。所以說, 目前階段我喜歡用CASIO是有理由的。這部舊機所託非人, 一向大多發揮不出應有的性能, 更遑論盡展所長。若機都有靈性, 早前之 "病" 可能是因此而鬱出來的
。人與物俱有其性, 也講求一些緣份和際遇的。現在既有年富力強的新丁接力, 稍後就讓舊愛暫時隱居在座駕的雜物箱內, 舒服地嘆吓世界, 又可以陪伴我和大人出入, 增加安全感。如此一來, 想換部有影相功能的手提電話的需要就不那麼逼切了。記憶咭跟相機回來, 早前和香港來客臨走那朝去食CREPES的相可以重見天日。
早上廚神帶路, 我揸車...
香港來客和大人在地圖前指指點點, 猛搵香港的位置來插針---以示由何處遠道而來幫趁
住家式的小店, 應是下舖上居(?)
兩夫婦夾手夾腳, 老了有些細藝, ...很好吖
四個人點了四款, 諗住每人一樣試啲...不過, 原來每份都好大份的...
餡料分別是---三文魚、芝士火腿煙肉、波菜吞拿魚、磨菇蟹柳
食完行陣, 看看萬錦MAIN STREET保留的舊建築物...
三人行...有老師...的親屬焉, 而且有兩個添...
美式早餐都好大份。
回覆刪除[版主回覆10/12/2011 11:34:01]點都食唔晒。
阿大...早晨呀...好想食...
回覆刪除[版主回覆10/12/2011 12:00:42]MISS早晨! 香港賣這類的是在早餐時段還是午餐以後才有哩?
間餐室都幾"的色".
回覆刪除[版主回覆10/12/2011 18:13:39]地方不大, 是很早年的舊式房屋...
我都很喜歡幫襯d舖仔，老闆一手一腳打理，總有點親切感，啱傾的話，還可閒話家常一番。有次幫公司做攝手，早到咗，在炮台山某街(忘了)見到一家英式佈置的小店，好啱feel，由老闆娘一手打理，雖然食品並不特別出色，但就是喜歡那個氣氛... 以香港的貴租，小店真係做得一日得一日﹗
回覆刪除[版主回覆10/12/2011 21:16:22]所說甚是。那天當時得我哋一枱, 老闆走來傾了一陣, 之後行過亦會UP兩句...啲嘢得唔得, 諸如此類..., 頗為親切。老闆娘整完份餐之後, 亦不時走來問要不要加咖啡...
Home made meal is always good!!! I like these type of small family run restaurant....better service and better food!
回覆刪除[版主回覆10/13/2011 00:49:45]呢間食物OK, 服務週到。
相機放在車上,太陽熱力会否影响？連水樽也不可放呢！那些水会变質的,健康快樂啊！大兄
回覆刪除[版主回覆10/13/2011 15:32:44]太熱太冷我諗可能都對部相機不好的吧.?! 有考慮過這點的, 現在的氣溫沒問題, 暫時放住先, 揸車話唔定幾時有乜小意外, 有需要就在現場影番啲有利證據...。 或者在太熱或太冷時就會拎番出來喇。平時我不大喝樽庒水的, 車上乜都冇---冇嘢飲, 冇嘢食。不過縱然如此, 也不見得有幾健康啊...
見到這些餅有點像我們今次旅游時在山東濟南一帶街頭巷尾都有的北方大餅........
回覆刪除[版主回覆10/20/2011 13:05:20]好耐沒 "見" 咯...你咃嗰座裝修好晒未呀?