假期雜記(上)

前夕(週四)

明天開始放假
大人心情應該大佳
等陣收工出嚟
或會如此雀般既彈且躍咯...

^_^

 知道白袍老友明天亦開始放幾日假
早上一早約了接完大人收工後去睇佢
睇下使唔使同我執手尾(還有幾聲咳、鼻塞...)
並且攞番尐咳水及感冒藥放在藥庫

每次感冒去睇白袍老友
佢會問幾時起
若是初起三兩日，佢只照下喉嚨，睇下使唔使食抗生素
但若是自己搞一輪才去睇佢
佢就問食過尐乜藥
照喉嚨、還用聽筒聽埋胸背
驚病人自己亂搞搞出個大頭佛來 :P

"呼吸好清吖，喉嚨差不多好番，尾聲咯...，今次唔使食藥嘞..."

"成日都領嘢，身體係咪好虧?"
"(揭下成叠病歷) 唔係吖，上次已經係舊年八月(意思係食抗生素)，
試過有病人呢頭食完一劑，十零日又嚟過..."
"有時覺得小意思無嚟睇，自己食藥搞掂咋...；
屋企尐咳水幾乎食晒，同埋可唔可以攞番尐感冒丸?"

"無問題。"
(連尿酸丸都順手寫多一劑 REFILL畀我，
下次都唔使搵佢寫方，可以直接去藥房攞藥。)

--------------------------------------------------------------------

復活節(週五)

 侄女今午臨時叫明天去佢度食飯
我地問使唔使買嘢
佢話一係大人煲個湯上去 ...哈... ^-^

臨時臨急
要張羅買料煲湯

今日係法定公眾假期
出面大部分舖頭及超市規定要休息
唯有去附近那遊客景點、公眾假期可以照常營業的商場內的兩間超市巡下
但經驗係咁嘅日子商場一帶會鬼咁多車多人，等個車位都極難。

細雨紛紛
將架車泊在對面另一個小商場(好多人係咁，都好多車)
兩兜友擔把遮慢慢踱步過去
當係雨中拍跳一課

通衢大道，車水馬龍
這位老人家柱杖在馬路中心站了好一會等過路
在對面看見，真的我見猶危，戥他緊張。
好在呢邊尐車比較 "顧人" (幾乎行人大晒！)
終於有驚無險... ^_^ b
下次唔使咁快走出嚟架

今日話人，他朝人話自己...?   :P

--------------------------------------------------------------------

 保持