為了今晚的一餐, 早上去弟弟家借個煲。
高速煲
為的是早幾天買了塊帶筋的靚牛腩, 今晚整嚟食---清湯牛腩
用花椒、八角、果皮和水在高速煲內烚至七八成腍, 再用雞湯煮一陣...
咁大陣象, 究竟今晚......?
覺得好食過出邊添, 因為塊牛腩靚!
茄子炆排骨
冬瓜粒湯、淥菜...係咁咋...
----------------------------------------------------
冇見一陣...
原來變了小公公, 個樣似乎有啲惆悵...
咁環境, 唔敢放出嚟同佢玩...SORRY...
下次先喇
冇磅一陣...
我都好惆悵...
加國商場發生槍擊事件，都係唔好出咁多街囉﹗
回覆刪除[版主回覆06/04/2012 09:51:40]喺FOOD COURT食嘢原來都咁危險...
風頭火勢, 真係唔好出咁多街好啲; 所以咪大大煲、細細餐都要囉。
小公公剪咗毛﹖無雜念，唔惆悵。
回覆刪除[版主回覆06/04/2012 22:36:21]引刀成一快, 不負主人求?!!
[shadow回覆06/04/2012 17:41:26]咁佢就一心意向令弟咯
[版主回覆06/04/2012 10:52:16]據知久不久會同佢去剪一次毛的, 不過就唔知幾時剪過。
咁...諗少樣都好。
The beef soup is also my favorite! tasty and healthy!!! hahahahaah!
回覆刪除[版主回覆06/05/2012 03:09:23]今次塊牛腩算靚, 可遇不可求哩!
個牛腩正喎.
回覆刪除[版主回覆06/05/2012 19:54:59]要幾樣夾先有機會整一次嚟食...見到係筋略多的"靚"腩、唔好咁大塊、唔好坐地起價...
阿大...早晨呀...
回覆刪除清湯腩...正......唔使惆悵...繼續食....
[版主回覆06/06/2012 10:12:41]MISS 早晨! 終於回歸了...
...繼續食...少啲...
高速煲是否很好用 ?安全嗎? 可以節省幾多時間 ?
回覆刪除例如炆一煲蘿蔔牛腩需時多少? 是否可保鮮味，
可以用需磁爐煲?
曾聽說有人用高速煲"煞"粽，慳了唔少時間 ?
[版主回覆06/09/2012 10:49:50]"得兩丁人，食得簡單清淡，多數蒸煮炒，間中也有炆"...
哈哈, 幾乎是照鏡了! 唯一要補充的是...食得簡單清淡(喺屋企)
[May回覆06/09/2012 10:31:50]似乎唔錯，省時慳電。我得兩丁人，食得簡單清淡，多數蒸煮炒，間中也有炆，所以遲遲啲唔起心肝買，我家姐則極力推荐。
[版主回覆06/08/2012 20:14:11]正確使用和留意開關時小心, 應該是安全的。
今次用來烚兩塊不大的牛腩, 用了大概50-60分鐘, 已經夠腍(唔敢太腍住, 因為還要拎出嚟轉煲, 落雞湯煮一陣再調味), 慳了不少時間。用普通煲炆牛腩印像至少要成三個鐘。
我哋今回才第一次借落嚟用, 效果幾好。弟婦以前則常用來炆嘢食, 照計應該好用和存味的。
烚棕更要烚得耐, 用高速煲的確應該可以慳不少時間和燃料!
至於高速煲是否可以放在電磁爐上使用, 則不大清楚, 我哋是用電的。煲是不锈鋼煲, 若普通不锈鋼可以放在電磁爐用, 我想高速煲也可以的(?)。