早幾天, 半夜開工時隱約聞到有些少臭味, 尚不以為意。落樓下斟茶, 見廚房兩個鋅盆都裝得滿满黑黑的...; 知道是塞喉, 啲污水(好在唔係個塔
)從下面倒灌上嚟, 大鑊!正如網友話齋, 啲嘢壞開有條路, 接二連三咁發生。我哋平時用得已經非常小心, 鋅盤長備一網格隔去所有的渣滓...。於是連忙 "畢" 水, 待水位冇咁高又泵了一輪, 可是完全冇反應, 搞到成晚冇得瞓, 好在啲水冇從鋅盤流出來。
翌日立即問管理處要了承建商的電話打去叫人嚟整, 報價收費首小時C$150, 續後每半小時加收$35, 換零件另計。唉, 更貴都要畀喇。稍後從管理處知道, 原來隔鄰的單位亦一樣情況, 應該是我哋兩邊的喉管互通的緣故。過隔離睇吓傾吓, 說我已搵人明天嚟整, 不如一齊整埋, 若不介意, 到時就兩份分擔費用...。因為心裏估計若果整好, 應該兩邊都一齊通的了
。隔離戶主的兒子說明天都會留在屋企等, 到時叫埋佢過嚟...兩日冇得用鋅盤, 十分不便, 夜晚唯有出街食, 日間我自己喺屋企食吓雪櫃嘢, 食完都冇得洗, 用紙濕水稍抺放響度...。
經常要 "畢" 水, "畢" 了幾次, 啲水已經比較 "乾淨" , 水位亦已稍低...
...出齊傢罉
食完的碗碟---洗不得
翌日下午有個鬼仔嚟搞, 帶了個姑名之為 "毒蛇鑽" 的傢罉嚟, 連接一條頂端有尖稜, 可伸縮及小幅擺動的粗金屬彈弓似的物體。放了一輪水, 開動小型機械將毒蛇鑽從喉管伸入...。可是去到盡, 搞一輪, 拉番出來, 唔見有污糟嘢黐住, 啲水亦未去得通。又落去佢架車度攞個更大型的---一個空心大車胎, 內捲藏了多圈更長的彈弓, 據說可以去到35'。又再搞一次, 最後終於搞掂。不見有甚麼殘渣塞喉, 據說可能是因為大喉的油脂...
安樂晒...
今次並非因為自己用得不當而塞喉, 可能唔使自己畀錢, 由管理處找數...。
--------------------------------------------------------------------
今天大人休息, 去飲茶
阿大...早晨呀...:)
回覆刪除唔駛比錢嘅話就真係飲得杯落咯... ;D
[版主回覆10/16/2011 11:45:07]MISS早晨呀!!! 由香港返來, 不斷有啲煩嘢...搵唔番車牌、要換水箱泵(卒之換晒三個了 8-))、爛眼鏡..., 今次塞喉; =_=" 真係仰天長歎, 老懷激...氣; 希望飲完...今朝杯茶可以沖喜吓... 8-目。吖, 星期二睇怕要買張HK六合彩...
那就是家裏的東西一路用開,突然唔用一段日子就實弊傢伙,所以我大陸那房,回去就實要跌錢
回覆刪除[版主回覆10/17/2011 07:12:56]一路用開的就因損耗而壞, 好耐唔用的就因荒廢而壞, 其壞及唔見錢一也...8-目
阿大...早晨呀...:)
回覆刪除除咗六合彩...馬仔有有斬獲呀?.. :D
[版主回覆10/17/2011 09:47:46]MISS早晨! 8-) 馬仔開頭坐鎮機前睇住賠率就贏些少, 到收尾兩場眼瞓, 見贏到啲, 求其買定過關就去覺覺豬, 果啲就輸晒, 計落共輸了幾十蚊。呢排咁好彩, 都係要明晚買香港六合彩, 有幾千萬彩金喎...
曾 SIR 話：落 D 哥士的就得啦﹗
回覆刪除[版主回覆10/17/2011 12:31:45]都完全去唔到水, 落偉哥都冇用, 藥力祇能局限在鋅盤範圍...8-目
阿大，我的BLOG正在轉新版面中，係咪要好耐架﹖(轉了半天仲未完成嘅﹖)
回覆刪除[版主回覆10/17/2011 14:21:21]若你見到那些網誌全數出現, 基本上已OK。但頁頭那個ICON "正在轉移中(?)" 則需時較耐才會自動消失。
用通渠佬＞掂！（不過，要臨瞓前落，開氣窗，關廚房門。）翌日，用水沖。
回覆刪除[版主回覆10/19/2011 10:48:38]我今次的情況未必得; 因為完全去唔到水, 啲通渠水恐怕都是積在鋅盤, 而且條毒蛇鑽要伸到好長才搞得掂, 就算滲倒落去, 去到咁遠已冇乜威力。或者平時久不久倒些落去可以防範未然。
首小時成千銀ｈｋ！香港換埋喉都唔使咁多銀。
回覆刪除[版主回覆10/19/2011 10:49:09]唉, 加拿大乜都貴, 尤其人工。
You should pour som "Drano" in there from time to time, to clean out the grease.....
回覆刪除[版主回覆10/27/2011 08:51:39]我都打算以後這樣做...:-P