以下是用手機拍的
(相機設定沒有自動對焦，只有全焦(?)；於是微距特寫 "蕉" 了...)
愈近愈矇查查
距離遠一點
飲完茶陪大人行公司
到時到候就電力不足...唔係部手機，係個人
一杯大咖啡兩份
整多件香蕉蛋糕
到時到候就電力不足...唔係部手機，係個人
一杯大咖啡兩份
整多件香蕉蛋糕
裏外共兩件外套出街剛好
虧精喺商場費事剝衫
食食下就覺得慶慶地
及時叉電
虧精喺商場費事剝衫
食食下就覺得慶慶地
及時叉電
大人見我飲完半杯咖啡似乎覺得唔過癮咁...
"整多杯仔 ESPRESSO ? " "好！"
買多杯 ESPRESSO ~ LONG
驚我嫌又濃又苦加了少少奶
我就係喜歡苦苦地才夠味嘛
以前在 SECOND CUP係用特別的杯仔裝的
好過用呢種普通大杯喇
我就係喜歡苦苦地才夠味嘛
以前在 SECOND CUP係用特別的杯仔裝的
好過用呢種普通大杯喇
今日過公園孖咇
大人順便試機
大人順便試機
 |
| 雙體機 |
--------------------------------------------------------------------
CASIO EX-ZR100 鏡頭下的動物世界...
 |
| 此窿也，其哨牙仔之竇...口耶？ |
 |
| 大人說似見哨牙仔在水中出現 兩隻雁在附近游弋不去, 莫非亦...？ |
狗公園今日熱鬧
 |
| 有尐似澳門的格力狗？ 線條甚靚 |
 |
晚餐
包心魚丸魚蛋雲吞壽桃米線
以前在香港頗喜歡吃瀨粉
同豬朋狗友出街食飯
有時會捨白飯而食齋瀨 (要飯撈汁就...)
不過過來之後從未食過滿意的瀨粉
日前買了兩包香港的壽桃米線 (濕濕地頗重的)
落埋包鮑魚海鮮味精湯包
嗯，口感依稀接近了... ^_^
 |
| 一包粉份量不多 餸多過粉 |
鍾意藍天白雲嗰張.......
回覆刪除我唔太鍾意瀨粉....但幾鍾意米線.....記得以前買過壽桃牌米線好似要煮耐少少......
藍天白雲, 令人神清氣爽...。:-)
刪除尐名搞到亂晒籠, 以前的超力銀絲米線狀如米粉, 似乎更幼;
現在這些壽桃米線則粗如瀨粉; 我當係瀨粉, 口感亦似。以前喺香港幾鍾意食大牌檔的燒鵝瀨, 呢邊用急凍雪鵝, 燒臘檔都有得賣, 但形住實唔好食, 又太大隻, 一次都未買過嚟食。
遞日或者整個壽桃米線, 斬半隻燒鴨, 自己整個燒鴨瀨, 淋幾滴鴨油, 香香地, 哈..聊當 "鵝瀨" 。
暫時電話和相機唔同用法，相機仍然要隨身的確;-)
回覆刪除現在至少會有一部影到相的手機隨身。
刪除以前將部舊CASIO長期放在車內, 以備揸車有乜揩撞時, 影番尐 "有利證據" 備案報保險。
今冬冷得厲害又時間長, 有舊電池似乎給凍瓜了, 叉唔到電...。還好妹夫以前醒多了一兩舊給我, 現在他已沒在CASIO做了。 :-)
有了這部新手機, 舊CASIO可以真正退役了。這是我想換部有影相功能手機的主要原因。
這是新買的﹖上網睇過其功能，幾全面喎，號稱旅遊長炮，24-300mm，夠用咯，唔怪得影到雀，而且有齊P, A, S, M mode，又有濾鏡，慢慢玩... ;-) 令妹夫會唔會效力N牌相機公司，係就醒尐好嘢黎 ;DDD
刪除上星期四新鮮出爐的(見升級記)。:-)
刪除事緣舊手提電話上星期六夠期再增值, 於是提前兩日拎侄女部秋扇去看看可否換機用, 若然得就買一年期的$100增值咭增值, 唔使兩個月增值一次$25, 計起嚟, $100一年期的消費重平。(以前因為驚部舊機隨時玩完, 若不能帶戶口結餘去新機度, 一次增值太多就好揼, 所以寧願逐兩個增值一次。現在新手提電話增值後結餘有成200幾近三百蚊, 有排用, 明年四月才到期。若到期前用晒錢, 可以再買過張咭增值。)
今次搞搞下奇峰突出, 居然咁平買到個啱晒自己的 "如意算盤" 的, 係始料不及的。現在只希望部機就算係次貨(?), 都唔好咁快玩完; 最壞打算, $20蚊若果用得番咁上下時間, 就已經算PERFECT了。
妹夫現在番去幫佢大佬手在合營公司一星期返兩三日工, 舖頭賣尐納納雜雜的食物, 你若有乜嘢想食, 我可以攞尐寄返香港畀你...。:-DD
若他朝佢有機會去到NIK..處做, 自然會替你(同埋自己)問佢有乜著數嘢。不過, 望天打卦之餘, 我自己會不時買張649搏下可能機會還比較大些... :P
PS "有齊P, A, S, M mode，又有濾鏡，慢慢玩..." ~ 唔知係乜, 遞日有機會及有需要再請教...哈哈...
睇番轉頭, 你問 "新買的?" 是否說部手機? 還是CASIO相機?
刪除我答的是手機... :P
HAHAHAHAHAHA~~~~~我講你部相機 Casio ZR100… 依稀記得你之前買了相機，此機否？如今才試機？
刪除哈, 自己果然 "搭+答" 錯線... :P
刪除近年用開的就是這部ZR100 ~ 經妹夫手, 我擁有兩部CASIO相機, 年前第一部是上一代的Z500, 得5百萬像素; 用了不夠一年, 他說CASIO又出了部新機---規格正尐的ZR100(1200萬像素?), 見唔使$100, 又買埋。從此就以ZR100一機走天下(嘿, 我的天下十分細的...:P), 並藉以潤飾一下本來是 "十分" 枯躁乏味、顏色單調的網誌內容(如今大槪八、九分之譜吧 :-D) ; 那部舊的Z500就放在車內以備 "不時之需" ...:-)
咁有研究,我就唔識LU,求其拍出來清楚算,我部機比我日日影,舊電都差不多,看來就快要買機至得,有日旅行時,舊電唔掂就C火.
回覆刪除邊識研究, 有埋影相功能的手機大鄉里才剛開始用了幾日, 與時代脫節就真, 幾乎係穴居人一樣呢...。哈哈...
刪除咁睇定預備換機喇...;-)