今劑來勢似乎幾兇咁...
嗯...屈指一算
11月初打的感冒針
都過了三個月有多了
頭刺、鼻水、成身 "乸" 住、腸胃谷住(不過，胃口仍不算差... ^-^)
靠感冒丸舒緩不適
不知是否心理作用，今朝瞓醒覺得連喉嚨都好似有尐乾涸
若果真係唔掂，下星期要去搵白袍老友了
嗯...屈指一算
11月初打的感冒針
都過了三個月有多了
頭刺、鼻水、成身 "乸" 住、腸胃谷住(不過，胃口仍不算差... ^-^)
靠感冒丸舒緩不適
不知是否心理作用，今朝瞓醒覺得連喉嚨都好似有尐乾涸
若果真係唔掂，下星期要去搵白袍老友了
虧緊唔願郁
大人又以私忙公 ~ 拎咗尐勞作番嚟做
大人又以私忙公 ~ 拎咗尐勞作番嚟做
於是決定今日 ~ 宅食三餐
朝早整件燒牛肉沙律三文治
食完攤抖休息
食完攤抖休息
瞓醒又食
 |
今晚...?
好似話淥麵
後記
 |
| 包心魚丸水餃烏冬 + 3粒藥丸 |
一邊食，一邊睇
索下大人睇緊的 "煮角"
索下大人睇緊的 "煮角"
今集講 "雜" ~
豬雜、牛雜、焗魚腸...
雖虧仍流口水，正!!
豬雜、牛雜、焗魚腸...
雖虧仍流口水，正!!
宅食完無事又可以任食...;)
回覆刪除哈哈, MISS明見...; 饞性難改, 奈何?!
刪除你碗粥是否有白果 ? 嘩你真係弱左啲喎，可能是財多了，哈哈 !
回覆刪除你可能移加後，會否因長期日夜作息顛倒致身體抵抗力降低，加上天氣太冷，稍一不慎，便被細菌乘虛而入，所以較易感冒。小心保重呀，呢輪都係食清淡啲好，當清下腸胃囉!
落咗白果腐竹皮蛋堯柱。 :-)
回覆刪除人又老, 錢又冇, 身體又唔好, 哈...C未? 哈... :P
自己覺得係幾樣夾夾埋埋囉...。
日夜顛倒, 瞓得"唔正常"(雖然分兩覺瞓夾埋都有六、七個鐘), 其一也。(以前問過白袍老友, 話成日感冒咁鬼虧, 使唔使食尐乜嘢補充劑補下身, 佢唔睬我..."瞓多尐, 飲多尐水得架罅" ; 為之脹然!!
去年暑假 "分身不暇"(都係借口), 少做運動, 這個冬天太凍, 總係唔願郁, 近半年幾乎停晒, 其二也。
大人份工高危, 喺學校領咗嘢, 至弊佢開始覺得少少唔舒服之時唔會即時發告預警, 那段時間傳染性最高, 自己抵抗力差, 於是多數走唔甩。好似今次咁, 佢搞到差不多接近尾聲之時, 就到我跟住唔掂。
自己知自己事, 平時一覺得唔妥就趁早啪丸, 通常食兩三次或三四次就(手禁)得住, 但今次食咗六七次藥先叫做稍為好尐。今次覺得比較嚴重, 因為搞到尐腸胃都呆晒, 谷住...。所以食埋調節腸胃的藥...白袍老友話這隻藥要食五日的, 我食了三日, 今朝終於...搞掂, 鬆咗好多, 哈哈, 咁可能即係意味尐感冒病毒都差不88咯。 :-)
睇下幾時暖番尐, 去行番吓機...。
其實身體有自動調節功能，你下次感冒不妨聽白袍老友講，早啲瞓飲多啲水食多啲生果，戒肥膩，多啲休息，通常三幾日會冇事。我屋企常備維多司及三冬茶(中藥茶包)，傷風感冒初起時，我會即刻沖維多司橙餅飲，早晚一次，又會沖檸檬水飲，總之大量吸收維他命C，通常兩三日便冇事。試過唔掂就要睇西醫了，西醫一定行先，之後再飲番一兩劑三冬茶清下底，希望冇咁易再揩過。
回覆刪除自己周身唔舒服之時, 就噱噱地唔想郁, 自不然會 "攤響度休息" :-)
刪除不過, 個人唔舒服就比較難瞓得著, 自己又怕辛苦, 所以會啪丸舒緩不適(屋企儲有一些常用的藥, 白袍老友肯講解藥性又肯寫定), 等瞓得好啲, 幫助早啲復元, 免得DUM DUM下搞到喉嚨發炎, 又咳又發燒, 要食抗生素飲咳水就麻煩。如你所說, 身體會自動調節, 肥膩嘢見到都唔想食。至於中藥就一向少食, 係平時間中煲下尐食療湯水之類。