日誌

還煲、踐諾

 今早食完早餐去弟弟家, 送還高速煲。
年初開始, 逢星期日的上午弟弟另有去處, 可今天連小饞都不在; 入到去祇得狗狗孤零零...。
上次小公公養傷, 辜負了牠搖尾歡迎, 有些歉意; 當時曾許諾下次先同佢玩。
個雷達已經拆除, 傷口應該復元, 今朝又困了一排, 唔理咁多, 一於放出來等佢走吓玩吓, 齊齊高興一陣...。

嗱, 不過唔好咁顛呀!

哈, 唔顛...就難咯
大人怕佢啲口水已經靜靜坐開; 不過一放出嚟, 就搵人、追人...走得去邊吖, 大人?

等我解圍喇
我坐響矮櫈發號施令...SIT, STAY...
睇吓幾聽話......因為, 我有法寶吖嘛...

玻璃兜仔內咪我啲法寶囉
呢隻係為食狗狗---SIT, STAY 號令之下強忍一刻...; 一叫佢食, 嘩, 立即撲上嚟!

為食到...啲手指都舔埋

食咗幾巡, 又狂奔了幾圈...

抖氣...

哈哈, 我有時做 "行" 運動都會係咁...

又想食? 畀得太多你食, 若果食滯唔掂我畀人鬧架...

佢哋重未返, 差不多要走咯, 抱一陣添喇

玩咗咁耐, 入番去飲啖水...88咯, 下次再見!

------------------------------------------------------


上磅

本星期算勤力, 做了四天運動, 但去食了一餐自助餐。
從高位略為回落, 稍有進展。應該接近自己的體重定點, 相信再減唔到幾多的了, 至多一磅半磅。

------------------------------------------------------


購物、JUNK FOOD

離開弟弟家, 去買些納雜嘢, 返歸。

順便在舖內買了兩個特價熱狗餐; 假日人多冇位坐, 索性拎番屋企, 加工處理先食。
加工處理的意思, 是熱狗焗熱再加青瓜絲/芥辣/酸瓜醬, 可樂變檸樂...

------------------------------------------------------


點倉、晚餐

清吓雪櫃的存貨...
上次食賸一塊牛扒, 拎多兩件魚塊, 今天買了一包大隻菰, 再加包新鮮寬麵
納納雜雜, 配搭亂籠。冇相干, 都係一餐啫。

咁又一日。埋位開工...

夕、饌、加

今夕

-----------------------------------------------------------


早兩天上了磅, 雖是意料中事, 心也不爽。

今天暫停出街食, 幾餐都掃雪櫃的隔夜饌; 且儲一些配額。


午---牛腩冬瓜粒湯飯

晚---大人早前包的菜肉餛飩

小休時段後記
由奢入儉難, 信焉。
食完十多隻餛飩, 小休時段已有些囉囉攣, 還要支持多幾個鐘, 唯有整個橙頂肚...

大人在圖書館借了幾本食譜

<家饌>
女士家學淵源---寫得、煮得、連字都得!

早前和網友說過芋茸煮魚腸一味懷舊菜式
食譜介紹的是魚腸煎芋餅; 更花功夫和心機, 不過更香口好食。

印象中在屋企食過的 "餅" , 有薯仔、茨菇、 蓮藕...
以薯仔餅食得最多, 亦覺得最好食; 蓮藕餅次之; 茨菇餅就麻麻, 因為太澀口

-----------------------------------------------------------


和十多萬名打工仔有直接切身關係的加薪幅度剛剛公布, 佢哋應該都相當滿意了吧。
按照消費物價指數的變動指標, 相信我哋都會緊隨其後...>5% / 5.6 ??...

大陣象

為了今晚的一餐, 早上去弟弟家借個煲。


高速煲

為的是早幾天買了塊帶筋的靚牛腩, 今晚整嚟食---清湯牛腩
用花椒、八角、果皮和水在高速煲內烚至七八成腍, 再用雞湯煮一陣...

且先看看今餐動用的架罉...

咁大陣象, 究竟今晚......?

覺得好食過出邊添, 因為塊牛腩靚!

茄子炆排骨

冬瓜粒湯、淥菜...係咁咋...

----------------------------------------------------


冇見一陣...
原來變了小公公, 個樣似乎有啲惆悵...
咁環境, 唔敢放出嚟同佢玩...SORRY...   下次先喇

冇磅一陣...
我都好惆悵...