這幾天盡量清吓個電櫃, 裏面有好些牛尾存貨。雖然自己冇乜胃口, 大人昨晚都將之煮了一大煲紅酒燴牛尾, 今早拎上去細佬屋企, 等佢哋慢慢食。
自己留了一小兜, 兩個人一餐應該搞掂。
我們的真空煲較細, 一大煲滿得滯煮時唔可以同牛尾轉身, 於是借細佬家那個較大的...
佢哋食完又唔使還煲添
>>>>>>>>>>>>>>>>>>>>>>>>>>>>>>>>>
今早拎牛尾上去之時, 順便攞埋那份家長送給大人而我哋得物無所用的電子相架去佢哋屋企附近間舖頭, 捉埋有該舖會員咭的細妹, 去看看可否換其他合用的東西。
見喺會員, 鬼咁順攤, 居然退回現金!!
佢哋換嘢, 我自己頭岳岳去周圍哄, 見呢款電鬚刨減價...C$160減至130, 優惠期有限...
呢個係大人...我重未咁叫佢時送給我的
不過就認真耐用, 至今已用了逾二十年!!! 近年祇是叉唔到電, 年前返香港曾上總代理買過次新刀片, 其餘一切正常。不過在非冬季又唔趕時間的話, 從前比較喜歡用那種傳統的吉列鬚刨, 貼面剃得比較 "乾淨"; 現在就興晒用完即棄。
叉唔到電, 去旅行就不大方便...或者是時候功成身退, 頤養天年了(重用得, 我唔會丟掉的...
原價C$160, 本來覺得略貴。見減$30才的起心肝買...
早前說, 對於耐用品, 我傾向買些真是耐用及好用的, 寧願貴些少; (是些少, 有限度的
) 若是用得一陣就唔妥或覺得用落唔係咁好用, 就很激氣。
不知道能否媲美舊愛...?
外型幾靚...剛剛試過, 亦剃得幾乾淨
自動調整, 適應不同電壓---100-240
可以用水沖洗鬚刨頭架喎...(又要睇說明書...
還有, 大人將退相架的錢津貼我買...
莫非注定今生用的電鬚刨都由大人供應/贊助...
我一向用啲即棄鬚刨,用到鈍了掉方便,又經濟,電又要換刀片,機貴片貴,又刮得唔夠淨,以前用過飛利蒲幾好車葉型,百靈壇麻麻,打橫式刮吓刮無咁乾淨.
回覆刪除阿大...早晨呀... ....有d嘢真係買貴少少都係值嘅...
回覆刪除[版主回覆07/06/2011 09:36:00]早晨呀, MISS 其實我祇用過一部, 都沒機會比較其他牌子好唔好, 不過用到廿年咁耐, 的確是耐用品, 相當滿意的了。
新嘢有用咯...唔止在家...
回覆刪除[版主回覆07/06/2011 09:50:00]所以匆匆落鎚...
嘻嘻，我喜歡男人用剃刀。
回覆刪除每朝見佢：噴 cream、刮鬍子、再塗香噴噴的 After Shave 以很賞心悅目。
而且剃刀多用途 ---- 可以剃貓毛、清潔腳毛和 割咽喉 。
+++
哈哈！我返學了, bye
[版主回覆07/06/2011 11:22:00]我都覺得用剃刀有型 和......危險; 自己呢, 就免了罷, 至怕煩; 若是一針打落去, 可以不生鬍鬚而又證實並無男人棹忌以及其他的不良副作用, 吾往矣。 --- 哈, 今天精神稍佳, 繼續睇機...
牛尾 is so tasty, love it!
回覆刪除[版主回覆07/07/2011 01:37:00]昨晚食了, 不過兩個人都食唔晒那一小兜
呢隻好好用，我家醃尖大爺都讚。 呢個菜好易處理＋好味，沾法包，撈意粉＆米粉＆飯。
回覆刪除[版主回覆07/07/2011 09:00:00]舊的那個已用得甚為滿意, 希望新呢個隨著科技發展, 更有驚喜... 需要技巧的餸大人未必應付到, 呢啲落齊料, 燜夠火候就掂的還可以...
阿大...早晨呀... ... braun鬚刨ok架...我見亞伯用嘅都係呢個牌子...
回覆刪除[版主回覆07/07/2011 09:58:00]早晨呀 MISS 啊, 原來是亞伯(此處泛指年紀 )常用的牌子... 是不是因為此牌子好用兼耐用, 好多阿哥買了之後, 可以用到變亞伯, 所以如今見到好多亞伯都用佢...