今天電視在RIBFEST現場做訪問...
大人下午打完羽毛球回來休息一陣, 可能見我又烏又烚, 居然提議遲少少黃昏出去散步。
先行公園...
RIBFEST這幾天是黃金檔期, 三日連續假期特別多人, 連公園的草地都泊滿了車
不祇車多人多, 連雁都多...
公園不時有車經過, 不大好行; 同大人再上去RIBFEST場內看看。
看這女孩聚精會神地碌波仔, 想起姪女從前放學後在我家等弟弟放工來接她, 有時未到之前會帶她過去隔鄰愛民商場玩一兩蚊碌波仔, 積積埋埋, 當時儲了不少一串串的换物券...
歲月匆匆, 當時尚沒這女孩子咁大, 終日跳蹦蹦的, 如今已作人婦了!
大牛龜都玩...
睇落好牙煙！
回覆刪除[版主回覆07/03/2011 22:11:00]滑梯在承重及穩固方面應該不成問題, 有乜事發生, 主辦者重驚過我哋。祇要小朋友不要玩到亂晒籠及做些 "危險動作", 是OK的。 ...大、細都玩得不亦樂乎...
從小自大便很討厭去(玩)：
回覆刪除動物公園 / 馬戲團 - 虐畜
主題公園 / 机动遊戲場 - 虐人(尤其痛恨 DL, 火辣陽光下，要 D staff 著到鬼五馬六，仲四万工式笑容)
打机 - 無引, 同 program 廝守(浪費) 歲月
所以.........我是悶旦一隻。
這個 Fun Slide 也疑似呃錢，一啲 excitment 也欠奉
[版主回覆07/04/2011 05:01:00]這個 Fun Slide 也疑似呃錢，一啲 excitment 也欠奉... 人家開檔做生意, 目的是賺錢, 對象既是那些豆釘, 要顧及安全架嘛, 唔通整個高空笨豬跳畀佢哋玩咩? 我也是極少玩你說的那些, 一來有些玩意細時沒有, 而且又冇錢去玩, 到大時就怕C, 又似乎有啲畏高 ..., 貼錢買難受之事, 咪搞!! ...我是連好勝心也幾乎沒有的憨居人...
心理影響，有一位高大威猛男性友人，在國內玩坐滑船下山，中途被拋出路軌外，昏迷＋盆骨碎咗，做過手術，執番命仔，現在要揸柺杖，行路柺柺吓，永久傷殘。
回覆刪除[版主回覆07/04/2011 11:07:00]我自己不喜歡玩那些刺激及會令腎上腺素激升的機動遊戲... , 所以那些過山車...之類從來未玩過。咁耐祇在初來加的一個夏天, 有人帶去BLUE MOUNTAIN(冬天滑雪勝地), 玩過一種自己控制快慢甚至煞停、在一條頗長而九曲十三彎的坑糟內由山上向下滑的 "兜車" , 那次當然不敢滑得速度太快... 。之前還要坐吊車上去開始坐兜車的地方, 那種吊車不是密封的, 兩個人一排坐, 視野廣闊, 望見底下... , C命揸住扶手, 手心出汗...簡直暈得一陣。 至於祖國的, 就更加敬謝不敏了。
阿大...早晨呀... ....我想坐下摩天輪...
回覆刪除[版主回覆07/04/2011 11:09:00]早晨MISS 咁你應該無畏高症囉 我自己唔敢坐...
坐兜車 去到瑞士鐵力士雪山，見到遊客坐車胎胆，滑落山。我一家人係度＂講笑＂：山坡無圍欄，前面又徙，車胎無得剎停，萬一碌落旁邊山崖，就無得救！（幾大都唔制！）
回覆刪除[版主回覆07/05/2011 09:02:00]唔同車胎胆... 那種 "兜車" (我作的名稱 )是人 "窩" 在兜內, 兜就 "窩" 在坑槽之內, 不會飛出來的, 兜車有掣可以煞慢甚至煞停。不過太慢就會被後來者追上, 後來者亦要因應前兜快慢調整速度。 我坐吊車重驚過 "揸" 兜車...
Amusment park are kid's heaven!! It's nice to walk around outside, get out of the house and enjoy!!
回覆刪除[版主回覆07/07/2011 01:34:00]近來較少運動, 散步聊勝於無。