昨天大人預備淥烏冬食做晚餐。趁佢搞緊未得, 又拎部相機過去公園兜兩個圈, 亂咁影...
漸黃昏...
這邊廂太陽西下
那邊廂月亮高掛
幾圓喎, 回來一看日曆, 原來是農曆十三了...
是時候返歸食烏冬咯...
------------------------------------------------------
今天是公眾假期, 大人放假, 同事早已約了兩枱雀局。稍後台柱返港數月, 此場是臨別秋波, 可能有排冇得打了。
近來多間酒樓的雀局價錢都紛紛加價(乜都加...), 打開的那間由早前的每位三十元加至三十三元。因為今天公眾假期, 午市飲茶較旺, 要成三點才可以開枱, 唯有另覓地方。公眾假期好些酒樓不設雀局, 終於搵到一間, 老闆娘以前在舊店識得, 如今離巢自己經營, 賣了個人情...不個每位要三十五元, 食兩餐。
間舖祇做小菜, 午市沒點心吃。 總共十個人, 有兩位聚完就走, 粥粉麵飯一樣一啲。鱲魚粥一大窩---另蒸頭、骨; 肉絲兩面黃; 干炒牛河; 牛腩撈粗麵; 欖菜肉碎炒飯; 籠仔蒸雞飯, 芥蘭菜心各一。我都係比較喜歡飲茶食點心...
晚飯---大煲翅一窩(所謂大煲翅, 唔多覺有翅); 燒雞一隻; 美極時菜豆腐; 咕嚕肉; 羊腩煲; 蒸魚頭; 蒜子白菜苗; 鹹魚蒸肉餅...
神雀俠侶一齊告捷---大人贏14底, 我都贏了十底。
香港也是如此，未日落，（農曆）十月圓月已經高掛了．
回覆刪除”早前的每位三十元加至三十三元。”
每位計，好奇怪，不是一檯計。那有沒有計３人５人的？即香港幣多少？其實香港加幅更大．
[版主回覆10/11/2011 15:44:44]所謂天涯共此時, 港加兩地所見的月亮應相差不遠...祇是香港多高樓大廈, 常被擋著了視線。雀局當然四人一枱計, 有些會要至少兩枱才做。一般埋單我們必是每人夾自己一份錢, 另從抽水畀貼士, 所以慣了說每人一份幾多錢。$35加幣, 今日匯率即HK$260/270左右。
哈!雙贏,重係10多底,下次鬼同你打.
回覆刪除[版主回覆10/12/2011 00:04:13]哈哈, 咁又唔會喎, 祇怕唔夠腳打唔成...我哋兩枱幾乎是慣腳, 我那枱實力平均, 輸贏機會睇臨場; 另外那枱就的確以大人略高。大家就志在聚埋飲茶吹水, 然然玩半日麻雀, 輸贏應該有限。
用新機，影得特別用心，成品都醒神d ~ XD
回覆刪除[版主回覆10/12/2011 12:21:39]正是此意---所以乜都亂貼, 唔理好(?)醜...8-)
[shadow回覆10/12/2011 12:04:22]別計較相片質素，大家互通消息就好:-)))
[版主回覆10/12/2011 00:34:52]以前...往後, 難為大家容忍那些鬆郁矇...:-P
阿大多數都又食又拎....
回覆刪除[版主回覆10/12/2011 11:57:25]一時時咋...8-)