元宵雜記

月明星稀，昨夜元月十四。

同大人去食日式自助餐，食完出嚟返歸架老爺車行行下又發抖...；

就住行，總算有驚無險。

正月十五 ~ 元宵佳日

今朝送大人返工，老爺車中途故態復萌 ~
在停車、等燈之際引擎怠速抖得比昨晚嚴重，瀕C火，諗住頂硬上行埋呢轉。

小心翼翼扺達學校門口停車，要來的終於要來；抖兩抖，C火了 ~
這算不算是 "梅菲定律" ?!

撻翻著不敢即時出馬路返歸，在學校停車場附近兜了幾圈試車。

始終覺得唔係幾掂...

冇辦法，硬著頭皮，打算著住C火燈嚟就住行，一路行都維持畀住油...；
希望唔好遇到塞車(好在係大清早)、停燈，等轉彎...而要停車。

衰嘢梗係避唔到，
去到一條大路前的十字路口，要停車等燈...又C火了！

翻撻兩三嘢，居然全無反應；大鑊...
難道要搵拖車?

熄車；落車示意貼住停響後面的車兜出去行...
心有不甘，讓架車歇一歇，再撻...
今次掂喎，登時色然而喜，趁綠燈立即吊住油駛過十字路口

之後用車速來就前面小路的幾盞交通燈
終於唔使再 "停" 返到屋企。
大話夾好彩   =_=b

 晏尐致電整車師傅
"......唔敢車嚟畀你睇，你幾時得閒可否嚟望望先?......"

晚上收工嚟試車
一出馬路行了三兩分鐘又係咁款
都好，師傅現在清楚知道我講乜
約了下星期三/四早上師傅嚟揸架車返去公司(佢自己架車則留在我停車場)

至少有四、五日冇車用
宅、宅、宅...

下星期一公眾假期
可以諗少日安排大人朝早返工

唉，都要開始認真睇下尐新車咯  =_="

-----------------------------------------------

還好昨天已經食咗餐自助餐  :P

環境所逼，今晚就粗粗地宅食...五香肉丁公仔麵喇...
志在 "撐" 啫，食乜其實都冇乜問題吖，HAWA?  :P

又幾好食，過來之後未買過五香肉丁食
呢罐唔辣乜滯，比較啱我，唔使食到頭頂出汗...
不過淨得肉丁，冇筍粒嘅?

稍後...應該(?)還有碗黑芝麻湯丸...