上下交煎

昨天一早
先瀉復吐
吐完一次覺得舒服尐
送完大人返工回來成日喺張床攤抖


不過攤一陣又要起身...
唔係上就下
周身唔得閒
索性擔張櫈仔喺個塔側邊 ... XC==

昨日大半日唔敢飲食
又失水

個人似乎都乾癟了

吐足了幾次
才在藥庫摷止嘔丸食(原來2011年己經到期的 :P)
鬼咁大粒
好在係可以咬碎而且有橙味
若要用水沖服就多數即食即會吐番出來
那時個口淡出烏來
竟然覺得幾好味
食完一粒之後就冇再吐，稍後再整多粒才出門接大人返歸。

 大半日不飲不食又失水
謝晒咁滯
黃昏還要揸半小時車去接做完 "飛素" 的大人返歸
不知是否胃藥影響還是虛弱，停燈有時都想瞌埋眼...
唯有強睜倦眼，更加打醒精神。


回程順便買盒大蘋果汁補水補糖
飲了半樽仔，啊，頓覺是人間至味... ^-^

辟穀30小時
剛剛食了半碗白粥

一劑跌破150

昨晚連小島的小型煙花匯演都冇精神睇
 如今稍為用力及運功牽扯到胸腔骨架及肋骨都有尐痛
昨天實在嘔得好勁