升級記

自己對手提電話向來沒甚麼要求，打得出、收得到就可以。早年(前十年八載?)用開的一個，相信如今已成了市場上古董。

手機的電池老化，按掣有幾粒鬆了，關機時螢幕有時又黑笪笪的一片...。不過打出和接聽功能完全正常，哈，用得就姑且用住先...。鑑於少用，原則上係以最低消費，有個手提電話傍身足矣。所以部手機沒參加甚麼月費優惠計劃，每次隔2個月就買張$25、60日期限的預繳咭增值，逐分鐘計數。2個月期屆滿前再以新咭增值，未用完的錢就可以不斷滾存下去。通常2個月都用不完那$25，目前滾存了逾$200之多(初時試過有一次逾期忘記增值，近$100的結餘即付諸東流，要從頭來過。)。就是因為捨不得放棄這筆結餘，這些年給縛住了，沒考慮換其他公司和計劃。

始終部手機實在太過老爺，又預了唔捱得幾耐，於是早前想換部有影相功能的(僅此而已！ :-) )；可是除非簽約某個月費計劃會送手機，否則電話公司獨立擺賣的動輒三幾百蚊部起碼...。 :P

剛好侄女有部秋扇在手，問要唔要；要...梗係要，即管看看啱唔啱使。

兩兜盲毛今日拎埋兩個電話去電話公司問，"想舊機轉 "新" 機，保留個戶口和電話號碼，請問呢個電話用唔用得？"

試過之後..., "要拎去解碼先..." ；還介紹埋隔離間舖頭。

"想解碼後拎番去BELL用的，掂唔掂?"

"包得！" 哥哥仔一陣間就話搞掂，盛惠$20。

過番去電話公司.......舞一輪，"唔得喎..."

心想："唔係HAWA?!"  :-(

職員搵個同事幫手，"這部電話收唔到我地公司現有的波頻..."

激C，脹然！

職員幾好人，似乎有尐唔好意思，說之前未有查看清楚波頻是否適合就叫我地拎去解碼，提議不如咁喇....

"我地公司有尐比較舊型號的電話存貨，$40/部..."

"吓，幾錢話?  $40?..."

問過有埋影相功能...嗯，諗得過... ^_^

"剛才你地解碼用了$20，呢個電話就平 $20賣畀你喇..." 

哈哈，原來世界有時真係幾美好的...

侄女的秋扇
碼已解，加國暫無用武之地
有機會拎番香港用?

古董

機非昨

啱晒我要求 ~毋須追求新款新型號
實用、價錢唔貴(簡直超平喇！)、有埋影相功能

以前問的時候從來沒有人介紹有這款機賣...?

曾經十分風光的手機巨擘
不知行差了那一兩著而似乎漸漸 "沒落(?)" :P
(看股價大不如前而斷估說其沒落，
是知其然也(相信不中不遠)；
復因自己是新科技的盲毛,
故不知其所以然也是理所當然。)
或者這才讓我今日執隻C雞

$20
(計埋職員好意"補償"今次無謂解碼那$20, 其實係$40)
就算係玩具假電話都不只此價喇...

又要...學而時習之 ^-^