試新

回港前隔離小商場原本的日式自助餐食店已執笠一段時間, 食過兩次, 一般普通, 無甚驚喜, 所以也不可惜。一雞C, 一雞鳴, 最近又有間新嘢開張, 經過就望吓入邊, 觀察了一排, 都算有啲生意...。

回來後未去食過日式自助餐, 一於今晚去試新喇...

海鮮湯, 多料好味

這些蝦一般冇乜味, 但這個調味+蒜蓉, 不俗。

賣相稍老, 味道幾好。

以下五款是特別餐單, 每人每, 祇叫一次。招牌卷尚好, 蟹腳麻麻, 冇乜味。

呢個叫金龍吐珠, 我喜歡食, 但可能比較傷身。你哋估係乜呢? ...哈哈, 稍後才開估。

日式小餅, 煙靭。黑芝麻雪糕唔係度度有得食, 好味。

影影吓相忽見 "記憶體已滿", 怎可能? 才醒起上次LOAD相上網後, 忘記將記憶咭放回機內, 咁都可以影到這裏的十幾張, 已經算好。老闆娘見我哋一邊食一邊影, 話乜咁捧場, 還留了個電郵地址給我, 稍後寄一個COPY畀佢喎...但佢冇畀折扣喎...

餐價$20.99, 不折不扣
食滿四次, 第五次才有五折
食滿九次, 第十次免費

價錢雖然稍貴, 不過物有所值。尤其廚房出品, 比以前食過的任何一間都好; 而且真的是即叫即整, 新鮮熱辣, 並非如有些的整好一大盆等ORDER。回來已立即介紹了給弟弟, 佢話明晚兩公婆去食...


後記 19/10/11  1:00AM
所謂金龍吐珠, 就是大蝦+鵪鶉蛋, 兩位網友各說一半, 估對了...。鵪鶉蛋連蝦都在炸漿之內, 相中所見的兩PAT白色是沙律醬來的。
這個很好食, 不過蝦和鵪鶉蛋都是高膽固醇的, 炸又油多...。好在是祇限叫一次, 否則...嘿嘿...。