29/07/11
澳門, 我來了...
未起程回港前已預早訂了往澳門住一晚酒店+睇水舞間的套票。
在三號風球之下, 朝早出發。好在出門時雨已歇, 天色稍明, 連遮都唔使開, 不致太過狼狽。
到碼頭集合, 先行醫肚
過大海咯...
雖三號波, 風浪不大。
話咁快已到, 搭賭場的接送巴士去位處隔鄰的酒店, 睇吓幾時有房攞, 因應時間去食晏
經氹仔大橋...已許多許多年沒到此地, 如劉姥姥入大觀園
賭業發展蓬勃, 帶旺了澳門的消費...稅收增加, 可以頻頻派錢, 且派得皆大歡喜!
兩兜友在酒店大堂的半個巨型水球前自拍倒影...
酒店頗新, 美輪美奐
仍未夠鐘攞房, 先行登記, 順便寄存行李, 然後去食晏先..
斯時也, 忽爾風雨大作, 連香脆的麵包都 "撇" 濕了些...
HOUSE WINE
呢JAR唔知係乜溝乜...
食完才施施然番出去攞房...
酒店外面的景觀
我哋要非吸煙層, 望海的...房間頗大, 且是間套房。
唔止望海, 還有條飛機跑道送添...
不過下面多地盤, 唯有睇遠唔睇近
晚上...
攤抖一陣...
落賭場逛逛, 我無興趣和何生打交道。大人則似乎躍躍欲試(我善觀面色), 不過新濠天地的賭枱每注最少300元, 賭身家咩? 還是玩老虎機比較襟玩, 於是打本小注100元給大人...玩了十舖八舖, 不知如何, 贏了百幾, 玩到齊頭二百, 我這塘邊鶴慫恿大人割禾青, 鳴金收兵。大人從善如流, 千里迢迢回來, 終於讓大人小勝何生一次。
收完錢後磨多一陣就去睇水舞間, 然後食晚飯...
嘩﹗間房幾正咁喎，有名牌咖啡機、名茶加茶具...間玻璃浴室有冇得落簾﹖
回覆刪除[版主回覆07/31/2011 18:23:00]有得落簾的, 匆匆住一晚, 好些設施都沒甚麼機會享用, 最用得多就係個花灑同埋個塔... 天氣熱, 第二朝我哋兩兜友唔諗住入賭場玩, 想延後一兩個鐘退房, 都話入住率爆棚(?)唔得...; 否則還會抵的... 澳門的賭場仍如以前, 可以吸煙, 雖然現在的新場樓底高、空間亦較大, 但氣味仍感覺不舒服。
現在香港室內全面禁煙，已很難忍受焗在煙倉...﹗ 嗰Jar嘢叫“香格里拉”，應該係紅酒加水果，好似係食葡餐必有﹗
回覆刪除[版主回覆08/01/2011 04:18:00]在禁煙方面, 香港和加拿大步伐一致... 天熱口渴, 覺得幾好飲...
阿大...早晨呀... ...間房好正喎...
回覆刪除[版主回覆08/01/2011 16:28:00]MISS午安! 正是幾正, 不過祇用來瞓幾個鐘, 而且瞓著人事不知... 好似有啲唔抵... 我自己要求乾淨衞生就得架嘞...
You should stay in the venetian. I heard the rooms are better!
回覆刪除[版主回覆08/01/2011 16:40:00]睇水舞間(新濠天地)的地方與君悅酒店相鄰, 所以套票順理成章住君悅。