尖沙咀

六月十九日(星期一)

風伯上次發脾氣
掛了八號風球
致一眾回港團團友被逼取消了和一位朋友的飯約
今回補番

觀塘

六月十六日(星期五)

大家請來請去
今晚在觀塘

呢趟人齊
兩圍幾乎坐滿

高流灣

六月十五日(星期四)

間中有幾陣大驟雨
此時此地
落雨我視之為好天氣...哈



尖沙咀打邊爐

將軍澳。翠園

六月十四日(星期三)

大人喉涸
昨午又要捱一針一劑
藥後通常烏眉瞌睡
上午在家龜縮爭取休息

會靚

六月十三日(星期二)

昨晚掛了8號風球
取消了原先的飯約
臨時呼召的亦因交通狀況不明而不敢妄動

風伯既如此安排
遂修心養性...一晚

打風

六月十二日(星期一)

返港團今晚本來一起和朋友有飯約
下午天文台預告放工前後會掛8號風球
四時左右公、私營機構紛紛提早放工

登山。APM

六月十一日(星期日)

登這山

之後再登那山

這山是私營的

每次返港都一定來兩轉

其後的那山是公營的

今次是堂弟帶我新訪

速遞

六月十日(星期六)

今朝堂弟夫婦送兩個仔往位於九龍城區的學校上堂
事前約好放低兩兄弟之後一齊在區內食早粥

食完粥揸車去油麻地果欄買生果

每次畀錢都難免擾攘
終於堂弟妹買咗乜都醒尐畀我地
我地又分番尐畀佢

終於大家都拎幾袋走
火龍果...橙...蘋果...韓國西瓜...
哈...邊食得通吖

今早外母大人返鄉下
午晚又冇約人
諗住人和腸胃都可小休一下嘞卦

喺屋企開冷氣避暑至四點幾才落街
去商場的快餐店食個下午茶餐
然後到附近的一間藥材舖攞同廚神代煲的中藥
唔去過都唔知現在代煲中藥原來都十分 "專業"
一大堆細暖壺寫上姓名待領
嚟攞時將藥從暖壺倒入外賣杯(茶餐廳的外賣杯)
份量剛好一杯

廚神共煲兩劑
每劑番渣煲多次
一共四杯
用一個有盒蓋的硬紙皮盒剛好裝下四杯
才再放入膠袋
我咁論盡都應該(?)唔會整瀉
執藥連代煲四杯連工包料都唔使$100

返歸順便買了幾件餅預備 "消夜"

同廚神嗰4杯藥差不多...價錢

外母大人晏尐回來食飯
從鄉下親戚開的食肆速遞了一隻五味鵝回來
性本為食
趁新鮮順理成章陪外母食尐又加添一餐
少飯一啤
於是欲休而不能矣!
XDDD

都係只食些少好罅

五味鵝

味道比鹵水鵝豐富一些

而且呢隻鵝不肥不大

膏脂較少而肉仍嫩滑

好味!



慕名

六月九日(星期五)

在加記不時看到關於香港飲食文化的一些文章和電視節目

自己素來對舊時食制比較偏愛

心嚮往之

這大概是有番咁上下年紀的人所常見的懷舊情意結...

奈何有得睇無得食

尖東

六月八日(星期四)

今晚出尖東
和一位又是波友又曾是同業的故人敍舊

如今地鐵網絡愈來愈發達
乜線物線
轉駁便捷
由東涌出尖東據說35分鐘就搞掂
以前...? 嘿!

閒話。夜馬

六月七日(星期三)

天氣酷熱
尤其當午之際
陽光炙肉
喼帽 + 大太陽鏡出埋都頂唔順

外母喜歡去邊度都同埋兩個女同行
去飲早茶呀...去街市呀...去銀行呀...
碰到相熟的街坊和朋友就說...
"呢個係我個女...喺加拿大返咗嚟..."
XD

朝早我都常要陪大人和外母去飲早茶
在加時雖都好此道
但亦非日日如是
早雖冇咁熱
都要行廿零分鐘過幾條大小馬路才到酒樓

而且...每趟出入要上落幾幢樓梯
一來一回
索氣之餘
還週身黐立立
又要沖個涼才舒服

自己有時託辭要去食茶餐廳歎杯奶茶
轉轉口味
大人亦體諒

外母大人精力旺盛
不時約腳開枱
有時在家
有時出征

今日知道外母去別處打雀深夜方歸

無事不想出街

於是看看妹夫有無約人
蓋廚神幾日前和同學約遊韓國明晚才返

得閒就想搵佢上嚟飲枝壽宴飲剩的紅酒...哈哈

一早SAPP佢如何
原來已經有約

那就自己顧自己

叫姨仔出街回來時順便買些鹵水鵝和掌翼回來加料
唔飲紅酒飲啤酒囉

而且...還有夜馬佐飯

西營盤。上環。灣仔

六月五日(星期一)

今午輪到大人洗牙
自己晚上在灣仔有飯局
索性一齊出門口

比賽。韓燒

六月四日(星期日)

日本咖啡包

姨仔醒幾包不同味道(?)的讓我試味
喜歡的話稍後往九州可以買些帶回來...喎



洗牙。牛雜粉

六月二日(星期五)

返港前兩三個月電郵預約了雙英的牙科服務 ~  主要係想洗牙。

大家不同診所、不同日子。
今日大人先陪我過海洗牙。

繼續食

六月一日(星期四)

今天一早趁太陽未猛去辦了點私事，
然後龜縮在家歎冷氣。

中午廚神過來九龍城請外母飲茶。

晚上返港團又撲入將軍澳赴飯約。

大件夾抵食

亦幾好食

難怪甚為旺場

返港食了這許多餐

隱隱覺得以前的消費已不便宜
於今尤烈

相對呢餐就出奇抵食了

罷了加記份工

回港客串

勁大的蟠桃

尐餸都未能搞掂

趁新鮮熱辣堂食分嚐一兩啖

其餘各組自己負責...拎走

返港食得多之外

沖涼的次數亦多

好...熱...呀!

拍板

五月三十一日(星期三)



返港團五人三組

回來翌日除一齊出席外母壽筵就各自活動

今晚又約埋與親戚食飯
廚神夫婦且要趕兩枱

呢處5:45食頭圍
食完走先趕下一枱

佐敦的拍板小廚



 湯鮮甜

撈起豬肚絲



欖角排骨 ~ 菜名普通


一碟八舊
食來有尐驚喜
食材、口感和味道都甚好
七個人有人唔食

廚神夫婦亦要留肚而一舊兩份
我遂可添食
本來呢類一舊肉的近年已非心頭好
我肯添食多舊
證明應該唔錯了



一魚兩味
份量略少而幾好食(所以才覺其少...)



雲耳蒸

實際的噱頭
六個人以上可以揀一款

我地揀大連鮑
唔知係每人每1蚊隻
還是成碟1蚊



柚皮鬆化
鵝掌腍滑
上佳水準
大人食慣淡覺略鹹
我覺得幾掂檔 ~ 尤其佐飯 (今日無食飯)
或者係小店限於其 "上湯/高湯" 的成本和水準問題

馬孻糕精采
女士多好甜品? ~ 晚輩親戚幾乎食了一半

用手機畀個LIKE
送嘅喎