不過今晚未得閒食, 因為大人都整咗好多餸...
---------------------------------------------------
大人煲了個藥材海味納雜湯, 個名水蛇春咁長...北茋黨參紅棗花膠海參响螺片冬蟲草...粉煲雞...喎
乜都落D, 都唔知夾唔夾...
大人有時食吓十榖米煮飯
木耳絲蝦乾煮黃芽白, 花菰雲耳髮菜炆小雞脾
昨天買了條兩磅幾的大青班, 淥魚片粥, 兩個人當然食唔晒成條, 於是留番頭、腩、骨今晚蒸
大人煮完呢餐之後, 食完我企到洗碗洗到腳軟, 抺抽油煙機抺到手軟...
阿大...早晨呀...:)...蛋包飯都識整...小朋友真犀利.......我唔多願煮嘢都係怕洗碗...:P
回覆刪除[版主回覆10/24/2011 09:52:04]早晨呀MISS...大人又煲湯又煮餸, 成餐前前後後拿來裝嘢和食嘢的碗碗碟碟兜兜必不在少, 誇張點說, 幾乎將屋企大部份的碗碟都清洗一次咁滯...=_="...。我都話小饞犀利..
加埋青斑落水蛇春湯度，一定更好飲﹗
回覆刪除[版主回覆10/24/2011 12:10:02]加埋條兩磅幾青班落水蛇春湯度, 熬半日咪變了更長的...水蛇春汁?!
飲完個湯可以打通宵牌。
回覆刪除[版主回覆10/24/2011 16:00:17]今晚祇飲咗一碗咋喎, 咁提神架咩? 咁現在真係唔係幾眼瞓喎.. 8-目...
不過至怕自己虛不受補, 而且透支過度啫...哈哈。
"蛋包飯",睇個樣都好食啦,個小朋友真係犀利。回覆大哥問番我地0個座維修完未,仲未呀,不過都整得七七八八啦,好似話過多兩個星期可以拆棚架了,希望係真........
回覆刪除[版主回覆10/24/2011 16:02:01]裝修完奐然一新, 返到屋企都爽神的架...
阿大...早晨呀.....今晚有金多寶買咗未呀?...:)
回覆刪除[版主回覆10/25/2011 10:24:23]MISS早晨! 多謝通知呀...8-目...咁晏啲要買多少咯...
嘩大人整啲餸碟頭幾大喎，你地一餐食得晒? 好豐富喎!
回覆刪除[版主回覆10/26/2011 03:20:52]哈, 大人一星期之中, 正正經經學呢餐咁大堆頭煮法的, 至多煮那一兩餐, 多數趁假期有些 "閒" 情會煮番餐。煮的次數愈少, 碟頭愈大, 因為佢要預埋晏晝帶飯, 有時我的簡單午餐亦是雪櫃有乜食乜...。 平時佢要返工的日子, 唔會經常煮飯, 會出去食吓茶餐廳、FOOD COURT、和菜小炒, 甚至自助餐...。 8-)
阿大...早晨呀...:)
回覆刪除[版主回覆10/26/2011 09:21:38]MISS早晨! ...8-), 今日又是 "快落" 的一天...=_=
You are lucky you have such a great cooks in the family!! I don't mind cleaning up, just hate to cook!! hahahaha!
回覆刪除[版主回覆10/27/2011 09:04:01]分工合作, 一人做啲囉...8-)